એપ્રિલ મહિનો ખતમ થવા જઈ રહ્યો છે અને મે મહિનાની શરૂઆત થવાની છે આ મહિનાની શરૂઆત પણ ઘણા મોટા ફેરફારની સાથે થઈ રહી છે. એવામાં આવો જાણીએ કે આ મહિનો તમારા માટે કેવી શરૂઆત લઈને આવશે.
મે મહિનાથી થશે આટલા ફેરફાર
તમારા ખિસ્સા પર પડશે ભાર
બેન્કના ધક્કા ન ખાવા હોય તો ચેક કરો હોલી ડે લિસ્ટ
આમ તો દર મહિનાની શરૂઆત પગારની સાથે ખુશીઓ લઈને આવે છે. પરંતુ ફક્ત ખુશીઓ જ આવે એ જરૂરી નથી. ઘણી વખત મહિનાની શરૂઆતમાં ઘણી વસ્તુઓના ભાવ વધી જાય છે. એવામાં એક દિવસ બાદ એપ્રિલ મહિનો ખતમ થવાનો છે અને મે મહિનાની શરૂઆત થવાની છે. આ મહિનાની શરૂઆત પણ ઘણા મોટાફેરફાર સાથે થાય છે. એવામાં આવો જાણીએ આ મહિનો તમારા માટે કેવી શરૂઆત લઈને આવશે.
સિલિન્ડરના ભાવમાં થઈ શકે છે વધારો
આ મહિનાની શરૂઆતમાં પણ ગેસ સિલિન્ડર કંપનીઓ ભાવમાં વધારો કરવાનો નિર્ણય લઈ શકે છે. માનવામાં આવી રહ્યું છે કે ઘરેલુ ગેસના ભાવમાં ભારે ભરખમ વધારો થઈ શકે છે. મહત્વનું છે કે ગઈ વખતે ગેસ સિલિન્ડરના ભાવમાં 50 રૂપિયાનો વધારો કરવામાં આવ્યો હતો.
સતત ચાર દિવસ બેન્કો રહેશે બંધ
જો તમારે બેન્કમાં ધક્કા ન ખાવા હોય તો જણાવી દઈએ કે 1 મેથી 4 મે સુધી સતત ચાર દિવસ બેન્કો બંધ રહેશે. જોકે આ રજાઓ અલગ અલગ રાજ્યોના હિસાબથી હશે. મે મહિનાની શરૂઆતમાં જ દેશમાં ઈદની રજા છે અને તે ઉપરાંત શનિવાર અને રવિવાર જોતા મે મહિનામાં 11 દિવસ બેન્કો બંધ રહેશે.
IPOમાં UPI પેમેન્ટ લિમિટમાં થશે વધારો
1 મેથી થનાર અન્ય મોટાફેરફારમાંથી એક એ પણ છે કે રિટેલ ઈન્વેસ્ટર્સ માટે UPI પેમેન્ટની લિમિટ વધારવામાં આવી છે. સેબીના નવા નિયમોના હિસાબથી 1 મે બાદ કોઈ કંપનીના IPOમાં ઈન્વેસ્ટ કરવા માટે UPIથી પેમેન્ટ કરતી વખતે તમે 5 લાખ રૂપિયા સુધીની બિડ સબ્મિટ કરી શકો છો.
હાલ આ લિમિટ બે લાખ રૂપિયા સુધીની છે. નવી લિમિટ 1 મે બાદ આવનાર દરેક આઈપીઓ માટે માન્ય બની ગઈ છે. તમને જણાવી દઈએ કે સેબીએ IPOમાં રોકાણ કરવા માટે યુપીઆઈથી પેમેન્ટ કરવાની પરવાનગી નવેમ્બર 2018માં જ આપી દીધી હતી. જે એક જુલાઈ 2019થી લાગુ થશે.