પ્રહાર / PMCares ના વેન્ટિલેટર્સ અને PMમાં ઘણી સમાનતા, બંનેનો વધુ પડતો જુઠ્ઠો પ્રચાર : રાહુલ ગાંધી

• PMCares અને PM મોદી બંને જુઠ્ઠા છે
• નરેન્દ્ર મોદી વિરૂદ્ધ દિલ્હીમાં લાગેલા પોસ્ટરના મામલે પણ કરી હતી ટ્વિટ 
• પ્રિયંકા ગાંધીએ ટ્વીટર પર પોતાના પ્રોફાઈલ ફોટોમાં પોસ્ટર મૂક્યું 

PMCares અને PM મોદી બંને જુઠ્ઠા છે 
દેશમાં ચાલી રહેલ કોરોનાની બીજી લહેરમાં કોંગ્રેસ અને અન્ય વિપક્ષ સતત કેન્દ્ર સરકાર અને PM મોદી પર પ્રહાર કરી રહ્યા છે. કોંગ્રેસના પૂર્વ અધ્યક્ષ રાહુલ ગાંધીએ આજે ટ્વિટ કરી ફરી એકવાર PM મોદી પર નિશાન સાધ્યું છે. તેમણે કહ્યું કે PMCares અને PM મોદી બંને જુઠ્ઠા છે અને બંને કામ કરવામાં ફેઇલ થયા છે. રાહુલ ગાંધીએ કહ્યું કે PMCares ના વેન્ટિલેટર્સ અને PMમાં ઘણી સમાનતા છે. બંનેનો હદથી વધુ ખોટો પ્રચાર, બંને કામ નથી કરી રહ્યા અને બંનેને શોધવા મુશ્કેલ છે. 

PMCares के वेंटिलेटर और स्वयं PM में कई समानताएँ हैं-

- दोनों का हद से ज़्यादा झूठा प्रचार
- दोनों ही अपना काम करने में फ़ेल
- ज़रूरत के समय, दोनों को ढूँढना मुश्किल।

— Rahul Gandhi (@RahulGandhi) May 17, 2021

નરેન્દ્ર મોદી વિરૂદ્ધ દિલ્હીમાં લાગેલા પોસ્ટરના મામલે પણ કરી હતી ટ્વિટ 
કોરોના વેક્સીનના લેઈને પ્રધાનમંત્રી નરેન્દ્ર મોદી વિરૂદ્ધ દિલ્હીમાં લાગેલા પોસ્ટરના મામલે અત્યાર સુધી કુલ 21 એફઆઈઆર દાખલ કરવામાં આવી છે. આ ઉપરાંત દિલ્હી પોલીસે અત્યાર સુધી 17 લોકોની ધરપકડ કરી છે. જોકે તેમાં અમુક લોકોને જામિન મળી ગઈ છે. પરંતુ આ વચ્ચે કોંગ્રેસે પીએમ મોદીને આડે હાથ લીતા ટ્વીટ કર્યું છે. કોંગ્રેસ નેતા રાહુલ ગાંધી અને પ્રિયંકા ગાંધીએ તેજ પોસ્ટર શેર કર્યું છે. જેને લઈને વિવાદ થઈ રહ્યો છે. 

પ્રિયંકા ગાંધીએ ટ્વીટર પર પોતાના પ્રોફાઈલ ફોટોમાં પોસ્ટર મૂક્યું 
કોંગ્રેસ પૂર્વ અધ્યક્ષ રાહુલ ગાંધીએ પોસ્ટર શેર કરતા લખ્યું કે, મારી પણ ધરપકડ કરો. ત્યાં જ પ્રિયંકા ગાંધીએ ટ્વીટર પર પોતાના પ્રોફાઈલ ફોટોને જ વિવાદિત પોસ્ટરમાં બદલી નાખ્યું છે. જણાવી દઈએ કે પોલીસે આ મામલે અત્યાર સુધી જે એફઆઈઆર દાખલ કરી છે તે પબ્લિક પ્રોપર્ટીને નુકશાન પહોંચાડવા અને કલમ 188 હેઠળ દાખલ કરવામાં આવી છે.