ગુજરાતમાં દારૂબંધી વિશે ગુજરાતના જ એક નેતાનો વીડિયો હાલ સોશિયલ મીડિયામાં ધૂમ મચાવી રહ્યો છે. શંકરસિંહ વાઘેલાએ પોતાના ટ્વીટર પર એક એવો વીડિયો પોસ્ટ કર્યો છે જેમાં તેમણે ગુજરાતમાં દારૂબંધી અંગે છૂટ આપવાની માંગ કરી છે.
ગુજરાતમાં દર કિલોમીટરે મળે છે દારૂ
કૃત્રિમ દારૂબંધીની નીતિ ચાલી રહી છે.
શું કહ્યુ શંકરસિંહ વાઘેલાએ?
ગુજરાતના CM રહી ચુકેલા અને હાલ NCPના પ્રેસિડેન્ટ શંકરસિંહ વાઘેલાએ ટ્વવીટર પર એક વીડિયો પોસ્ટ કર્યો છે જેમાં ગુજરાતમાં કૃત્રિમ દારૂબંધીની વાત કરીને વિવાદનો મધપૂડો છેડી દીધો છે. તેમણે કહ્યુ છે કે , "જો મારી સરકાર આવશે તો સૌથી પહેલું કામ દારૂબંધીની આ ઢોંગી નીતિને તોડવાનું કરીશ. ૧૦૦ દિવસ મા કાયદો થશે અને કાયદો એવો થશે કે લોકોએ દારૂ પીવા દિવ-દમણ, આબુ, ગોવા, મુંબઇ કે રાજસ્થાન જવાની જરૂર નહી પડે.'
હું શંકરસિંહ વાઘેલા દારુ પીતો નથી માટે થઇને આ વાત કરી રહયો છું. બાકી લોકો જુદો અર્થ કરે તો એમને એમની મહેરબાની.. pic.twitter.com/cudx1O9uLC
— Shankersinh Vaghela (@ShankersinhBapu) May 7, 2020
તેમણે વધુમાં કહ્યું હતુ કે, દર કિલોમીટરે દારૂ મળે છે. સરકાર પકડે છે તે તો ખાલી ટ્રેલર છે. નાના યુવાનો ખોટો દારૂ પીને બરબાદી વહોરે છે. ગુજરાત સરકાર કમિટિ બનાવે અને ગુજરાતની જનતાને પૂછે કે, આબુ જતા હોવ અને દારૂ પીવા જતા હોય તો તે અંગે વિચારીને ગુજરાતમાં જ દારૂ છુટ્ટી આપી દો.