ભારતીય ક્રિકેટ ટીમના દિગ્ગજ ખેલાડી અને કેપ્ટન રહી ચૂકેલા મહેન્દ્ર સિંહ ધોની હાલમાં અલગ અંદાજમાં જોવા મળી રહ્યાં છે. હાલમાં તેમની અમુક તસ્વીરો વાયરલ થઇ રહી છે, જેમાં ધોની દબંગ જોવા મળી રહ્યાં છે.
ભારતીય ક્રિકેટ ટીમમાં જ્યારે પણ કોઈ દિગ્ગજ ખેલાડીનુ નામ લેવામાં આવે છે તો સૌથી પહેલા મગજમાં મહેન્દ્ર સિંહ ધોનીનુ નામ અવશ્ય આવે છે, જેણે ભારતીય ટીમને બુલંદીઓ સુધી પહોંચાડી. 2 વર્ષ પહેલા સંન્યાસ લીધા બાદ પણ આજે તેમની લોકપ્રિયતામાં ઘટાડો થયો નથી. ધોનીના પ્રશંસકો તેમને ખૂબ ફૉલો કરે છે. ભલે તે રમતના મેદાનથી દૂર છે, પરંતુ ગમે તે કારણે ચર્ચામાં રહે છે. હવે તે પોતાના એક નવા ફોટોશૂટ દ્વારા ચર્ચામાં આવી રહ્યાં છે. જેમાં ધોનીનો દબંગ અંદાજ જોવા મળી રહ્યો છે.
ટ્રાફિક પોલીસ બન્યાં ધોની
સોશિયલ મીડિયામાં મહેન્દ્ર સિંહ ધોનીની તસ્વીર ઝડપથી વાયરલ થઇ રહી છે, જેમાં 41 વર્ષનો ધોની ટ્રાફિક પોલીસનો ડ્રેસ પહેરીને ખૂબ હેન્ડસમ લાગી રહ્યો છે. જેમાં તેમણે બેલ્ટની ઉપર વૉકી ટૉકી લગાવેલુ છે અને આંખોમાં કાળા ચશ્મા પહેરીને એકદમ દબંગ લાગી રહ્યાં છે. જણાવવામાં આવ્યું છે કે આ ગેટઅપ તેમણે એક નવા એડ શૂટ માટે કર્યુ છે. ક્રિકેટ સિવાય ધોની જાહેરાત દ્વારા ખૂબ કમાણી કરે છે. આની પહેલા તે ક્યારેકક સાધુ તો ક્યારેકક બીજા લુકમાં જોવા મળ્યાં છે.
ભલે મહેન્દ્ર સિંહ ધોનીએ આંતરરાષ્ટ્રીય ક્રિકેટમાંથી સંન્યાસ લીધો હોય. પરંતુ તેઓ ઈન્ડિયન પ્રીમિયર લીગમાં રમતા જોવા મળે છે. ચાલુ વર્ષે તેઓ ચેન્નઈ સુપર કિંગ્સ તરફથી રમતા જોવા મળ્યા હતા અને આગામી સિઝનમાં પણ ધોનીને ચેન્નઈની કેપ્ટનશિપ કરતા જોઇ શકાય છે.