હતાશા / ગુજરાતના પૂર્વ ધારાસભ્યની દીકરીએ કર્યો આપઘાત, કારણ ચોંકાવનારું

• શું કહેવું છે એક્સ ધારાસભ્યનું?
• કેનેડા જવાનું મોડું થતા ચિંતીત હતી રિદ્ધિ
• જન પ્રતિનિધિ પર કાળ રુઠયો

જામનગર જિલ્લાની કાલાવડ વિધાનસભા બેઠકના ભાજપના પૂર્વ ધારાસભ્ય મેઘજી ભાઈ ચાવડાની પુત્રી રિદ્ધિ ઉવ 24 એ ગઈ કાલે પોતાના ઘરે એકાંતમાં ગળાફાસો ખાઈ આપઘાત કરી લીધો હતો. અભ્યાસમાં તેજસ્વી એવી એક માત્ર પુત્રીના આપઘાતને લઈને પૂર્વ ધારાસભ્ય ચાવડા સહિતનો પરિવાર હાલ ગમગીનીમાં સરી પડ્યો છે. જે પુત્રીને પોતાના હાથથી લાડ લડાવ્યા. ભણાવી ગણાવી એ જ પુત્રીએ અવિચારી પગલું ભરી લેતા મેઘજીભીનો પરિવાર હાલ ગર્તામાં ધકેલાઈ ગયો છે. મેઘજીભાઈ પુત્રના સસરા એવા વેવાઈની તબિયત સારી ન હોવાથી પરિવાર સાથે પોરબંદર ગયા બાદ પુત્રીએ ઘરે આ પગલું ભરી લીધું હતું. હાલ પોલીસ સ્થળ પર પહોચી આગળની કાર્યવાહી હાથ ધરી હતી. 

કેનેડા જવાનું મોડું થતા ચિંતીત હતી રિદ્ધિ

જામનગર જીલ્લાના ધ્રોલ તાલુકા મથકે રહેતા કાલાવડ વિધાનસભા બેઠકના ભારતીય જનતા પાર્ટીના પૂર્વ ધારાસભ્ય મેઘજીભાઈ સહીતનો પરિવાર બહાર ગામથી પરત આવ્યા બાદ આ ઘટના સામે આવી હતી. પોતાની પુત્રીએ ગળાફાંસો ખાઈ લેતા પૂર્વ ધારાસભ્ય મેઘજીભાઈ સહીત પરિવાર પડી ભાંગ્યો હતો. આ સમાચાર વાયુ વેગે પ્રસરી જતા રાજકીય આલમમાં પણ શોકનું મોજું પ્રસરી ગયું હતું. 

શું કહેવું છે એક્સ ધારાસભ્યનું?

મેઘજીભાઈએ ધ્રોલ પોલીસમાં આ બનાવ અંગે નિવેદન આપ્યું હતું જેમાં પુત્રી રીધ્ધીબેને  હાલે બી.ઇ એન્જીનીયરીંગનો અભ્યાસ પુર્ણ કરેલ હોય અને વધુ અભ્યાસ માટે કેનેડા ખાતે જવાનુ હોય અને ત્યા અભ્યાસનો ખર્ચની ફી પણ ભરી દેવામાં આવી હતી, જો કે આ સંજોગોમાં કેનેડા જવામાં સતત મોડુ થતું હોવાથી પુત્રી સતત ચિંતામાં મુકાઈ હતી. આ જ ચિંતા કોરી ખાતા યુવતીએ આપઘાત કરી લીધો હોવાનું મેઘજીભાઈએ જાહેર થયું છે.

પૂર્વ ધારાસભ્ય  મેઘજીભાઈ ચાવડાની પુત્રીએ વિદેશ અભ્યાસમાં થઇ રહેલ વિલંબને લઈને આપઘાત કર્યો હોવાની પ્રાથમિક વિગતો સામે આવી છે. પોલીસે પણ તપાસ શરુ કરી પૂર્વ ધારાસભ્ય સહિતના પરિવારનું નિવેદન નોંધ્યું છે. આપઘાત અંગેનું આ જ  કારણ છે કે અન્ય કારણ છે ? સહિતની વિગતોનો તાગ મેળવવા પોલીસ દ્વારા તપાસ શરુ કરવામાં આવી છે. પરંતુ એક પિતાએ હજુ તો તરૂણાઅવસ્થાને ઉંબરે ઉભેલી યુવતીને ગુમાવી છે.