ડિરેક્ટર અનુરાગ કશ્યપ પર અભિનેત્રી પાયલ ઘોષે જાતીય શોષણનો આરોપ લગાવ્યો છે. જે બાદ હવે અનુરાગની પૂર્વ પત્ની આરતી બજાજ તેના સમર્થનમાં સામે આવી છે. અનુરાગની પૂર્વ પત્ની આરતીએ અનુરાગ કશ્યપની એક ટ્વિટનો સ્ક્રીનશોટ શેર કર્યો છે.
ડિરેક્ટર અનુરાગ કશ્યપ પર પાયલ ઘોષે જાતીય શોષણનો આરોપ લગાવ્યો છે
અનુરાગની પૂર્વ પત્ની આરતી બજાજ તેના સમર્થનમાં સામે આવી છે
આરતીએ અનુરાગ કશ્યપની એક ટ્વિટનો સ્ક્રીનશોટ શેર કર્યો છે
અનુરાગની પૂર્વ પત્નીએ લખ્યું- અનુરાગ તમે એક રોકસ્ટાર છો. મહિલાઓને હમેશાં સશક્ત કરતા રહો અને તેમના માટે સુરક્ષિત જગ્યા બનાવતા રહો. હું આ બધું આપણી દીકરી માટે જોઉં છું. અહીં કોઈ પ્રમાણિકતા નથી અને વિશ્વ હારી ગયેલા લોકો અને મગજ વિનાના લોકોથી ભરેલું છે. જે કોઈપણ એવા વ્યક્તિની પાછળ પડી જાય છે જે અવાજ ઉઠાવે છે.
તેણે આગળ લખ્યું, જો લોકો નફરત કરવાની ઊર્જા કોઈ સારા કામમાં લગાવે તો એક સારી જગ્યા બની શકે છે. મૈં અત્યાર સુધી જે જોયું છે આ તેમાંથી સૌથી ખરાબ હરકત છે. પહેલાં મને આ બધાં પર ગુસ્સો આવ્યો અને પછી હું જોરથી હસવા લાગી, કારણ કે આના વધારે બનાવટી શું હોઈ શકે. મને માફ કરજો કે તમને આ બધાંમાંથી પસાર થવું પડ્યું. આ જ લોકોનું સ્ટાન્ડર્ડ છે. તમે અવાજ ઉઠાવતા રહો, અમે બધાં તમને પ્રેમ કરીએ છીએ.