અમદાવાદમાં વિદેશ મોકલવા માટે ખોટા ડોકયુમેન્ટ બનાવીને વિઝા મેળવવાના નેટવર્કનો પ્રર્દાફાશ થયો છે. ક્રાઈમ બ્રાન્ચે એક એજન્ટની ધરપકડ કરી છે. ટુર્સ એન્ડ ટ્રાવેલ્સની ઓફીસ ખોલીને ડમી ડોકયુમેન્ટ બનાવીને લોકોને વિદેશ મોકલતો હતો.
ખોટા ડોકયુમેન્ટ બનાવીને વિઝા મેળવવાના નેટવર્કનો પ્રર્દાફાશ
વિદેશમા જવાની ઘેલછામા લોકો એજન્ટોને લાખો રૂપિયા આપી રહ્યા છે. કબુતરબાજીના કેસની તપાસ કરી રહેલી ક્રાઈમ બ્રાન્ચે ડમી ડોકયુમેન્ટનુ ઝડપી પાડ્યું છે. કૌભાંડી શખ્સ નામ ભાવિન પટેલ અને જસ્મીન પટેલ છે. જે ડમી ડોકયુમેન્ટ બનાવીને વિઝા આપવાનુ ષડયંત્ર કરતો હતો. ક્રાઈમ બ્રાન્ચને બાતમી મળતા સીજી રોડ પર આવેલા સાયોના હોલીડે નામની ઓફીસમા રેડ કરી હતી. આ ઓફીસ ભાવિન પટેલની હતી, જેની ઓફીસમાંથી 39 પાસપોર્ટ, સરકારી અને ખાનગી કપંનીના સર્ટીફીકેટ, બેન્કીંગ સર્ટીફીકેટ વિઝાને લગતા જુદા જુદા ડોકયુમેન્ટ, 55 સ્ટેમ્પ, હાર્ડ ડ્રાઈવ, અને પેન ડ્રાઈવ સહિતનો મુદ્દામાલ મળી આવ્યો હતો. ક્રાઈમ બ્રાન્ચે ભાવિન પટેલની ધરપકડ કરીને વધુ તપાસ હાથ ધરી છે.
60થી 65 લાખમા કબુતરબાજીનું કૌભાંડ ચાલતુ હતુ
પકડાયેલા આરોપી ભાવિન અને જસ્મીન પટલે વિદેશ જવા ઈચ્છુક લોકોના ખોટા ડોકયુમેન્ટથી વિઝા બનાવીને વિદેશ મોકલતા હતા. 60થી 65 લાખમા કબુતરબાજીનુ આ કૌભાંડ ચાલતુ હતુ. છેલ્લા દોઢ વર્ષમા આરોપીએ નકલી ડોકયુમેન્ટ દ્રારા વિઝા મેળવીને અનેક લોકોને વિદેશ મોકલ્યા છે. આ કૌભાંડમા રોનક સોની નામનો આરોપીની સંડોવણી સામે આવતા પોલીસે તેની વિરૂધ્ધ પણ ગુનો નોંધી વધુ તપાસ શરૂ કરી છે.