બિઝનેસ / આગામી 5 વર્ષમાં જંગી રોકાણ કરવાની ટાટા પાવરની યોજના, 2.5 ગણું વધી જશે વીજ ઉત્પાદન

• આગામી 5 વર્ષમાં ટાટા પાવરની જંગી રોકાણ કરવાની યોજના
• આ કંપનીનું વીજ ઉત્પાદન લગભગ 2.5 ગણું વધી જશે 
• જાણો કંપનીની શું છે આખી યોજના 

ટાટા પાવર આગામી પાંચ વર્ષમાં રિન્યુએબલ એનર્જી સેક્ટરમાં રૂ. 75,000 કરોડનું રોકાણ કરવાની યોજના બનાવી રહી છે. કંપની આ સમયગાળા દરમિયાન તેની વીજ ઉત્પાદન ક્ષમતા વધારીને 30,000 મેગાવોટ કરવા માંગે છે. આમાંથી અડધું ઉત્પાદન સ્વચ્છ ઉર્જા સ્ત્રોતોમાંથી પ્રાપ્ત થશે.

ટાટા પાવરની ઉત્પાદન ક્ષમતા 13,500 મેગાવોટ
હાલમાં ટાટા પાવરની ઉત્પાદન ક્ષમતા 13,500 મેગાવોટ છે. આમાં રિન્યુએબલ એનર્જી સ્ત્રોતનો હિસ્સો 34 ટકા છે. એટલે કે ટાટાની વીજ ઉત્પાદન ક્ષમતામાં અઢી ગણો વધારો થશે. તેમજ તેનો મોટો હિસ્સો સ્વચ્છ ઉર્જા સ્ત્રોતોમાંથી આવશે.

શેરધારકોએ કર્યો સવાલ 
ટાટા પાવરના ચેરમેન નટરાજન ચંદ્રશેખરને ગુરુવારે કંપનીની વાર્ષિક સામાન્ય સભામાં જણાવ્યું હતું કે અમે આગામી પાંચ વર્ષમાં રિન્યુએબલ એનર્જી સેક્ટરમાં રૂ. 75,000 કરોડનું રોકાણ કરવાની યોજના બનાવીએ છીએ. તેઓ કંપનીની ભાવિ યોજનાઓ પર શેરધારક દ્વારા પૂછવામાં આવેલા પ્રશ્નનો જવાબ આપી રહ્યા હતા.

ગ્રીન એનર્જી તરફ આગળ વધી રહ્યું છે ટાટા પાવર 
પોતાના સંબંધોમાં ચંદ્રશેખરે જણાવ્યું હતું કે ટાટા પાવર 2026-27 સુધીમાં તેની ઉત્પાદન ક્ષમતાને 30,000 મેગાવોટ સુધી લઈ જવાની યોજના ધરાવે છે. હાલમાં તે 13,500 મેગાવોટ છે. આ સિવાય કંપનીનો ક્લીન એનર્જી પોર્ટફોલિયો 2027 સુધીમાં વધીને 60 ટકા થઈ જશે જે અત્યારે 34 ટકા છે. 2030 સુધીમાં આને વધારીને 80 ટકા કરવાનું લક્ષ્ય છે.

તેમણે કહ્યું કે કંપની ચાલુ નાણાકીય વર્ષમાં કુલ રૂ. 14,000 કરોડનું રોકાણ કરવા માગે છે. તેમાંથી 10,000 કરોડ રૂપિયાનું રિન્યુએબલ એનર્જીમાં રોકાણ કરવામાં આવશે. ટાટા પાવરે 2021-22માં રિન્યુએબલ એનર્જી ક્ષમતામાં 707 મેગાવોટનો ઉમેરો કર્યો છે.

સ્ટોક પર એક્સપર્ટ્સ બુલિશ
ટાટા પાવરના શેરે છેલ્લા કેટલાક મહિનામાં ઉત્તમ વળતર આપ્યું છે. આજે NSE પર ટાટા પાવરનો શેર 216 રૂપિયાની આસપાસ ટ્રેડ થઈ રહ્યો છે. નિષ્ણાતો ટાટા પાવરને લઈને બુલિશ છે અને તેમણે 250 રૂપિયાનો ટાર્ગેટ પ્રાઈઝ રાખ્યો છે. એટલે કે હાલના ભાવથી તેમાં 18 થી 20 ટકાનો વધારો થઈ શકે છે.

ટાટા ગ્રૂપનો આ સ્ટોક 7 એપ્રિલ, 2022ના રોજ તેની 52 સપ્તાહની ઊંચી સપાટીએ પહોંચ્યો હતો અને 298 રૂપિયા પર પહોંચી ગયો હતો. ત્યાં જ 28 જુલાઈ, 2021એ આ 52 અઠવાડિયાના નિચલા સ્તરે 118.40 રૂપિયા સુધી ઘટ્યો હતો.