જો તમારા ખાતામાં અત્યાર સુધી પીએમ કિસાન સમ્માન નીધિના પૈસા નથી આવ્યા અથવા તો તમે રજીસ્ટ્રેશન નથી કરાવ્યું તો સરળ સ્ટેપ્સમાં કરી શકો છો. આ સ્કિમ હેઠળ સરકાર દેશના ખેડૂતોને વર્ષે 6 હજાર રૂપિયાની આર્થિક સહાય પહોંચાડે છે. તો તમારે પણ આ યોજનાનો લાભ લેવો હોય તો આ રીતે કરી દો
ખેડૂતો માટેની છે આ સ્કિમ
દર વર્ષે આવે છે પૈસા
રજીસ્ટ્રેશન સરળ સ્ટેપ્સમાં કરાવી લો
પૈસા નથી આવ્યા તો કરો ફોન
જો તમે આ યોજનામાં રજીસ્ટર્ડ છો અને તમારા ખાતામાં 2000 રૂપિયા નથી આવ્યા તો ટોલ ફ્રી નંબર પર ફોન કરી શકો છો. કિસાન-પીએમ હેલ્પલાઇન 155261 અથવા 1800115526 નંબર પર ફોન કરી શકો છો. કિસાન મંત્રાલયના નંબર 011-23381092 પર પણ સંપર્ક કરી શકો છો.
તમને જણાવી દઇએ કે, આ યોજનાનો ફાયદો 11 કરોડ 47 લાખ ખેડૂલ લઇ રહ્યાં છે. આ હિસાબથી બે કરોડ 26 લાખ ખેડૂતોના ખાતામાં રકમ પહોંચી નથી.
મોબાઇલ ઍપની મદદ લઇ શકો છો
બેલેન્સ ચૅક કરવા માટે વૅબસાઇટ pmkisan.gov.in સાથે જોડાયેલા રહી શકો છો. સાથે જ મોબાઇલ ઍપની મદદથી પણ પોતાને અપડેટ રાખી શકો છો. જેને તમે ગૂગલ પ્લે સ્ટોર પરથી ડાઉનલોડ કરી શકો છો.
કોને મળશે ફાયદો
જો તમે ખેડૂત છો અને સરકારની આ યોજનાનો ફાયદો લેવા માંગો છો તો તમારા નામે જમીન હોવી જરૂરી છે. આ સિવાય તમારી જમીન પપ્પા કે દાદાના નામ પર છે તો તમારે તેને તમારા નામ પર કરાવવી પડશે. તે સિવાય જો તમે ડૉક્ટર એન્જીનીયર તે વકીલ જેવા પ્રોફેશનમાં છો તો તમને આ યોજનાનો લાભ નહી મળે.
આ રીતે કરો રજીસ્ટ્રેશન
પીએમ કિસાનની અધિકારીક વૅબસાઇટ પર લોગ ઇન કરો
ત્યાં તમને ફાર્મર્સ કોર્નર મળશે તેમાં જઇને ન્યુ ફાર્મર રજીસ્ટ્રેશનનો વિકલ્પ હશે.
ન્યુ ફાર્મસ રજીસ્ટ્રેશન પર ક્લિક કરશો એટલે એક નવું પેજ સામે આવશે
ત્યાં આધાર નંબર સાથે કેપ્ચા કોડ નાંખીને સર્ચ કરો
પેજ પર તમને રાજ્ય, જિલ્લા અને શહેરનું નામ સિલેક્ટ કરવું પડશે.
આ બાદ અંગત જાણકારી સાથે બેંક ખાતાની જાણકારી અને મોબાઇલ નંબર જેવી જાણકારી આપવી પડશે