મીઠું તમારા ખાવાના ટેસ્ટને વધારે છે ત્યાં બીજી તરફ તે તમારી ઉંમર પણ ઘટાડી શકે છે જેના કારણે તમે વહેલા મૃત્યુ પામી શકો છો.વધુ પડતા મીઠાના સેવનથી થઇ શકે છે ગંભીર જીવલેણ રોગો.
મીઠું તમારા ખાવાના ટેસ્ટને વધારે છે
વધારે પડતા મીઠાનું સેવન જીવલેણ સાબિત
ઘણા ગંભીર રોગોને આપે છે આમંત્રણ
મીઠું તમારા ખાવાના ટેસ્ટને વધારે છે ત્યાં બીજી તરફ તે તમારી ઉંમર પણ ઘટાડી શકે છે જેના કારણે તમે વહેલા મૃત્યુ પામી શકો છો. જો તમેપણ ભોજનની ઉપર અલગથી મીઠું નાખીને ખાવ છો તો ચેતી જજો એક અભ્યાસ મુજબ તેનાથી તમારી ઉંમર ઓછી થઇ શકે છે.
વધુ ઉમ્રના લોકો સાવધાન
યુરોપિયન હાર્ટ જનરલના જણાવ્યા અનુસાર, જો 50 વર્ષકે તેથી વધુ ઉંમરના લોકો વધુ મીઠું ખાય છે, તો તેના કારણે, એવરેજ મહિલાઓની ઉંમર 1.5 વર્ષ અને પુરુષોની ઉંમર 2.2 વર્ષ ઓછી થઇ શકે છે. માટે આ લોકોએ સાવધાન રહેવાની જરૂર છે અને મીઠાનો વધુ ઉપયોગ ટાળવો જોઈએ.
મીઠાના વધુ પડતા ઉપયોગથી આયુષ્યમાં ઘટાડો
મીઠાના વધુ પડતા સેવનથી તમારું આયુષ્ય ઘટી શકે છે અને તમે વહેલા મૃત્યુ પણ પામી શકો છો. એવરી ડે હેલ્થ મુજબ જે લોકો 75 વર્ષના હોય છે અને વધુ મીઠાનું સેવન કરે છે તો આ લોકોમાં મોતનો ખતરો 28 ટકા વધી જાય છે. એટલે કે, દર 100 લોકોમાંથી એક વ્યક્તિ મીઠાના વધુ પડતા ઉપયોગને કારણે મૃત્યુ પામે છે. ચાલો જાણીએ કે વધુ પડતું મીઠું ખાવાથી શરીરને શું નુકસાન થઈ શકે છે.
મીઠાનો વધુ પડતો ઉપયોગથી થતું નુકસાન
મેગ્નેશિયમ, કેલ્શિયમ, સોડિયમ અને બ્રોમાઇડ મીઠામાં વિપુલ પ્રમાણમાં મળી આવે છે જે શરીરને સ્વસ્થ રાખવામાં ઘણી મદદ કરે છે. પરંતુ જ્યારે તમે વધુ પડતું મીઠાનું સેવન શરૂ કરો છો, ત્યારે આવી સ્થિતિમાં, તે તમારા શરીરને નુકસાન પહોંચાડવાનું શરૂ કરે છે.
બહારના ખોરાકમાં પણ મીઠું વધુ માત્રામાં
જરૂરી નથી કે તમારા ખોરાકમાં ઉપરથી મીઠું નાખો ત્યારે જ વધારે મીઠું તમારા શરીરમાં જતું હોય, પરંતુ જ્યારે તમે બજારમાંથી ચિપ્સ, પિઝા, ટેકોઝ અને સોલ્ટી લો છો ત્યારે પણ તમારું શરીર વધુ મીઠું ખાય છે, જે શરીર માટે જોખમની ઘંટડી પણ બની શકે છે. આવી સ્થિતિમાં, ચાલો આપણે વધુ પડતા મીઠાના સેવનથી થતા નુકસાન વિશે પણ જાણીએ.
સ્ટ્રોકનું જોખમ
આજકાલ વધુ કામવાળી અને નબળી જીવનશૈલીને કારણે તમે બહારની ખાણીને વધુ મહત્વ આપી રહ્યા છો. આવી સ્થિતિમાં, તમે વધુ પેકેજ ફૂડ અથવા રેડી ટુઇટ ફૂડનું સેવન કરી રહ્યા છો. આ કારણે તમારામાં સ્ટ્રોકનું જોખમ વધવાની શક્યતા વધી જાય છે.
બીપી પણ વધારે છે
નિષ્ણાતોના મતે જે લોકોનું બીપી ઉપર-નીચે થતું રહે છે, તેમણે ખાસ કરીને મીઠાથી દૂર રહેવું જોઈએ. જો તમને હજી પણ મીઠા વગર ખાવામાં ન ફાવતું હોય, તો આવી સ્થિતિમાં તમે ઓછા મીઠાનો ઉપયોગ કરી શકો છો વધુ પડતું મીઠું ખાવાથી તમારું બીપી વધી શકે છે, જેના જે કારણે તમને હૃદયની બીમારી પણ થઈ શકે છે.
કિડનીની સમસ્યાઓમાં વધારો
જ્યારે તમે વધારે પડતું મીઠું ખાઓ છો, ત્યારે તે તમારી કિડનીને અસર કરવાનું શરૂ કરે છે. વધારે પડતું મીઠું ખાવાના કારણે શરીરમાં પેશાબ દ્વારા પાણી વધારે પ્રમાણમાં બહાર આવવા લાગે છે. એટલું જ નહીં આ કારણે તમારી કિડની પણ નબળી પડવા લાગે છે અને તેનાથી અનેક બીમારીઓ પણ થવા લાગે છે.