ચૂંટણી 2022 / રિવાબાથી લઈને હાર્દિક પટેલ-ઈટાલિયા સુધી, જુઓ ગુજરાતની 25 હોટ-સીટ પર શું કહે છે EXIT POLL

• ગુજરાતની 25 હોટ સિટનું એગ્ઝીટ પોલ
• ભૂપેન્દ્ર પટેલ,રિવાબા જાડેજા આગળ ચાલે છે
• મજુરા,વડગામ, થરાદ બેઠક કોને ફળશે?

ગુજરાતમાં તારીખ 1 અને 5 ડિસેમ્બરના રોજ 15મી વિધાનસભાની ચૂંટણીનું મતદાન યોજાઈ ગયું છે. જેનું પરિણામ 8 ડિસેમ્બરના રોજ આવશે. એગ્ઝીટ પોલ સામે આવ્યો છે, જેમાં ભાજપનો ભવ્ય વિજય બતાવવામાં આવી રહ્યો છે. એગ્ઝીટ પોલના આંકડાઓએ ભાજપના ઉમેદવારોને હૈયે ધરપત આપી છે. જેમાં મુખ્યમંત્રી ભૂપેન્દ્ર પટેલ, આમ આદમી પાર્ટીના અધ્યક્ષ ગોપાલ ઈટાલિયા, આમ આદમી પાર્ટીના મુખ્યમંત્રી ઉમેદવાર ઈશુદાન ગઢવી તેમજ ભાજપ નેતા હાર્દિક પટેલ તેમજ ક્રિકેટર રવિન્દ્ર જાડેજાની પત્ની રિવાબા જાડેજાની જીત-હારનો અનુમાન કરવામાં આવી રહ્યો છે. ચાલો જાણીએ 25 હોટ સીટનો એગ્ઝીટ પોલ

2017માં ભાજપને 99 બેઠક મળી હતી
એગ્ઝીટ પોલ પ્રમાણે પરિમામ આવે તો ભાજપ વિજયનો અને બેઠકોના આંકડામાં રેકોર્ડ તોડી શકે છે. 2002માં ભાજપને 127 બેઠકો મળી હતી જ્યારે 2007માં 117 તેમદ 2012માં 115 તેમજ 2017માં 99 બેઠકો મળી હતી. તમામ એગ્ઝીટ પોલના આંકડામાં સરેરાસ નીકાળીય તો ભાજપને 133 બેઠકો મળી શકે છે તેમજ કોંગ્રેસને 38 અને આમ આદમી પાર્ટી અને અન્યને ત્રણ બેઠક મળી શકે છે. ઈન્ડિયા ટીવીએ ગુજરાતની વીઆઈપી બેઠકોનો એગ્ઝીટ પોલ બહાર પાડ્યો છે. જેમાં મુખ્યમંત્રી ભૂપેન્દ્ર પટેલ, આમ આદમી પાર્ટીના અધ્યક્ષ ગોપાલ ઈટાલિયા, આમ આદમી પાર્ટીના મુખ્યમંત્રી ઉમેદવાર ઈશુદાન ગઢવી તેમજ ભાજપ નેતા હાર્દિક પટેલ તેમજ ક્રિકેટર રવિન્દ્ર જાડેજાની પત્ની રિવાબા જાડેજાની હાર-જીતનો અનુમાન લગાવવામાં આવી રહ્યો છે.

1. ઘાટલોડિયા બેઠક 
ગુજરાતના મુખ્યમંત્રી ભૂપેન્દ્ર પટેલ ઘાટલોડિયા બેઠક પરથી ચૂંટણી લડી રહ્યા છે. એગ્ઝીટ પોલ અનુસાર આ સીટ પર ભૂપેન્દ્ર પટેલ આગળ ચાલે છે. ઘાટલોડિયા બેઠક જિલ્લામાં અમદાવાદ આવે છે. અહીં કોંગ્રેસે રાજ્યસભા સાંસદ અમી યાજ્ઞિકને ભૂપેન્દ્ર પટેલ સામે મેદાનમાં ઉતાર્યા હતા જ્યારે આમ આદમી પાર્ટીએ વિજય પટેલને રાજકીય મેદાને ઉતાર્યા છે. 
 
2. વિરમગામ બેઠક 
 અમદાવાદ જિલ્લાની વિરમગામ બેઠક ચર્ચાસ્પદ બેઠક છે. જ્યાં ભાજપે પાટીદાર નેતા હાર્દિક પટેલને મેદાનમાં ઉતાર્યા હતા. એગ્ઝીટ પોલ મુજબ હાર્દિક પટેલ આગળ ચાલે છે. કોંગ્રેસે તેમની સામે વર્તમાન ધારાસભ્ય લાખાભાઈ ભરવાડને મેદાનમાં ઉતાર્યા હતા જો એક્ઝિટ પોલ મુજબ થાય તો કોંગ્રેસ આ સીટ ગુમાવી શકે છે. 
 
3. ખંભાળિયા બેઠક 
આમ આદમી પાર્ટીના મુખ્યમંત્રી પદના ઉમેદવાર ઇસુદાન ગઢવી ખંભાળીયા બેઠકથી ચૂંટણી લડ્યા. એગ્ઝીટ પોલ મુજબ આ સીટ પરથી ઈસુદાન ગઢવી પાછળ ચાલી રહ્યા છે, જ્યારે ભાજપના મૂળુભાઈ બેરા આગળ ચાલી રહ્યા છે. કોંગ્રેસે વિક્રમ માડમને પોતાના ઉમેદવાર બનાવ્યા હતા. 
 
4. જામનગર ઉત્તર
 આ બેઠક પરથી ભાજપે ક્રિકેટર રવિન્દ્ર જાડેજાની પત્ની રીવાબા જાડેજાને ચૂંટણી મેદાનમાં ઉતાર્યા હતા. એગ્ઝીટ પોલ અનુસાર રિવાબા અહીંથી આગળ છે. કોંગ્રેસે અહીંથી બિપેન્દ્રસિંહ જાડેજા અને AAPને કરસનભાઈ કરમુરને ટિકિટ આપી હતી. 
 
5. રાજકોટ પૂર્વ 
રાજકોટ જિલ્લાની પૂર્વ બેઠક પરથી કોંગ્રેસના ઉમેદવાર ઈન્દ્રનીલ રાજગુરુ આગળ ચાલે છે. આ વખતે બીજેપીએ ઉદય કાંગરને અને AAPએ રાહુલ ભુવાને અહીંથી ચૂંટણી મેદાનમાં ઉતાર્યા છે. 
 
6. કતારગામ
 આ બેઠક પરથી આમ આદમી પાર્ટીના પ્રદેશ અધ્યક્ષ ગોપાલ ઈટાલિયા આગળ ચાલી રહ્યા છે. તેમનો મુકાબલો ભાજપના વિનુ મોરાડિયા અને કોંગ્રેસના કલ્પેશ વારિયા સામે છે. 
 
7. મજુરા
એગ્ઝીટ પોલમાં ગુજરાતના કેબિનેટ મંત્રી હર્ષ સંઘવીને આગળ ચાલી રહ્યાં છે. કોંગ્રેસે બળવંત જૈનને ચૂંટણી મેદાનમાં ઉતાર્યા છે અને AAPએ અહીંથી પીવીએસ સરમાને મેદાનમાં ઉતાર્યા છે. 
 
8. વડગામ
 આ બેઠક પરથી કોંગ્રેસના ઉમેદવાર જીગ્નેશ મેવાણી જીતે તેવી ધારણા છે. વડગામ કોંગ્રેસ માટે સુરક્ષિત બેઠક છે. 2017ની વિધાનસભા ચૂંટણીમાં જીગ્નેશ મેવાણી કોંગ્રેસના સમર્થનથી અપક્ષ તરીકે જીત્યા હતા. 
 
9. ગાંધીનગર દક્ષિણ
ઈન્ડિયા ટીવીના એગ્ઝીટ પોલમાં આ બેઠક પરથી ભારતીય જનતા પાર્ટીના અલ્પેશ ઠાકોરની જીતનું અનુમાન કરવામાં આવી રહ્યું છે. 
 
10. થરાદ
એગ્ઝીટ પોલમાં ભારતીય જનતા પાર્ટીના ઉમેદવાર શંકર ચૌધરીને લીડ બતાવી રહ્યું છે. શંકર ચૌધરી બનાસ ડેરીના ચેરમેન છે અને ગુજરાતમાં 'દૂધવાલા' તરીકે જાણીતા છે. 
 
11. નરોડા
નરોડા બેઠક પર ભારતીય જનતા પાર્ટીના ડૉ. પાયલ કુકરાણી આગળ ચાલી રહ્યાં છે. પાયલ નરોડા પાટિયા રમખાણોના દોષિત મનોજ કોડનાની પુત્રી છે. 
 
12. દરિયાપુર
કોંગ્રેસના ગ્યાસુદ્દીન શેખ આ બેઠક પરથી એગ્ઝીટ પોલમાં આગળ જાહેર કરવામાં આવ્યા છે. દરિયાપુર મુસ્લિમ પ્રભુત્વવાળી બેઠક છે તેમજ ગ્યાસુદ્દીન શેખ દરિયાપુરના વર્તમાન ધારાસભ્ય છે. 
 
13. જમાલપુર ખાડિયા વિધાનસભા બેઠક
ઈન્ડિયા ટીવીના એગ્ઝીટ પોલમાં કોંગ્રેસના ઉમેદવાર ઈમરાન ખેડાવાલા આ બેઠક પરથી જીતે તેવી શક્યતા વ્યક્ત કરવામાં આવી છે. કોંગ્રેસના ઈમરાન ખેડાવાલા અહીંના વર્તમાન ધારાસભ્ય છે. આ એ જ સીટ છે જ્યાં ચૂંટણી પ્રચાર દરમિયાન ઓવૈસી રડી પડ્યા હતા. 
 
14. દાણીલીમડા
આ બેઠક પરથી ભારતીય જનતા પાર્ટીના નરેશ વ્યાસ પાછળ હોવાનું જણાવાયું છે. તે મુસ્લિમ પ્રભુત્વ ધરાવતી બેઠક છે પરંતુ SC માટે અનામત છે. આ બેઠક પરથી કોંગ્રેસના ઉમેદવાર આગળ ચાલી રહ્યા છે. 
 
15. સુરત પૂર્વ
અસલમ સાયકલવાલા કોંગ્રેસના ઉમેદવાર પાછળ બતાવવામાં આવી રહ્યાં છે.  
 
16. મોરબી
આ બેઠક પરથી ભાજપના ઉમેદવાર કાંતિલાલ અમૃતિયાની જીતવાનું અનુમાન કરાયું છે. મોરબીમાં ગયા મહિને જ 135થી વધુ લોકોએ પૂલ દુર્ઘટનામાં જીવ ગુમાવ્યા હતા. 
 
18. વાંકાનેર 
આ બેઠક પરથી કોંગ્રેસના જાવેદ પીરઝાદાનો આગળ બતવવામાં આવ્યા છે.
 
19. રાજકોટ પશ્ચિમ
આ વિધાનસભા બેઠક પરથી ભારતીય જનતા પાર્ટીના ઉમેદવાર દર્શિતા શાહ આગળ રહે તેવુ અનુમાન કરાયું છે.  
 
20. વરાછા રોડ
આ વિધાનસભા બેઠક પરથી આમ આદમી પાર્ટીના ઉમેદવાર અલ્પેશ કથિરિયાનું જીતનું અનુમાન કરાયું છે. 
 
21. ગોધરા વિધાનસભા
 આ બેઠક પરથી ભારતીય જનતા પાર્ટીના ઉમેદવાર રાઉલજીનું જીતવાનું અનુમાન કરવામાં આવ્યું છે.
 
22. અમરેલી વિધાનસભા
ઈન્ડિયા ટીવીના એગ્ઝીટ પોલમાં કોંગ્રેસના દિગ્ગજ નેતા પરેશ ધાનાણીને આ બેઠક પરથી પાછળ રહેવાનો અંદાજ છે. 
 
23. ભાવનગર ગ્રામ્ય
 આ વિધાનસભા બેઠક પરથી ભાજપના દિગ્ગજ નેતા પુરુષોત્તમ સોલંકીની જીતની શક્યતા કરવામાં આવી છે.
 
24. ભાવનગર પશ્ચિમ
ભારતીય જનતા પાર્ટીના ઉમેદવાર જીતુ વાઘાણી જીતે તેવી શક્યતા છે. 
 
25. વાગરા વિધાનસભા
 એગ્ઝીટ પોલમાં આ બેઠક પરથી કોંગ્રેસના દિગ્ગજ મુસ્લિમ નેતા સુલેમાન પટેલની જીતનો અનુમાન કરાયો છે.