એનડીએના ઉપરાષ્ટ્રપતિ પદના ઉમેદવારની જાહેરાતના એક દિવસ બાદ હવે સંયુક્ત વિપક્ષે પણ ઉપરાષ્ટ્રપતિ પદના ઉમેદવાર જાહેર કરી દીધા છે.
વિપક્ષે જાહેર કર્યાં ઉપરાષ્ટ્રપતિના ઉમેદવાર
માર્ગરેટ અલ્વા હશે ઉપરાષ્ટ્રપતિના ઉમેદવાર
એનસીપી સુપ્રીમો શરદ પવારે કરી જાહેરાત
કોંગ્રેસ નેતા છે માર્ગરેટ અલ્વા
સંયુક્ત વિપક્ષે હવે ઉપરાષ્ટ્રપતિ પદના ઉમેદવાર જાહેર કરી દીધા છે. એેનસીપી અધ્યક્ષ શરદ પવારના ઘેર વિપક્ષની એક મોટી બેઠક યોજાઈ હતી જેમાં માર્ગરેટ અલ્વાના નામ પર સર્વસંમતિથી મંજૂરીની મહોર લગાવવામાં આવી હતી.
17 parties are on board for this unanimous decision. Our collective thinking is Alva will file VP nomination on Tuesday: Sharad Pawar
17 પાર્ટીઓએ લીધો સંયુક્ત નિર્ણય
બેઠક બાદ શરદ પવારે એવી જાહેરાત કરી કે 17 પાર્ટીઓએ સંયુક્ત રીતે માર્ગરેટ અલ્વાને ઉપરાષ્ટ્રપતિ પદના ઉમેદવાર બનાવવાનો નિર્ણય લીધો છે. તેમણે કહ્યું કે અમે મમતા બેનરજી અને અરવિંદ કેજરીવાલનો સંપર્ક સાધવાનો પ્રયાસ કરી રહ્યાં છીએ. મમતા અને કેજરીવાલે અમારા રાષ્ટ્રપતિના ઉમેદવારને પણ સપોર્ટ આપવાની જાહેરાત કરી છે.
Delhi | Opposition's candidate for the post of Vice President of India to be Margaret Alva: NCP chief Sharad Pawar pic.twitter.com/qkwyf7FMOw
કોણ છે માર્ગારેટ અલ્વા
માર્ગારેટ અલ્વાનો જન્મ 14 એપ્રિલ, 1942ના રોજ મેંગલોર, કર્ણાટકમાં થયો હતો. તેમણે કર્ણાટકમાં પોતાનો અભ્યાસ પૂરો કર્યો હતો, ત્યારબાદ માર્ગારેટ કોંગ્રેસમાં જોડાયા હતા અને કોંગ્રેસે તેમને રાજ્યસભામાં મોકલ્યા હતા. તે વિવિધ મંત્રાલયોની સમિતિઓનો પણ ભાગ હતી. કોંગ્રેસે તેમને 1975માં પાર્ટીના મહાસચિવ પણ બનાવ્યા હતા. આલ્વા ચાર વખત રાજ્યસભાના સાંસદ રહી ચૂક્યા છે. 1999માં તેઓ લોકસભામાં ચૂંટાયા હતા અને કેન્દ્રમાં મંત્રી બન્યા હતા.
We are trying to contact Mamata Banerjee and Arvind Kejriwal. Last time they supported our joint prez candidate: Sharad Pawar
માર્ગરેટ અલ્વાએ ટ્વિટ કરીને કહ્યું આવું
વિપક્ષના ઉપરાષ્ટ્રપતિ ઉમેદવાર જાહેર થયા બાદ માર્ગરેટ અલ્વાએ ટ્વિટ કરીને કહયું કે વિપક્ષના ઉમેદવાર બનવું મારે માટે સન્માન અને વિશેષાધિકાર છે. ખૂબ જ નમ્રતાપૂર્વક હું મારુ નોમિનેશન માથે ચડાવું છું અને મારામાં વિશ્વાસ રાખવા બદલ હું વિપક્ષી નેતાઓનો આભાર માનું છું.
Opposition's Vice Presidential candidate Margaret Alva tweets, "It is a privilege and an honour... I accept this nomination with great humility and thank the leaders of the opposition for the faith they’ve put in me." pic.twitter.com/x9kf7FFrUb
ભાજપે જગદીપ ધનખડને એનડીએના ઉપરાષ્ટ્રપતિ ઉમેદવાર બનાવ્યાં
શનિવારે સાંજે એનડીએ દ્વારા ઉપરાષ્ટ્રપતિ પદના ઉમેદવારની જાહેરાત કરવામાં આવી હતી. ભાજપ અધ્યક્ષ જે પી નડ્ડાએ પશ્ચિમ બંગાળના રાજ્યપાલ જગદીપ ધનખડને ઉપરાષ્ટ્રપતિ પદના ઉમેદવાર જાહેર કર્યા હતા. પીએમ મોદીની હાજરીમાં યોજાયેલી ભાજપ પાર્લામેન્ટરી બોર્ડની બેઠકમાં ધનખડના નામને મંજૂરી અપાઈ હતી.