મને સરકારી સિસ્ટમ પરથી ભરોસો ઉઠી ગયો હતોઃ ભોગ બનનાર
LCBની સતર્કતાથી 15 લોકોને એજન્ટની ચૂંગાલમાંથી મુક્ત કરવામાં આવ્યા છે. વિદેશ જવાની લાલાચ આપીને આરોપીઓને ગોંધી રાખનાર કબૂતરબાજી ગેંગના એક એજન્ટની ધરપકડ કરવામાં આવી છે ત્યારે વીટીવી ન્યૂઝ દ્વારા ભોગબનનાર લોકો સાથે ખાસ વાતચીત કરવામાં આવી. જેમાં ચોંકાવનારી બાબત એ સામે આવી છે કે અન્ય એક પરિવાર સાથે જબરદસ્તી પણ કરવામાં આવી હતી.
ગુજરાત સરકારે અમને બચાવ્યાઃ ભોગ બનનાર
કબૂતરબાજીમાં ભોગ બનનારાની VTV NEWS સાથે ખાસ વાતચીત કરી હતી. જેમાં ભોગબનનારે જણાવ્યુ કે અમેરિકા જવા આકાશ પટેલને 5 લાખ રુપિયા આપ્યા હતા. 30 ડિસેમ્બરે અમદાવાદથી બેંગ્લુરુ, કોલકત્તા ગયા હતા. ત્યાં સંતોષ રોય નામના એજન્ટ સાથે મુલાકાત થઈ હતી. કોલકત્તાની વિકટોરિયા હોટલમાં 15 દિવસ રોકાણ કર્યુ. વધુમાં તેઓ દિલ્હીમાં ટુરિસ્ટ પેલેસમાં પણ રોકાયા હોવાનુ જણાવ્યું. દિલ્હીથી અમારા પરિવાર સીએમનો સંપર્ક કર્યો હતો.તેમજ અન્ય પરિવાર સાથે જબરદસ્તી થઇ હોવાનું ભોગ બનનારે જણાવ્યુ હતું.જો કે એલસીબીની સતર્કતાથી એજન્ટની ચૂંગાલમાંથી 15 લોકો મુક્ત થઇ ગયા જે બદલ ભોગ બનનારે ગુજરાત સરકારનો આભાર માન્યો હતો.
મને સરકારી સિસ્ટમ પરથી ભરોસો ઉઠી ગયો હતોઃ ભોગ બનનાર
ભોગ બનનારે અમેરિકા જવાનું શા માટે નક્કી કર્યુ તે અંગે ખૂલીને વાત કરતા જણાવ્યું હતુ કે ' મારી વાઇફે પોલીસની પરીક્ષા આપી હતી. વારંવાર ભરતીમાં પેપરલીક અને કૌભાંડ થતા હતા. પેપર ફૂટી જતા હતા. મે સ્કૂલ વર્ધીનો ધંધો શરુ કર્યો તો કોરોના આવ્યો . કોરોનામાં મારી બધી ગાડી વેચવી પડી. મેં અમેરિકા જવા 1 કરોડનો સોદો નક્કી કર્યા હતો .ત્યાં ગયા પછી બાકીના પૈસા આપવાના હતા. હું CM અને સરકારનો આભાર માનું છું કે અમને બચાવી લીધા.
કઈ રીતે પાર પાડ્યું ઓપરેશન?
કલોલનું એક કપલ વિદેશ જવાનું કહી ઘણા દિવસથી ગૂમ હતું જેની ફરિયાદ કરવા આવતા પોલીસ તેને શોધવા ટીમ દિલ્લી ગઈ હતી. જ્યાં એક બાદ એક પાસા ઉકેલવામાં આવતા દિલ્લીની એક નામચીન ગેંગ માણસોને ગોંધી રાખતી હોવાનો પર્દાફાશ થયો હતો. ગુજરાતમાંથી 15 લોકો 11 મહિનાથી આ ગેંગના સકંજામાં હતા. ફસાયેલા લોકોને દિલ્લીથી પશ્ચિમ બંગાળ લઈ જવાયા જ્યાં અપહરણકાર રૂપિયાની માંગ કરતા હતા.
રૂપિયા ન આપે તો નાના બાળકોને વેચી દેવાનો હતો કારસો
ગેંગના કબ્જામાં નાના બાળકો પણ હતા. જો રૂપિયા ન આપે તો બાળકોને હ્યુમન ટ્રાફિકિંગમાં વેચી દેવાનો પ્લાન હતો. સદનસીબે પોલીસ LCBની ટીમ ત્વરિત તપાસ સંભાળતા હાલ તો 15 લોકોને એજન્ટોની જાળમાંથી બચાવી લેવાયા છે પણ હજુ આવા તો કેટલાય લોકો હશે જે વિદેશમાં લાઈફ સેટ કરવાની હોડમાં ન ઘરના ન ઘાટના રહે છે. કોઈ પણ કમી વગર ઓપરેશન પાર પાડયા બાદ પોલીસ જનતાને કબૂતરબાજીમાં ન ફસાવવા અપીલ કરી રહી છે.
કોણ મુખ્ય આરોપી ?
સુશીલ રોય
સંતોષ રોય
કમલ સિંઘાનિયા
વિદેશ જનારા સાવધાન
વિદેશ જવાનુ લોકોએ એવુ ઘેલુ લાગ્યુ છે કે કોઇ એમ કહી કે આટલા લાખમાં અમે તમને અમેરિકા પહોંચાડી દઇશું તો લોકો ગમે તે ભોગે લાખો રુપિયા ખંખેરીને અમેરિકા જવા તૈયાર થઇ જતા હોય છે. પરંતુ તમારી લાગણી સાથે છેતરવાનો આ એક ધંધો ફુલ્યો ફાલ્યો છે. વિદેશ જવાના નામે પૈસા કમાવવાનો આ ધંધો છે. એજન્ટની લાલચુ વાતોમાં આવી ન જશો. એજન્ટ વિશે ચોક્કસથી ખરાઇ કરો. તેના ભૂતકાળના કામ ચકાસો. જાણ્યા સમજ્યા વિના બની બેઠેલા એજન્ટોના પનારે પડવાથી બચો. આવા લોકો તમને લૂંટવા જ બેઠા છે.