મેજર અપસેટ / 5 રાજ્યોની ચૂંટણીમાં મહારથીઓ ઉંધે માથે પછડાયા, જાણો કઈ બેઠક પરથી કોણ હાર્યુ

• પાંચ રાજ્યોની વિધાનસભાની ચૂંટણીમાં મોટો ઉલટફેર
• ઘણા દિગ્ગજોને હારનો સામનો કરવો પડ્યો
• પંજાબમાં કેપ્ટન અમરિન્દરની હાર
• પણજીમાં મનોહર પારીકરના પુત્ર ઉત્પલની હાર 

પાંચ રાજ્યોની વિધાનસભાની ચૂંટણીના પરિણામોમાં ઘણા મહારથીઓેની કારમી હાર થઈ છે જેમાં પંજાબની પટિયાલા બેઠક પરથી કેપ્ટન અમરિન્દર, ગોવાની પણજી બેઠક પરથી પૂર્વ સીએમ મનોહર પારિકરના પુત્ર ઉત્પલ પારીકર પંજાબના પૂર્વ મુખ્યમંત્રી અને પંજાબ લોક કોંગ્રેસના ચીફ કેપ્ટન અમરિન્દરને પટિયાલા બેઠક પરથી હારનો સામનો કરવો પડ્યો છે.અમરિન્દરની 19 હજાર મતોથી તો ઉત્પલ પારીકરની 687 મતથી હાર થઈ છે.

p>

કયા દિગ્ગજોની હાર

• કેપ્ટન અમરિન્દર-પટિયાલા (પંજાબ)
• ઉત્પલ પારીકર-પણજી (ગોવા)
• નવજોત સિંહ સિદ્ધુ-અમૃતસર ઈસ્ટ (પંજાબ)
• સીએમ પુષ્કર સિંહ ધામી-ખટીમા (ઉત્તરાખંડ)

કયા મહારથીઓ પાછળ ચાલી રહ્યાં છે

• દારાસિંહ ચોહાણ-મઉ(યુપી)
• હરીશ રાવત-લાલકુઆ (ઉત્તરાખંડ)
• સોનુ સુદની બહેન માલવિકા સુદ-મોગા (પંજાબ)

નવજોત સિંહ સિદ્ધુની હાર 

પંજાબ કોંગ્રેસ અધ્યક્ષ નવજોત સિંહ સિદ્ધુને પણ હારનો સામનો કરવો પડ્યો છે. 

ઉત્તરાખંડના મુખ્યમંત્રી પુષ્કર સિંહ ધામીની ખટીમા બેઠક પરથી હાર
ઉત્તરાખંડના મુખ્યમંત્રી  પુષ્કર સિંહ ધામીની ખટીમા બેઠક પરથી હાર થઈ છે. ધામીને કોંગ્રેસના ભુવન કાપડીએ હરાવી દીધા છે. 
 

જાણો બાકીના દિગ્ગજોના હાલ 

શિરોમણી અકાલી દળના પ્રકાશ સિંહ બાદલ લંબી વિધાનસભા બેઠક પર, ભદૌર અને ચમકૌર સાહિબ બેઠક પરથી કોંગ્રેસના ચરણજીત સિંહ ચન્ની, પટિયાલા અર્બન બેઠક પરથી કેપ્ટન અમરિંદર સિંહ અને અમૃતસર પૂર્વ બેઠક પરથી કોંગ્રેસના નવજોત સિંહ સિદ્ધુ મત ગણતરીમાં પાછળ ચાલી રહી છે.

મુખ્યમંત્રી ચરણજીતસિંહ ચન્ની આપી શકે રાજીનામું
મતગણતરી વચ્ચે પંજાબના મુખ્યમંત્રી ચરણજીતસિંહ ચન્ની રાજીનામું આપી શકે છે. ચંદીગઢ સ્થિત પોતાના સરકારી આવાસ પર પહોંચ્યા છે. ટુંક સમયમાં જ રાજ્યપાલને મળીને રાજીનામું સોંપી શકે છે. ચરણજીત સિંહ ચન્ની પોતે બંને બેઠકો પર પાછળ ચાલી રહ્યા હોવાથી તેમના રાજીનામાની ચર્ચા પણ એક સમયે ઉઠી હતી.