દિલ્હીમાં ચૂંટાયેલી સરકાર કરતા લેફ્ટનન્ટ ગવર્નરને વધુ સત્તા આપતા રાષ્ટ્રીય રાજધાની રાજ્ય સરકાર (સુધારા) બિલ 2021 (જીએનસીટીડી બિલ 2021) ને રાજ્યસભા દ્વારા પસાર કરી દેવામાં આવ્યું
દિલ્હી સરકારનો પાવર ઘટ્યો
બંને સદનમાં પસાર થઈ ગયું કેન્દ્રનું બિલ
એલજી જ હવે સર્વેસર્વા
દિલ્હીમાં લેફ્ટનન્ટ ગવર્નર અને મુખ્યમંત્રીના અધિકારોને સ્પષ્ટ કરતો કાયદો ગઇકાલે સંસદમાંથી પસાર કરવામાં આવ્યો છે. GNCTD(Government of National Capital Territory of Delhi (Amendment) Bill, 2021)ને રાજ્યસભામાં ભારે હંગામાંની વચ્ચે મંજૂરી આપી દેવામાં આવી છે. જે બાદ રાષ્ટ્રપતિના હસ્તાક્ષર થતાં જ આ બિલ કાયદો બની જશે.
એલજીના અધિકારોમાં વધારો
દિલ્હીમાં સત્તામાં પાવર માટે મુખ્યમંત્રી અને એલજી વચ્ચે વારંવાર સંઘર્ષ જોવા મળે છે એવામાં મોદી સરકારે એવું બિલ પાસ કરાવી લીધું છે જેની મદદથી એલજીના અધિયકર ક્ષેત્રને મોટું કરવામાં આવ્યું છે. આ બિલમાં એવો નિર્ણય લેવામાં આવ્યો છે કે હવેથી કોઈ પણ નિર્ણય લાગુ કરતાં પહેલા દિલ્હીની સરકારે લેફ્ટનન્ટ ગવર્નરની સલાહ લેવાની રહેશે.
એક CM જેટલા અધિકારો રાજ્યપાલને મળી ગયા
આ બિલમાં રાજ્યપાલને કોઈ પણ રાજ્યના મુખ્યમંત્રી જેવા અધિયકાર આપી દેવામાં આવ્યા છે. દિલ્હી સરકારે બધા જ નિર્ણય, પ્રસ્તાવ અને એજન્ડા વિશે એલજીને પહેલેથી જાણકારી આપવાની રહેશે. જૉ મુખ્યમંત્રી અને એલજી વચ્ચે કોઈ મુદ્દા પર મતભેદ થાય તે મુદ્દાને રાષ્ટ્રપતિ પાસે મોકલવામાં આવશે. આટલું જ નહીં એલજી કોઈ પણ બિલને મંજૂરી ન આપીને તેને રાષ્ટ્રપતિ પાસે મોકલી શકે છે અને તે બાદ જ તે રાજ્યમાં લાગુ થશે.
દિલ્હી સરકારનું કદ ઘટાડવામાં આવ્યું
કેન્દ્ર સરકાર દ્વારા જે બિલ પાસ કરવામાં આવ્યું છે તેમાં દિલ્હીમાં ચૂંટાયેલી સરકારના અધિયકારોને સીમિત કરી દેવામાં આવ્યા છે. દિલ્હીની વિધાનસભા હવે એવઆ કોઈ જ નિયમ નહીં બનાવી શકે જે દૈનિક પ્રશાસનની ગતિવિધિઓ પર લાગુ થતી હોય. આ બિલ બાદ અધિકારીઓને પણ કામ કરવાની આઝાદી મળશે કારણ કે તેમનામાં સમિતિઓ દ્વારા બોલાવવાનો ડર સમાપ્ત થઈ જશે.
આ લોકશાહી માટે દુ:ખદ દિવસ : કેજરીવાલ
દિલ્હીના મુખ્યમંત્રી અરવિંદ કેજરીવાલે બુધવારે ટ્વિટ કરીને કહ્યું કે, રાજ્યસભાએ જીએનસીટીડી સુધારણા બિલ પસાર કરી દીધું છે. લોકશાહી માટે દુ:ખદ દિવસ છે. લોકોની શક્તિ પુન:સ્થાપિત કરવા માટે અમે આપણો સંઘર્ષ ચાલુ રાખીશું. ભલે ગમે તે અવરોધો આવે, અમે આપણું સારું કામ ચાલુ રાખીશું. કામ ન તો અટકશે અને ન તો ધીમું પડશે.