હાલ લોકડાઉનનો સમય ચાલી રહ્યો છે. જેથી સ્કિનનું ધ્યાન રાખવા માટે આ બેસ્ટ સમય છે. માત્ર મહિલાઓ જ નહીં પણ પુરૂષો પણ પોતાની સ્કિનનું ધ્યાન આ સમસ્યામાં રાખી છે. સ્કિનને મુલાયમ અને શાઈની બનાવવા અને ડેડ સેલ્સ દૂર કરવા માટે સ્ક્રબનો ઉપયોગ કરવામાં આવે છે. સ્ક્રબ કરવાથી સ્કિન ગ્લોઈંગ અને સાફ બને છે. જેથી આજે અમે સ્ક્રબ કેટલીવાર કરવું તે અંગે જણાવીશું.
લોકડાઉનમાં સ્કિનનું રાખો ધ્યાન
મહિલાઓ અને પુરૂષો બંને સાથે કરો સ્કિન માટેના ઉપાય
સ્કિન બનશે હેલ્ધી અને રંગ પણ નિખરશે
ઘણાં લોકો બોડી પર પણ સ્ક્રબ કરતાં હોય છે. જોકે જલ્દી-જલ્દી સ્ક્રબ કરવાથી સ્કિનને નુકસાન થાય છે. સાથે જ સ્ક્રબનો ઉપયોગ કરવાના પણ કેટલાક નિયમ હોય છે. જેને ન અનુસરવા સ્કિનને સખત નુકસાન પણ થઈ શકે છે.
કેટલીવાર સ્ક્રબ કરવું
સપ્તાહમાં બેવારથી વધારે સ્ક્રબ ન કરવું જોઈએ. તો આજે જાણી લો સ્ક્રબ કરવા સંબંધી કેટલીક અગત્યની બાબતો.
આ વાતોનું રાખો ધ્યાન
જલ્દી-જલ્દીમાં સ્ક્રબિંગ કરવું સ્કિન માટે સારું નથી. સાથે જ વારંવાર સ્ક્રબ ન કરવું જોઈએ. સપ્તાહમાં બેવાર સ્ક્રબ કરવાથી સ્કિનને નુકસાન થતા બચાવી શકાય છે.
જો તમારી સ્કિન સામાન્ય હોય તો નહાતી વખતે માઈલ્ડ ફેસવોશથી ફેસ ધોઈને પછી સ્ક્રબ કરવું. ધ્યાન રાખવું, બહુ વધારે માત્રામાં સ્ક્રબનો ઉપયોગ ન કરવો અને સર્ક્યુલર મોશનમાં હળવા હાથે સ્ક્રબ કરવું.
ચહેરાના ડેડ સેલ્સ દૂર કરવા માટે અને સ્કિનની શાઈન વધારવા માટે પીલ-ઓફ જેલનો પ્રયોગ કરવામાં આવે છે. આ કેમિકલ બોડી પીલ સ્કિનના ઉપરના પડને નીકાળી દે છે. જેથી એ પછી સ્ક્રબ કરવાથી સ્કિન સંબંધી સમસ્યાઓ થઈ શકે છે. જેમ કે, સ્કિન પર દાણા ઉપસી આવવા, ઈન્ફેક્શન વગેરે.
સ્કિન લાઈટનિંગ એજન્ટનો ઉપયોગ કર્યા બાદ સ્ક્રબનો ઉપયોગ ક્યારેય ન કરવો. સ્કિન લાઈટનરમાં રહેલાં કેમિકલ સ્કિનના ઉપરના પડને નુકસાન પહોંચાડે છે. જે પછી સ્ક્રબ કરવાથી તેનાથી નુકસાન થાય છે. આ સમયે સ્ક્રબ કરવાથી સ્કિનમાં સોજો અને ઈન્ફેક્શનની સમસ્યા થાય છે.
તડકામાંથી ઘરે આવ્યા બાદ સ્ક્રબનો ઉપયોગ ન કરવો જોઈએ. તડકામાં રહેવાથી સ્કિનના પોર્સ વિટામિન ડી એબ્સોર્બ કરીને ખુલી જાય છે. જેથી સ્ક્રબ કરવાથી સ્કિન પર રેશિઝ થઈ શકે છે. સાથે જ તડકામાંથી આવ્યા બાદ સાબુ કે ફેસવોશથી પણ ચહેરો ધોવો નહીં. 20-30 મિનિટ પછી ચહેરો ધોવો.