આ દેશના પૂર્વ વડાપ્રધાને ભારતના વખાણ કરતાં કહ્યું હતું કે ભારત એ ચીનના દરેક સવાલોનો જવાબ છે. ચીન વ્યાપારનો હથિયાર તરીકે ઉપયોગ કરે છે.
ઓસ્ટ્રેલિયાના ભૂતપૂર્વ વડા પ્રધાન ટોની એબોટે ભારતનાં વખાણ કર્યા હતા
ઓસ્ટ્રેલિયાના ભૂતપૂર્વ વડા પ્રધાન ટોની એબોટે ભારત દ્વારા વર્ષોથી કરેલી પ્રગતિની પ્રશંસા કરી છે. તેમણે કહ્યું- 'હાલમાં ચીન વિશે ઉદ્ભવતા દરેક સવાલનો જવાબ ભારત છે. ભારત સાથે ઓસ્ટ્રેલિયાનો મુક્ત વેપાર કરાર લોકશાહી વિશ્વને મજબૂત કરશે. જેમ જેમ વિશ્વમાં આક્રમક મહાસત્તાઓ ઉભરી રહી છે, તે દરેકના હિતમાં છે કે ભારતને જલદીથી તેનું યોગ્ય સ્થાન મળવું જોઈએ.
ટોની એબોટે ઓસ્ટ્રેલિયન અખબારમાં પોતાના લેખમાં આ વાત કહી છે. અબોટ હાલમાં ભારત માટે ઓસ્ટ્રેલિયાના ખાસ વેપાર દૂત છે. તેઓ ગયા અઠવાડિયે ભારતની મુલાકાતે આવ્યા હતા અને વડાપ્રધાન નરેન્દ્ર મોદીને મળ્યા હતા.
ચીન સામે અને ભારતની તરફેણમાં મજબૂત સ્વરનો ઉપયોગ કરીને એબોટે લખ્યું છે કે ભારત-ઓસ્ટ્રેલિયા વેપાર સમગ્ર વિશ્વની લોકશાહી માટે ફાયદાકારક સાબિત થશે. તેમણે લખ્યું-'ભારત અને ઓસ્ટ્રેલિયા સમાન વિચારધારા ધરાવતી લોકશાહી છે પરંતુ આપણાં સંબંધો સંપૂર્ણપણે વિકસિત ન હતા. ખાસ કરીને નરેન્દ્ર મોદી ભારતના વડાપ્રધાન બન્યા પહેલાના સમયમાં . શક્ય છે કે આ વર્ષના અંત સુધીમાં પ્રથમ ક્વાડ કોન્ફરન્સ યોજાય જેમાં તમામ નેતાઓ પ્રથમ વખત એકબીજાને મળશે. વડાપ્રધાન મોદીના શાસન દરમિયાન ભારતે ક્વાડ ગઠબંધનનું ફરી નિર્માણ કર્યું.
ચીનના વલણને લઇ નારાજગી
ટોની અબોટે મુક્ત વેપાર ડીલ પર ચીનના વલણને લઇ નારાજગી વ્યક્ત કરી છે. ચીને વેપારનો ઉપયોગ રણનીતિક હથિયારની રીતે કર્યો છે.
ચીન સાથે મુક્ત વેપારનો સોદો થયો હતો પરંતુ ડ્રેગનના વલણ પર નારાજગી હતી
તમને જણાવી દઈએ કે વર્ષ 2015 માં જ્યારે એબોટ ઓસ્ટ્રેલિયાના વડાપ્રધાન હતા ત્યારે ચીન સાથે મુક્ત વેપાર કરાર થયો હતો. હવે એબોટે લખ્યું છે કે ચીનની મજબૂતી પાછળનું મુખ્ય કારણ એ હતું કે મુક્ત વેપારની તરફેણમાં રહેલા દેશોએ સામ્યવાદી સરમુખત્યારશાહીને તેમની સાથે સમાધાન કરવાની મંજૂરી આપી હતી.
'ચીને વેપારનો વ્યૂહાત્મક હથિયાર તરીકે ઉપયોગ કર્યો'
તેમણે લખ્યું - તે સમયે એવી અપેક્ષા હતી કે વધતી સમૃદ્ધિ અને આર્થિક સ્વતંત્રતા સાથે ચીનમાં રાજકીય ઉદારીકરણનો સમય પણ આવશે. 2014 માં આ મારી દ્રષ્ટિ હતી. સમય જતાં ચીનમાં અમારી નિકાસ વધી નથી, પરંતુ ઓસ્ટ્રેલિયામાં તેમની આયાત વધી છે. હવે અત્યારે ચીને ઓસ્ટ્રેલિયન કોલસો, આલ્કોહોલ, સીફૂડ જેવી ઘણી વસ્તુઓ પર પ્રતિબંધ મૂક્યો છે. એવું લાગે છે કે ચીને વેપારનો વ્યૂહાત્મક હથિયાર તરીકે ઉપયોગ કર્યો છે.
કોરોના મહામારી બાદ બંને દેશો વચ્ચેના સંબંધો બગડ્યા
હકીકતમાં, ગયા વર્ષે કોરોના રોગચાળો ફાટી નીકળ્યા પછી, ચીન અને ઓસ્ટ્રેલિયા વચ્ચેના સંબંધો બગડ્યા હતા. જ્યારે સંબંધો બગડ્યા ત્યારે ઓસ્ટ્રેલિયાએ ચીનના ઘણા મોટા પ્રોજેક્ટ્સ પર પ્રતિબંધ લગાવી દીધો. જવાબમાં, ચીનથી ઘણી વસ્તુઓની આયાત પર પ્રતિબંધ મૂકવામાં આવ્યો હતો. બંને દેશો વચ્ચે આર્થિક મુદ્દાઓ પર વાટાઘાટો અનિશ્ચિત સમય માટે સ્થગિત કરવામાં આવી