સિરમ ઈન્સ્ટીટ્યુટના સીઈઓ અદાર પુનાવાલાનો દાવો છે કે વધુમાં વધુ કોરોના વેક્સિન બનાવવા મારી પર દબાણ કરાઈ રહ્યું છે.મને ધમકીઓ મળી રહી છે.
સિરમના CEO અદાર પુનાવાલા પત્ની,બાળકો સાથે લંડન જતા રહ્યાં
પુનાવાલાએ કર્યો ચોંકાવનારો દાવો,
તાકતવાર લોકો ધમકી આપી રહ્યાં છે
બ્રિટનમાં વેક્સિન પ્રોડક્શન કરીશ
વેક્સિન બનાવવાની જવાબદારી કંઈ મારા એકલાની નથી.
વાય કેટેગરીની સુરક્ષા મળ્યા બાદ લંડન જતા રહેલા અદાર પુનાવાલાએ જણાવ્યું કે એક ઈન્ટરવ્યુમાં જણાવ્યું કે ભારતમાં કેટલાક શક્તિશાળી લોકો દ્વારા મારી પર વેક્સિન બનાવવાનું દબાણ કરી રહ્યાં છે. વેક્સિન બનાવવાની જવાબદારી કંઈ મારા એકલાની નથી.
વેક્સિન બનાવવાનું દબાણ, આને કારણે લંડન જતો રહ્યો
પુનાવાલાએ જણાવ્યું કે આ દબાણને કારણે મેં પત્ની અને બે બાળકો સાથે લંડન જતા રહેવાનો નિર્ણય કર્યો છે. તેમણે કહ્યું કે હું લંડનમાં વધારેમાં વધારે સમય રહેવા માગું છું કારણ કે આવી સ્થિતિમાં ભારત પાછા ફરવાની મારી જરાય ઈચ્છા નથી. હું એવી પરિસ્થિતિમાં રહેવા માંગતો નથી કે જ્યાં હું મારુ કામ કરવાનો પ્રયાસ કરી રહ્યો હોય. ફક્ત એટલા માટે કે તમે એક્સ, વાય કે ઝેડ કેટેગરીની સુરક્ષા મળતી હોય તમે કલ્પી શકો કે શું ચાલી રહ્યું હશે.
કોવિશિલ્ડની કિંમત એકદમ વ્યાજબી છે
પુનાવાલાએ જણાવ્યું કે અમે જ્યાંથી મળે ત્યાંથી મદદ લેવા ફાંફા મારી રહ્યાં છીએ. પરિસ્થિતિ આટલી બદતર થશે તેવી કલ્પના તો ખુદ ભગવાનને પણ ન આવી હોત. કોવિશિલ્ડની પ્રાઈસ અંગે બોલતા પુનાવાલાએ જણાવ્યું કે કોવિશિલ્ડની કિંમત વધારે હોવાની વાત સંપૂર્ણપણે ખોટી છે વેક્સિનની કિંમત ખૂબ જ વ્યાજબી છે. અમે કંઈ પણ જાતનું ખોટું કર્યા વગર કે નફાખોરી કર્યા વગર અમારાથી થાય તેટલું કર્યું છે.