શહેરમાં 31 ડિસેમ્બરની સેલિબ્રેશનને લઇને ડ્રગ્સ માફિયા સક્રિય થયા છે ત્યારે અમદાવાદના બોપલમાં હાઈપ્રોફાઈલ ડ્રગ્સ મામલે મોટો ખુલાસો થયો છે
ડ્રગ્સના નેટવર્કનો VTV ન્યૂઝે કર્યો પર્દાફાશ
31 ડિસેમ્બરને લઇ ડ્રગ્સ માફિયા થયા સક્રિય
વેદાંત પટેલ અમદાવાદમાં ડ્રગ્સ સપ્લાય કરતો
શહેરમાં 31 ડિસેમ્બરની સેલિબ્રેશનને લઇને ડ્રગ્સ માફિયા સક્રિય થયા છે. ત્યારે અમદાવાદના બોપલમાં હાઈપ્રોફાઈલ ડ્રગ્સ મામલે મોટો ખુલાસો થયો છે. વેદાંત પટેલ અને તેની ગેંગ શહેરમાં ડ્રગ્સ સપ્લાય પોલીસને હાથ ઝડપાય છે, તેમના દ્વારા 31 ડિસેમ્બરની પાર્ટી માટે ડ્રગ્સ સપ્લાય કરાતું હોવાનું સામે આવ્યું છે.
ડ્રગ્સના નેટવર્કનો VTV ન્યૂઝે કર્યો પર્દાફાશ
મહત્વનું છે કે વેદાંત પટેલે સૌપ્રથમ બોપલમાં REXON સલુન ચાલુ કર્યું હતું અને સલુનમાં જ નશાનો વેપાર શરૂ કર્યો હતો. વેદાંત સિંગાપોર ગયો તે પહેલાં જ ગાંજા અને ચરસનો નશો કરતો હતો. સિંગાપોરમાં વેદાંતને પ્યોર ક્વોલિટીનું ડ્રગ્સ મળવા લાગ્યું હતું. વેદાંત ડાર્ક વેબ શીખ્યો જેનાથી તેને ડ્રગ્સ મંગાવ્યું હતું. અને ભારત આવ્યા બાદ તેને સલુનને ડ્રગ્સ વેચવાનું પ્લેટફોમ બનાવ્યું.
વેદાંત પટેલ અમદાવાદમાં ડ્રગ્સ સપ્લાય કરતો
અહીં ઉલ્લેખનિય છે કે વેદાંતની માતા પણ સલુન ચલાવે છે તેના પરથી વેંદાતને આઇડિયા આવ્યો હતો. અને સલુનમાં હાઇપ્રોફાઇલ લોકો આવતા હતા તેમને ટાર્ગેટ કર્યા હતા. વેદાંત અને તેની ગેંગની ધરપકડ બાદ મોટા ખુલાસાઓ થયા છે જેમાં વેદાંત સાથે અમદાવાદ સહિત વલસાડના ડ્રગ્સ ડીલર સુધીનું નેટવર્ક સામે આવ્યું છે. આ ડ્રગ્સ પેડલરો ગુજરાતમાં હાઈ પ્રોફાઈલ લોકોને ડ્રગ્સ સપ્લાય કરતા હતા.
31 ડિસેમ્બરને લઇ ડ્રગ્સ માફિયા થયા સક્રિય
શહેરમાં ડ્રગ્સના કાળા કારોબારને લઈને લઈ અમદાવાદ પોલીસ અલર્ટ છે. ગ્રામ્યમાં ફાર્મ હાઉસ અને ક્લબમાં પોલીસ બાજ નજર રાખી રહી છે અને તેમજ આગામી 31 ડિસેમ્બરને લઈને પોલીસ વોચ ગોઠવી દેવામાં આવી છે અને શહેરમાં ચાંપતો બંદોબસ્ત કરવામાં આવ્યા છે, વેદાંત પટેલના ડ્રગ્સના નેટવર્કની તપાસમાં હજુ પણ ચોંકાવનારી હકીકત બહાર આવી શકે છે, જેને લઈને પોલીસે સઘન પૂછપરછ હાથ ધરી છે.