અજબ-ગજબ / સુરતની આ યુવતી કોઈ પણ ગીત ઊંધી રીતે ગાઈ શકે છે, જુઓ વીડિયો

• ઉલટા ગીત ગાવાની કળા છે સુરતની મહિલાને 
• MBA નો કર્યો અભ્યાસ

આ મહિલા અદભુત કલાની માલિક છે. આ મહિલાનું નામ છે નીલુ દુબે. જેને કુદરતે એવી તો અલૌકિક કલાની ભેટ આપી છે કે તેમે તેમને બોલિવૂડનું કોઈપણ ગીત ગાવાનું કહો તો તે એ ગીતને ઊલટા અક્ષરો સાથે પરંતુ મૂળ સૂર , રિધમ, લય અને તાલ સાથે ગાઈ શકે છે. વીટીએ આ અનોખી કલાની માલિકણ એવા નીલુ દુબે સાથે તેમની કલા વિશે જાણકારી મેળવવાનો  પ્રયાસ કર્યો. 

MBAનો કર્યો છે અભ્યાસ

નીલુ દુબે MBA થયેલા છે. તેઓ હાલ સુરતમાં રહે છે. તેઓ અગાઉ ટીચર તરીકે જોબ કરતા હતા પરંતુ હાલ તેઓ પોતાની આગવી કલા સાથે ગૃહિણી  તરીકે ફરજ બજાવી રહ્યા છે. ઉલટા શબ્દો સાથે ગીત ગાવા અને એ જ સુર લય અને તાલ સાથે ગાવા માટે ક્યારેય તેમણે પ્રોફેશનલ ટ્રેનિંગ લીધી નથી. તેમનું કહેવું છે કે તેઓ માત્ર ચાર વર્ષના હતા ત્યારથી આવી રીતે કોઈપણ ગીત ના શબ્દો ઉલટા કરી ને ગાવાની મહારત ધરાવે છે. 

ઉલટા શબ્દોમાં ગાઇ શકે છે ગીત

નીલુ દુબે નું કહેવું છે કે તમને આ ગોડ ગિફ્ટ મળી છે, આ માટે તેમણે ક્યારેય રિયાઝ કે પ્રેક્ટિસ કરી નથી. પરંતુ કોઈ પણ સ્ટેજ ઉપર જ્યારે તેઓ પોતાની આ વિશિષ્ટ પ્રતિભાનું પર્ફોમન્સ આપે છે ત્યારે પ્રેક્ષકો અને શ્રોતાઓને મંત્રમુગ્ધ કરી દે છે. ઓડિયન્સ તરફ થી જે કોઈ ગીત કહેવામાં આવે તે તેઓ તુરંત  જ ઉલટા શબ્દો  સાથે રજૂ કરી  શકે. 

અનોખી માટીના વિલક્ષણ કલાકાર નીલુ દુબે કહે છે કે, લોકોનો રિસ્પોન્સ જોઈને મને ખૂબ વધારે પ્રોત્સાહન મળે છે. તેમનું કહેવું છે કે  કુદરતે તેમને જે કળાની ભેટ આપી છે તેનો ઉપયોગ લોકોના મનોરંજન માટે કરવામાં તેમને આત્મસંતોષ અનુભવવા મળે છે.