Execution of horizontal relationship: Married woman trapped in love trap in Instagram, the accused did not keep physical relations, this is how the pot exploded.
પાટણ /
આડા સંબંધોનો કરુંણ અંજામ: ઇન્સ્ટાગ્રામમાં પરિણીતા પ્રેમજાળ ફસાઈ, શારીરિક સંબંધો બાંધી આરોપીએ ક્યાંયની ન રાખી, આવી રીતે ફૂટ્યો ભાંડો
પાટણ શહેર ના ખાન સરોવરમાં ગતરોજ પરણીત મહિલા ના આપઘાત બાદ નવો વળાંક આવવા પામ્યો છે. પ્રેમીએ દાગીના લઈ પરત ન કરી બ્લેકમેઈલ કરવાની ધમકી આપતા ચકચાર મચી જવા પામી હતી.
પાટણમાં પરણીત મહિલાએ કર્યો આપઘાત
પ્રેમી મહેશ ઠક્કર પરિણીતાને કરતો હતો બ્લેકમેલ
બદનામીના ડરથી મહિલાએ કર્યો આપઘાત
પાટણ શહેર ના ખાન સરોવરમાં ગતરોજ પરણીત મહિલા ના આપઘાત બાદ નવો વળાંક આવવા પામ્યો છે. મૃત્યુ પામનાર પરણીત મહિલા સાથે પ્રેમીએ શારીરિક સબંધ બાંધ્યા બાદ લાગણી વશ બનાવીને પ્રેમિકાના લાખો રૂપિયાના દાગીના લઇ પરત ન કરી બ્લેકમેલ કરવાની ધમકી આપતા છેવટે ત્રાસી ગયેલ મહિલાએ આપઘાત કરી લેતા ભારે ચકચાર મચવા પામી છે. પ્રેમીનો ત્રાસ સહન ન થતા પરણીતાએ મોતને વ્હાલું કર્યું
પાટણ શહેરના ખાનસરોવરમાં ગતરોજ એક પરણીત મહિલાએ આપઘાત કરી લેતા અનેક તર્ક વિતર્ક ઉભા થવા પામ્યા હતા. ત્યારે મોડી રાત્રે મૃતક મહિલા દિક્ષિતાના પતિએ પાટણ શહેરએ ડીવીઝન પોલીસ મથકે તેની પત્નિના અન્ય એક વ્યક્તિ સાથે પ્રેમ પ્રકરણ હોઈ અને તેમાં પ્રેમીએ સોના, ચાંદીનાં દાગીના પણ મૃતક દીક્ષિતા પાસેથી લઇ પરત ન આપતા અને દીક્ષિતાના અશ્લીલ ફોટા વાઈરલ કરવાની ધાક ધમકી આપતા તે ત્રાસ સહન ન કરતા મહિલા એ આપઘાત કર્યો હોવાની પોલીસ ફરિયાદ નોંધાવતા ચકચાર મચી જવા પામી હતી. છે.
દાગીના ન મળતા પતિએ ઘરમાં પૂછપરછ કરી હતી
ત્યારે આ ઘટના અંગે વિગતે જોતા પાટણ શહેરના દેવનગરી સોસાયટીમાં રહેતા જીગ્નેશ મોદી અને તેમની પત્ની દિક્ષિતા મોદી અને પરિવારમા બે બાળકો હોઈ થોડા દિવસ અગાઉ પ્રસંગમાં દાગીનાની જરૂરત પડતા પતિ જીગ્નેશે ઘરમાં રહેલ તિજોરીમા દાગીના લેવા જતા અને તે ન મળતા તેણે પરિવાર પાસે દાગીના ક્યાં ગયા તેની પૂછપરછ કરી હતી અને તે અંગે કોઈ ભાળ ન મળતા તેમની પત્ની દિક્ષિતાએ ઘટના અંગેની માહિતી તેના પતિ સમક્ષ કરી હતી. જેમાં મૃતક દિક્ષિતા જે જીમમાં જતી હોઈ જ્યાં મહેશ ઠક્કર સાથે આંખ મળી હતી અને ત્યાર બાદ મહેશ ઠક્કર સાથે પ્રેમ પ્રકરણ થયું શરુ સમય જતા મહેશ ઠક્કરે ક્રિકેટના સટ્ટામાં નુકશાન જતા પ્રેમિકા દિક્ષિતા પાસેથી એક મહિના માટે રૂપિયા માંગ્યા હતા. ત્યારે દિક્ષિતાએ રૂપિયાની જગ્યાએ 67 તોલા સોનુ અને 4.5 કિલો ચાંદી મહેશને આપ્યું હતું અને ત્યાર બાદ અવાર નવાર દિક્ષિતાએ દાગીનાની ઉઘરાણી કરી હતી અને ત્યાર બાદ મહેશ ઠક્કરે દિક્ષિતાને એક ગેસ્ટ હાઉસમાં બોલાવીને બન્નેની સંમતિથી શરીર સુખ માણ્યું હતું અને તેમાં મહેશ ઠકકરે દિક્ષિતાના અશ્લીલ ફોટા પડી લીધા હતા અને ત્યાર બાદ દિક્ષિતાએ દાગીના માંગતા મહેશ ઠકકરે અશ્લીલ ફોટા વાયરલ કરવાની ધમકી આપી બદનામ કરવાની અને ત્રાસ આપી જાનથી મારવાની ધમકી આપી મરવા સુધીનું દુષ્પ્રેરણ કરતા મહિલાએ પાટણ શહેરના ખાનસરોવરમાં ઝંપલાવી મોતને વહાલું કર્યું હતું તો આ ઘટનામા મહેશ ઠકકરે તમામ દાગીના સોનીને ત્યા ગીરવે મુકી રૂપિયા લીધા હતા. જેનું સોની વહેપારી 60 ટકા વ્યાજ વસુલતો હતો તેવો આક્ષેપ પણ મૃતક મહિલાના પતિએ ફરિયાદમા કર્યો છે.
મૃતક મહિલાના પતિએ પોલીસ મથકે ફરિયાદ નોંધાવી
પાટણ શહેરના ખાન સરોવરમા પરણિત મહિલાએ આપઘાત કર્યો હોવાના સમાચાર મળતા પાટણ શહેર એ ડીવીઝન પોલીસ ઘટના સ્થળે પહોંચી લાશ ને બહાર કઢાવી તેની ઓળખ કરાવી પરિવાર ની પૂછપરછ કરી હતી અને ત્યાર બાદ મૃતક મહિલાના પતિ જીગ્નેશ મોદી દ્વારા પાટણ શહેર એ ડીવીઝન પોલીસ મથકે ફરિયાદ નોંધાવતા પોલીસે મુખ્ય આરોપી મહેશ ઠક્કરને ઝડપી લેવા માટે ચક્રોગતિમાન કર્યા છે. તો આ ઘટનામા જે પણ સંડોવાયેલ હશે તેની સામે કાયદેસરની કાર્યવાહી કરવાની હૈયા ધારણા આપી છે. મહિલાઓ બદનામીના ડરથી મોતને વ્હાલું કર્યું
પાટણમાં પરણીત મહિલાના આડા સબંધોના કારણે આજે મહિલાને જીવન ટૂંકાવવાનો વારો આવ્યો છે. ત્યારે હવે આરોપી મહેશ ઠક્કર જે મહિલા સાથે શારીરિક સબંધો બાદ બ્લેકમેલિંગ કરવાનું ચાલુ રાખ્યું હતું અને જેના કારણે મહિલાએ બદનામીના બીકથી મોતને વ્હાલુ કર્યું છે અને બે માસુમ બાળકોએ પોતાની માતાની છત્ર છાયા ગુમાવવાનો વારો આવ્યો છે. ત્યારે હવે જોવાનું છે કે પોલીસ તરફથી કેટલા દિવસોમાં ગુનામાં પ્રત્યક્ષ કે પરોક્ષ રીતે સંડોવાયેલ આરોપીઓને કેટલા દિવસોમાં જેલ હવાલે કરે છે.