મોરબી / વાંકાનેરમાં એક્સેલ પેપર મિલમાં વિકરાળ આગ, 4 કલાકથી વધુનો સમય વિતવા છતા આગ કાબૂ બહાર

• મોરબીના વાંકાનેરના માટેલ નજીકની પેપરમિલમાં વિકરાળ આગ
• 4 કલાકથી વધુનો સમય વિતવા છતાં આગ હજુ કાબૂ બહાર 
• આગમાં અંદાજે 7 કરોડથી વધુનો મુદ્દામાલ ખાક 

મોરબીના માટેલ પાસે એક્સેલ પેપર મિલમાં વિકરાળ આગ લાગી છે. આગ લાગતા ફાયર વિભાગને જાણ કરવામાં આવી હતી. જેમાં મોરબી, વાંકાનેર અને રાજકોટથી ફાયરની ટીમ ઘટનાસ્થળે પહોંચી હતી. જોકે 4 કલાકથી વધુનો સમય વિતવા છતાં હજુ આગ કાબૂમાં નથી આવી. આ આગમાં અંદાજે 7 કરોડથી વધુનો મુદ્દામાલ બળીને ખાક થઇ ગયો છે. આગે વિશાળ રૂપ ધારણ કર્યું છે અને આગ ઉપર કાબુ મેળવવા ફાયર વિભાગની ટીમ દ્વારા તનતોડ મહેનત કરવામાં આવી રહી છે. પેપરમિલમાં આગ લાગવાનું કારણ હજુ અકબંધ છે.