અત્યારે ખરીદો, પછી પેમેન્ટ કરો. આ સુવિધાની સાથે જાતજાતના આકર્ષક લાભ જેવા કે કેશબેક અને ગિફ્ટ પોઇન્ટ મળવાના કારણે ક્રેડિટકાર્ડ એક લોકપ્રિય પેમેન્ટ ટુલ બની ગયું છે, ખાસ કરીને યંગસ્ટર્સ માટે. આ કાર્ડની મદદથી યંગસ્ટર્સને ફાઇનાન્શિયલ મુક્તિનો અહેસાસ અને પોતાની ઇચ્છા પૂરી કરવાની તાકાત પણ મળે છે, પરંતુ લોકો કહે છે કે આ તાકાતની સાથે જવાબદારી પણ મળે છે અને બિલકુલ સાચી વાત છે.
બાળકોને ક્રેડિટ કાર્ડ આપવતા પહેલાં આ સાવધાની રાખો
બાળકોને એ તમામ રીત અંગે જણાવો જે રીતે ક્રેડિટકાર્ડના ફ્રોડ થઈ શકે
ક્રેડિટકાર્ડનો ખોટી રીતે ઉપયોગ ન થાય તે સમજાવો
ક્રેડિટકાર્ડનો ખોટી રીતે ઉપયોગ થાય તો ફાઇનાન્શિયલ મુસીબતનો સામનો કરવો પડે છે. હવે વાત આવે છે 18 વર્ષથી નાની ઉંમરનાં બાળકોની. જેમને પોતાના નામ પર એક પ્રાઇમરી ક્રેડિટકાર્ડ મળતું નથી, પરંતુ એક માતા-પિતા અને એક પ્રાઇમરી ક્રેડિટકાર્ડ ધારક હોવાના નાતે તમે તેમને એક એડ-ઓન ક્રેડિટકાર્ડ આપી શકો છો. તમારું બાળક ક્રેડિટકાર્ડનો ઉપયોગ કરવાનું શરૂ કરે તે પહેલાં તેમને કેટલીક જરૂરી વાતોની જાણકારી આપવી પડશે.
ક્રેડિટ લિમિટ
એડ-ઓન ક્રેડિટકાર્ડની સાથે કાર્ડની સાથે પ્રાઇમરી ક્રેડિટકાર્ડની લિમિટ શેર કરેલી હોય છે. તમારાં બાળકોને સમજાવો કે ક્રેડિટ લિમિટ શું છે અને કાર્ડથી થતા ખર્ચ ક્રેડિટ લિમિટની અંદર જ કેમ હોવા જોઇએ. તમારું કમ્બાઇન્ડ મંથલી કાર્ડ બિલ તમારી ક્રેડિટ લિમિટ કરતાં 30 ટકાથી વધુ ન હોય તો સૌથી સારી વાત ગણાય, કેમ કે તેનાથી ક્રેડિટ યુટિલાઇઝેશન રેશિયો ઘટાડી રાખવામાં મદદ મળે છે અને પ્રાઇમરી કાર્ડધારકના ક્રેડિટ સ્કોર માટે તે સારું સાબિત થાય છે. બાળકોમાં ફાઇનાન્શિયલ ડિસિિપ્લનની આદત નાખવા માટે મંથલી ખર્ચ લિમિટ પણ સેટ કરવી જોઇએ.
ક્રેડિટકાર્ડ સ્ટેટમેન્ટ
તમારાં બાળકોને જણાવો કે એક ક્રેડિટકાર્ડ સ્ટેટમેન્ટને કેવી રીતે વાંચવું જોઇએ, જેથી તેમને સ્પષ્ટપણે સમજમાં આવી જાય કે બિલ જનરેશન ડે અને ડ્યૂ ડેટ શું છે, જેથી તેમને બિલનું પેમેન્ટ કરવામાં સરળતા રહે. આ ઉપરાંત બાળકોને એ પણ જણાવો કે એડિશનલ ઇન્ટરેસ્ટ ચાર્જ, લેટ પેમેન્ટ પેનલ્ટીથી બચવા માટે કાર્ડ ડ્યૂનું પેમેન્ટ, ડ્યૂ ડેટ પહેલાં કરવું કેમ જરૂરી છે. તેમને મિનિમમ એમાઉન્ટ ડ્યૂ અંગે પણ સમજાવો.
કાર્ડની સુરક્ષા
પ્રાઇમરી ક્રેડિટકાર્ડ હોય કે એડ-ઓન કાર્ડ બંને ખૂબ જ સાવધાનીપૂર્વક હેન્ડલ કરવાં જોઇએ. તેની સુરક્ષા પર ધ્યાન આપવામાં ન આવે તો ક્રેડિટકાર્ડમાં રહેલા પૂરાં નાણાં હાથમાંથી નીકળી શકે છે. તેથી બાળકોને ક્રેડિટકાર્ડની સુરક્ષા અંગે ખાસ સમજાવો. તેના ઉપયોગમાં શું સાવધાની રાખવી તે પણ જણાવો. બાળકોને એ તમામ રીત અંગે જણાવો જે રીતે ક્રેડિટકાર્ડના ફ્રોડ થઇ શકે છે.
સમસસર રિપેમેન્ટ
સમયસર ક્રેડિટકાર્ડ બિલનું પેમેન્ટ નહીં કરો તો વધુ પડતું નુકસાન, ઘણો બધો ઇન્ટરેસ્ટ ચાર્જ અને પેનલ્ટી લાગવાની સાથે-સાથે યુઝર્સના ક્રેડિટ સ્કોરને નુકસાન પહોંચે છે. કાર્ડ એકાઉન્ટ સાથે જોડાયેલ તમામ એકાઉન્ટના પેમેન્ટની જવાબદારી પ્રાઇમરી કાર્ડધારકની હોય છે. તમારા બાળકને પેમેન્ટ પ્રોસેસ, પેનલ્ટી ફી અને કાર્ડ ડ્યૂ પેમેન્ટ આપવા પર શું નુકસાન થાય છે તે જણાવવું પણ જરૂરી છે.