શું ખરેખર ઇલેક્ટ્રૉનિક વૉટિંગ મશીન (EVM)ને હૅક કરી શકાય છે? આ વર્ષે લોકસભા ચૂંટણી થવાની છે આવામાં સવાલનું મહત્વ વધી જાય છે. આવામાં ભારતમાં ઉપયોગ થતાં EVMને ડિઝાઈન કરનારા અમેરિકાના એક સાયબર ઍક્સપર્ટે દાવો કર્યો છે કે તે બતાવી શકે છે કે આ મશીનોને હૅક કરી શકાય છે. 21 જાન્યુઆરી 2019ના રોજ લંડનમાં તે એક પ્રેઝેન્ટેશન આપી રહ્યો છે જેમાં બતાવવામાં આવી રહ્યું છે કે આ કેવી રીતે શક્ય છે. આ માટેનો લાઈવ વીડિયો તમે સૌથી નીચે જોઈ શકો છો.
હૅકરે કહ્યું હતું કે ટ્રાન્સમિટર દ્વારા EVMને હૅક કરી શકાય છે. આ ઉપરાંત હૅકરે જણાવ્યું હતું કે 2014ની ચૂંટણીમાં મશીન હૅક કર્યા હતાં. જ્યારે 2015ની દિલ્હી વિધાનસભામાં ચૂંટણીમાં પણ EVM હૅક કર્યા હોવાનો દાવો કર્યો હતો. હૅકરે કહ્યું હતું કે આમ આદમી પાર્ટી માટે હૅકિંગ કર્યુ હતું. આ ઉપરાંત સૌથી મોટો ખુલાસો કરતા તેણે કહ્યું હતું કે ગોપીનાથ મુંડેનો સાથે સંપર્કમાં હતો.
હૅકરના ચોંકાવનારા ખુલાસા:
- EVM હૅકિંગ થઈ શકે છે. આ ટ્રાન્સમિટર દ્વારા થઈ શકે છે.
- 2014ની લોકસભામાં EVM હૅકિંગ કર્યા હતાં.
- 2015 દિલ્હીની વિધાનસભા ચૂંટણી માટે પણ હૅક કર્યા હતા.
- હૅકરે ગોપીનાથ મુંડે સાથે સંપર્કમાં હોવાનો દાવો કર્યો
- હૅકરે કહ્યું મારી અને મારા સાથીઓ પર હુમલા થયા છે.
- અમારા 14 સાથીઓની હત્યા કરી દેવાઈ છે ઃ હૅકર
LIVE VIDEO
જ્યારે બીજી બાજુ આ જ મુદ્દે ઇલેક્શન કમિશનની પ્રતિક્રિયા આપી હતી. EC એ કહ્યું હતું કે અમારી નજર છે. જ્યારે ભાજપે પણ આ મુદ્દે પ્રેસ કોન્ફરન્સ કરીને આ દાવાઓને ફગાવ્યા હતાં. ભાજપે કહ્યું હતું કે અમેરિકન હૅકરના દાવઓમાં કોઈ તથ્ય નથી.