સંકટ / AAP આ શું કરી રહ્યા છો? દેશનાં 56 પૂર્વ IAS અધિકારીઓએ ચૂંટણી પંચને લખ્યો પત્ર, માન્યતા રદ્દ કરવા માંગ

• 56 પૂર્વ IAS અધિકારીઓએ AAP પાર્ટીની માન્યતા સમાપ્ત કરવા કરી માંગ 
• ચૂંટણી પંચને પત્ર લખી આમ આદમી પાર્ટીની માન્યતા સમાપ્ત કરવા માંગ કરી 
• AAPએ ચૂંટણી આચાર સંહિતાનું ઉલ્લંઘન કર્યું: ભૂતપૂર્વ IAS અધિકારીઓ

ગુજરાતમાં આમ આદમી પાર્ટીએ પગપેસારો કર્યા બાદ હવે એક મોટા સમાચાર સામે આવ્યા છે. વાત જાણે એમ છે કે, દેશના 56 પૂર્વ આઇએએસ અધિકારીઓએ હવે ચૂંટણી પંચને એક પત્ર લખી આમ આદમી પાર્ટીની માન્યતા સમાપ્ત કરવા માંગ કરી છે. જેમાં ગુજરાતમાં આમ આદમી પાર્ટીના કન્વીનર અરવિંદ કેજરીવાલ સરકારી કર્મચારીઓને રાજકીય ભાગીદારી માટે સતત ઉશ્કેરી રહ્યા છે, તેઓને આમ આદમી પાર્ટીમાં જોડાવા અને મતદાન કરવા અને પ્રચાર કરવા માટે કહી રહ્યા હોવાનો આધાર લઈ આ માંગ કરી છે. 

કર્ણાટકના ભૂતપૂર્વ અધિક મુખ્ય સચિવ એમ. મદન ગોપાલના નેતૃત્વમાં પત્ર લખનારા ભૂતપૂર્વ IAS અધિકારીઓએ કહ્યું છે કે,  અમે માનીએ છીએ કે રાજ્યમાં કામ કરતા સરકારી અધિકારીઓ અથવા કર્મચારીઓ કોઈપણ પક્ષમાં જોડાઈ શકતા નથી, ન તો તેઓ તેમના રાજકીય પક્ષમાં જોડાઈ શકે છે.  પરંતુ ગુજરાતમાં આમ આદમી પાર્ટીના કન્વીનર અરવિંદ કેજરીવાલ સરકારી નોકરોના લોકોને રાજકીય ભાગીદારી માટે સતત ઉશ્કેરી રહ્યા છે, તેઓને આમ આદમી પાર્ટીમાં જોડાવા અને મતદાન કરવા અને પ્રચાર કરવા માટે કહી રહ્યા છે. 3 સપ્ટેમ્બરના રોજ, ગુજરાતના રાજકોટમાં, તેમણે આવા વિવાદાસ્પદ નિવેદનો આપ્યા હતા, જેના પર અમે બધા સખત વિરોધ નોંધાવીએ છીએ.
 
શું કહ્યું ભૂતપૂર્વ અધિકારીએ ?

ભૂતપૂર્વ અધિકારીઓએ ચૂંટણી પંચને ફરિયાદ કરી છે કે, અરવિંદ કેજરીવાલ ગુજરાતમાં કામ કરતા વિવિધ વિભાગોના કર્મચારીઓને રાજકીય પક્ષ બનાવવામાં વ્યસ્ત છે. ભૂતકાળમાં, તેમણે બૂથ કાર્યકરોને કહ્યું હતું કે, બૂથ સ્તર પર જાઓ અને લોકોને AAPને મત આપવા અપીલ કરો. એ જ રીતે, તેમણે બસ કંડક્ટરોને કહ્યું કે, તેઓ બસમાં મુસાફરી કરતા મુસાફરોને આમ આદમી પાર્ટીને મત આપવા માટે સાવરણી પરનું બટન દબાવવા કહે. તો પોલીસકર્મીઓ અને હોમગાર્ડ જવાનોને પણ પક્ષના સમર્થન માટે અપીલ કરતાં જણાવ્યું હતું કે, પોલીસકર્મીઓ રાજ્ય સરકારના આદેશનું પાલન ન કરે, બે મહિના પછી તેમની સરકાર બનવા જઈ રહી છે.

56 retired bureaucrats submit letter to ECI on Arvind Kejriwal pc in Rajkot, Gujarat

Statement made by (Delhi CM) Kejriwal in press conference in Rajkot almost 20 days back, disturbed a lot of people who believed in constitution: M Madan Gopal, ex Addl Chief Secy of Karnataka pic.twitter.com/emJk5gI8P0

— ANI (@ANI) September 16, 2022

 
નિવૃત્ત અમલદારોએ ચૂંટણી પંચને શું અપીલ કરી ? 

નિવૃત્ત અમલદારોએ ચૂંટણી પંચને અપીલ કરી છે કે,  તેઓ લોકપ્રતિનિધિત્વ અધિનિયમના ચૂંટણી પ્રતીકો (આરક્ષણ અને ફાળવણી) ઓર્ડર, 1968ના 16A હેઠળ આમ આદમી પાર્ટીની માન્યતા પાછી ખેંચી લે. પત્રમાં આરોપ લગાવવામાં આવ્યો છે કે, AAPએ ચૂંટણી આચાર સંહિતાનું ઉલ્લંઘન કર્યું છે. તે સતત ચૂંટણીને પ્રભાવિત કરી રહ્યા છે અને ખોટી પ્રથાઓને પ્રોત્સાહન આપી રહ્યા છે.

Officers who firmly believe in rule of law & provisions of constitution of India, about 56 retired bureaucrats have given complaint to election commission. Such violations need to be stopped before they become a trend: M Madan Gopal, Karnataka ex Addl Chief Secy pic.twitter.com/59QQ1cs7WM

— ANI (@ANI) September 16, 2022

આ પત્રમાં કોણે-કોણે સહી કરી ? 

ચુંટણી પંચને કરાયેલ રજૂઆતમાં કેરળના ભૂતપૂર્વ મુખ્ય સચિવ આનંદ બોઝ, ભૂતપૂર્વ IAS આરડી કપૂર, ભૂતપૂર્વ IAS સૌરભ ચંદ્રા, ભૂતપૂર્વ IAS કે શ્રીધર રાવ, ભૂતપૂર્વ IAS અભિક ઘોષ, ભૂતપૂર્વ IAS CS ખૈરવાલ, ભૂતપૂર્વ IRS SK ગોયલ, ભૂતપૂર્વ IFS નિરંજન દેસાઈ , ભૂતપૂર્વ IFS સતીશ મહેતા, ભૂતપૂર્વ IAS IFS ભાસ્વતી મુખર્જી, વિદ્યાસાગર, બાલા શેટ્ટી, ભૂતપૂર્વ IPS ઉમેશ કુમાર, એમ. મોહન રાજ, નિર્મલ કૌર, મહેશ સિંઘલા, શીલા પ્રિયા, જી. જેમાં પ્રસન્ન કુમાર, સંજય દીક્ષિત, પીબી રામામૂર્તિ સહિત 56 પૂર્વ અધિકારીઓના હસ્તાક્ષર છે.