દહેગામ નજીક ઝાંક જીઆઈડીસીમાંથી એટીએસએ 270 કરોડનું ડ્રગ્સ પકડ્યું હતું. જેમાં અમદાવાદ ગ્રામ્ય કોર્ટે કિશોરસિંહ ભાવસિંહ રાઠોડને દોષિત ઠેરવ્યોં છે. આ કેસમાં કિશોરસિંહ ભાવસારને કોર્ટે10 વર્ષની સજા અને 2 લાખનો દંડ ફટકાર્યો છે. કિશોરસિંહ સહિત 6 લોકોને દોષિત ઠેરવવામાં આવ્યાં છે. જ્યારે આ કેસમાં બે લોકો હજું વોન્ટેડ છે.
ઝાંક GIDCમાંથી 270 કરોડનું ડ્રગ્સ કૌભાંડ ઝડપાયું હતું
સમી હારીજનાં પૂર્વ ધારાસભ્ય ભાવસિંહનાં પુત્ર સહિત 6 દોષિત
કિશનસિંહ રાઠોડને 10 વર્ષની સજા અને 2 લાખનો દંડ
દહેગામ નજીક જીઆઇડીસીમાં એટીએસએ 270 કરોડનાં ડ્રગ્સ સાથે એક વ્યક્તિની ધરપકડ કરી હતી. આ ડ્રગ્સ પ્રકરણમાં પૂર્વ ધારાસભ્યના દિકરા કિશોરસિંહની પણ સંડોવણી હોઇ એટીએસે તેને ઝડપી પાડ્યો હતો. ઝાંક જીઆઇડીસી 270 કરોડનાં ડ્રગ્સ પ્રકરણમાં પૂર્વ ધારાસભ્ય ભાવસિંહનાં દિકરા કિશોરસિંહ રાઠોડને અમદાવાદ ગ્રામ્ય કોર્ટે દોષિત ઠેરવ્યો છે. તેમજ તેને આ પ્રકરણમાં 10 વર્ષની જેલની સજા અને 2 લાખનો દંડ ફટકાર્યો છે.
શું હતો મામલો
દહેગામ નજીક ઝાંક જીઆઇડીસીમાં 14-4-16નાં રોજ એટીએસએ રેડ પાડી હતી. જેમાં 270 કરોડનાં ડ્રગ્સ સાથે નરેન્દ્ર કાચા પકડાયો હતો. જ્યારે કિશોરસિંહ ભાવસિંહ રાઠોડ સહિત 4 લોકોને પોલીસે વોન્ટેડ જાહેર કર્યા હતાં. જોકે ગુજરાત પોલીસે બાતમીનાં આધારે પૂર્વ ધારાસભ્ય ભાવસિંહ રાઠોડનાં પુત્ર કિશોરસિંહની એટીએસએ રાજસ્થાન અને મધ્ય પ્રદેશની બોર્ડર પર આવેલી ચંબલની ખાડી ખાતેથી ધરપકડ કરી હતી.
વકીલે શું કહ્યું
સરકારી વકીલ ભરતસિંહ રાઠોડે જણાવ્યું હતું કે દસ્તાવેજી પુરાવાનાં આધારે ગુનો પુરવાર થાય છે. આ પ્રકારનાં ગુના વધી રહ્યાં છે જેને કારણે યુવાધન ઉંધા રવાડે જઇ રહ્યું છે. ત્યારે આ પ્રકારનાં કેસમાં સખતમાં સખત સજા થવી જોઇએ.
આ કેસમાં હજું વિજયગીરી ઉર્ફે વિક્કી આનંદગીરી ગોસ્વામી (વોન્ટેડ) અને . ડો. અબ્દુલ્લા નામનાં બે આરોપી ફરાર છે. જેમાં અબ્દુલ્લાના બે સાગરીતો પણ આ ગુનાહમાં સંડોવાયેવા હોવાનું મનાઇ રહ્યું છે. પોલીસે આ બન્ને આરોપીની શોધખોળ હાથ ધરી છે.