મોરબી ડ્રગ્સ કેસમાં મોટો ખુલાસો સામે આવ્યો છે. આરોપીની પૂછપરછમાં તેણે કબૂલાત આપી છે કે અગાઉ તેણે 500 કરોડનું ડ્રગ્સ તો પુણે અને દિલ્હી વેચી કાઢ્યું હતું
મોરબી ડ્રગ્સ કેસમાં ચોંકાવનારો ખુલાસો
500 કરોડનું ડ્રગ્સતો પહેલાજ વેચાઈ ગયું હતું
પોલીસે મોરબીથી 600 કરોડનું ડ્રગ્સ ઝડપી પાડ્યું હતું
મોરબી ડ્રગ્સ કેસનાં હવે આરોપીઓએ મોટો ખુલાસો કર્યો છે. આ કેસમાં પોલીસ દિવસેને દિવસે તપાસ કરી રહી છે. ત્યારે પોલીસ તપાસમાં જામનગરના સચાણા બંદર ખાતેથી જે શખ્સની ધરપકડ કરવામાં આવી હતી. તેણે ચોંકાવનારા ખુલાસા કર્યા છે. આરોપીની પૂછપરછમાં સામે આવ્યું છે કે તેણે 500 કરોડનું ડ્રગ્સ વેચી કાઢ્યુ હતું.
પુણે અને દિલ્હીમાં કર્યો હતો ડ્રગ્સનો સોદો
જામગરના સચાણા બંદર ખાતેથી પોલીસે ઈશા રાવ નામના શખ્સની ધરપકડ કરી હતી. જે આ ડ્રગ્સ કાંડમાં શામેલ હતો. ત્યારે તેણેજ આ સમગ્ર મામલે એવી કબૂલાત આપી છે કે 500 કરોડનું ડ્રગ્સતો તેણે વેચી કાઢ્યું હતું. જેમા પુણે અને દિલ્હીમાં તેણે આ ડ્રગ્સ વેચ્યું હતું. પોલીસે સચાણા અને પુણેના બે શખ્સોને હાલ રિમાન્ડ પર રાખ્યા છે.
પોલીસને મળ્યું હતું 600 કરોડનું ડ્રગ્સ
આપને જણાવી દઈએ કે આ કેસમાં મોરબીના ઝીંઝુડા ગામેથી 600 કરોડનું ડ્રગ્સ પોલીસને મલી આવ્યું હતું. જે મામલે પોલીસે તપાસ આરંભી તો તપાસનો રેલો પોરબંદર સુધી પહોંચ્યો છે. મોરબી-દ્વારકા ડ્રગ્સ કેસના પકડાયેલા આરોપીઑની કડક પૂછપરછ કરતાં મોટા ઘટસ્ફોટ થયા હતા. જેમાં ATSએ શંકાસ્પદ એક શખ્સની અટકાયત કરી છે. મહત્વનું છે કે પોરબંદર પોલીસ દ્વારા ચોપાટી નજીક સઘન પેટ્રોલિંગ કરવામાં આવી રહ્યું છે. ગુજરાત ATS દેશ વિરોધીઓને જડબાતોડ જવાબ આપી ચૂક્યું છે.
આરોપીઑ દરિયા માર્ગે ડ્રગ્સ કઈ રીતે લાવતા
આ કેસના આરોપીઓ મુખ્તાર હુસેન ઉર્ફે જબ્બાર રાવ અને ગુલામ હુસેન ભગાડ મુખ્ય આરોપી છે તેઓ પહેલા પાકિસ્તાનથી આફ્રિકા ડ્રગ્સ મોકલવાના હતા પરતું પ્લાન ચેન્જ થતા આફ્રિકાના બદલે પાક.થી ડ્રગ્સ ભારત મોકલાયું હતું, બંને અગાઉ દુબઈ ગયા હતા જ્યાં દુબઈમાં ડ્રગ્સ માફિયા સંપર્કમાં આવ્યા હતા જે બાદ સલાયાથી ડ્રગ્સ મોરબીના ઝિંઝુડા ગામે ડ્રગ્સ આવ્યું હતું, આ ડ્રગ્સનું કાવતરુ UAEમાં ઘડાયુ હતું, ઓક્ટોબરના છેલ્લા સપ્તાહમાં ડ્રગ્સની ડિલિવરી લેવાઇ જેમાં પાક.નો ડ્રગ્સ માફિયા બલોચ મુખ્ય ષડયંત્રકાર હોવાનું સામે આવ્યું છે.
ATSને મળી મોટી સફળતા
ઉલ્લેખનીય છે કે રાજ્યમાં ઓપરેશન ડ્રગ્સ મામલે ATSને મોટી સફળતા મળી છે. મોરબીના ઝીંઝુડા, જામનગર-સલાયા અને પોરબંદરમાંથી ડ્રગ્સના આરોપીઓ અને ડ્રગ્સ ઝડપાયું છે. મોરબીના ઝીંઝુડામાં હેરોઈનના જથ્થાને સીલ કરી તપાસ કરવામાં આવી હતી. તેમજ સલાયાથી ડ્રગ્સનો જથ્થો દરિયાઈ કે રોડ માર્ગે આવ્યો તે દિશામાં પણ તપાસ હાથ ધરવામાં આવી હતી. આરોપી સમસુદીન 4 વર્ષ પહેલા સમસુદીને ઝીંઝુડા ગામે મકાન ખરીદીને રહેતો હતો. તો આ મોરબીના ઝીંઝુડામાં ઝડપાયેલા ડ્રગ્સનું કનેક્શન દ્વારકાના સલાયામાંથી નિકળ્યું છે. આથી સલાયા પંથકમાં પોલીસે ચેકિંગ હાથ ધર્યું હતું. જેમાં આરોપી ગુલામહુસેન ભગાડ સલાયાનો વતની નીકળ્યો હતો. આથી બેડી બંદર તરફ આવતા જતા વાહનોનું સઘન ચેકિંગ કરવામાં આવી રહ્યું છે. તેમજ નેવી, કોસ્ટગાર્ડ, મરિન પોલીસ દ્વારા અરબી સમુદ્રમાં પેટ્રોલિંગ હાથ ધર્યું હતું. તે બાદ હવે ATSને મોટી કડી મળી છે. સમગ્ર તપાસના તાર પોરબંદર સુધી પહોંચ્યા છે. એક શકાસ્પદ વ્યક્તિ હાલ પોલીસ જાપ્તા છે.