કોરોના મહામારી / જો સરકાર 5 દિવસ માટે આ કામ નહીં કરે તો રોજના 2.5 લાખ કેસ આવશે : એક્સપર્ટ્સ

• કોરોના મહામારીની બીજી લહેર
• 5 દિવસનું સેલ્ફ લોકડાઉન કરે સરકારઃ એક્સપર્ટ્સ
• નહીં તો મહામારીનો આંક 2.5 લાખ થશેઃ એક્સપર્ટ્સ

 
દેશમાં કોરોનાનું સંક્રમણ બેકાબૂ બન્યું છે. કોરોનાની બીજી લહેરના આંક રોજ નવો રેકોર્ડ બનાવી રહ્યા છે. 24 કલાકમાં દેશમાં કોરોનાના 1.60 લાખ નવા કેસ આવ્યા છે અને સાથે 880 લોકોના મોત થયા છે. કોરોના સંક્રમણની ઝપેટમાં આવનારા લોકોની સંખ્યા વધી રહી છે. બીજી લહેરની સાથે લોકોના સ્વાસ્થ્યનું જોખમ પણ વધ્યું છે. સ્વાસ્થ્ય વિશેષજ્ઞોનું કહેવું છે કે સંક્રમણનો દર હજુ પણ વધશે અને રોજનું સંક્રમણનો આંક 2.5 લાખને પાર જઈ શકે છે. તેઓનું માનવું છે કે જો સરકાર ઈચ્છે તો 5 દિવસનું સેલ્ફ લોકડાઉન લાગૂ કરી શકે છે. 

 
5 દિવસ સુધી ઘરમાં આઈસોલેટ થઈ જાય જનતાઃ એક્સપર્ટ્સ

એક્સપર્ટ્સનું માનવું છે કે સરકાર જો ફ્કત 5 દિવસનું સેલ્ફ લોકડાઉન જાહેર કરે છે તો તેમાં હેરાન થવાની જરૂર નથી. સેલ્ફ લોકડાઉનનો અર્થ છે કે લોકો જેમને લાગે છે કે તેઓ કોરોના સંક્રમિત છે અને મહામારીથી સંક્રમિત નથી તેઓ 5 દિવસ સુધી ઘરમાં પોતાને આઈસોલેટ કરે. તેનાથી સંક્રમણને રોકવામાં મદદ મળશે. કોરોનાનો નવો સ્ટ્રેન 70 ટકા ઝડપથી સંક્રમણને ફેલાવી રહ્યો છે આ સમયે સેલ્ફ લોકડાઉન એક ખાસ વિકલ્પ છે. 

 
2.5 લાખથી વધારે હોઈ શકે છે રોજના કેસ

તેઓએ કહ્યું કે દેશમાં આજે 1.68 લાખ કેસ આવ્યા છે. આ આંકડો હજુ પણ વધી શકે છે અને ક્યાં સુધી જશે તેને અંગે કંઈ કહી શકાય તેમ નથી. આશા છે કે આવનારા 10 દિવસમાં સંક્રમણના કેસ 2.5 લાખથી વધારે થાય. સરકારના હાથમાં કંઈ નથી પણ કુલ મળીને સંક્રમણ પર કાબૂ મેળવવાની જરૂર છે અને તેને માટે સેલ્ફ લોકડાઉન જરૂરી છે.  
 
યુવાઓએ સાવધાની રાખવાની જરૂર
એક એક્સપર્ટનું કહેવું છે કે આ લહેરમાં કોરોના યુવાઓને પણ ઝપેટમાં લઈ રહ્યો છે. તેનું એક કારણ એ છે કે કોરોનાના પ્રોટોકોલનું પાલન થઈ રહ્યું નથી. તેઓએ પોતે બીમારીથી બચવાની જરૂર છે. આ બીમારી ગંભીર છે અને તેને માટે ગંભીરતા દેખાડવાની જરૂર છે. મહારાષ્ટ્ર સરકાર પોતાને ત્યાં આ લોકડાઉન લગાવવાનું વિચારી રહી છે. સૂત્રોનું કહેવું છે કે ગુડી પડવા બાદ રાજ્યમાં લોકડાઉન આવી શેક છે.