ચોંકાવનારો રિપોર્ટ / વિશ્વમાં દર છઠ્ઠું બાળક ગરીબી સામે ઝઝૂમી રહ્યું છે, કોરોના બાદ આંકડો હજુ પણ વધી શકે છેઃ UN

• વિશ્વમાં દર છઠ્ઠું બાળક ગરીબ
• વિશ્વ બેંક અને યુનિસેફનો ચોંકાવનારો રિપોર્ટ
• કોરોના પહેલા 35.6 કરોડ બાળક ગરીબ હતા

વિશ્વ બેંક અને સંયુક્ત રાષ્ટ્ર બાળ કોષ (યુનિસેફ)ના એક રિપોર્ટમાં કહેવાયું છે કે કોરોના શરૂ થતાં પહેલાં દર છઠ્ઠું બાળક ગરીબ હતું હવે આ સંખ્યા વધારે ખતરનાક થવાની આશંકા છે. 

સીમિત સામાજિક સુરક્ષામાં જીવે છે બાળકો

ગ્લોબલ એસ્ટીમેટ ઓફ ચિલ્ડ્રન ઈન મોનિટરી પોવર્ટીઃએન અપડેટ નામના રિપોર્ટમાં જાણવા મળ્યું છે કે જ્યાં સીમિત સામાજિક સુરક્ષા છે ત્યાં 2 તૃતિયાંશ બાળકો એવા પરિવારમાં રહે છે જ્યાં રોજના 1.90 ડોલર કે તેનાથી ઓછી રકમમાં લોકો જીવન પસાર કરે છે. જે વિશ્વના માનકોના આધારે ગરીબીની શ્રેણીમાં આવે છે. 

દક્ષિણ એશિયામાં બાળકોનો પાંચમો ભાગ ગરીબીમાં

દક્ષિણ એશિયામાં બાળકોનો પાંચમો ભાગ ગરીબીમાં રહે છે. 2013થી 2017 સુધીમાં ગરીબીમાં જીવન જીવનારા બાળકોની સંખ્યામાં 2.9 કરોડનો ઘટાડો થયો છે. મહામારીના કારણે તેની પર અસર મોટી જોવા મળી રહી છે. આ સંખ્યા હજુ વિકરાળ રૂપ ધારણ કરે તેવી શક્યતા છે. 

પાકિસ્તાનઃ કોરોનાથી મૃત્યુદરમાં ભારે વધારો

અહીં કોરોનાના દિશા નિર્દેશોનું ઉલ્લંઘન થવાના કારણે ગયા અઠવાડિયાની સરખામણીએ મૃત્યુદરમાં 140 ટકાનો વધારો થયો છે. યોજનામંત્રી અસદ ઉમરે કહ્યું કે લોકોને ચેતવણી છે કે તેઓએ આ વ્યવહાર ચાલુ રાખશે તો તેઓએ જીવ અને નોકરી બંનેને છોડવા પડશે. 

અમેરિકાઃ કોરોના બાદ 3 લાખ લોકોએ ગુમાવ્યા જીવ

અમેરિકામાં 2020માં કોરોનાથી 3 લાખથી વધુ લોકોએ જીવ ગુમાવ્યા છે. તેમાં કોરોનાથી અને અન્ય બીમારીથી મૃત્યુ પામનારાની સંખ્યા સામેલ છે. હવે 3 લાખ મોતમાં 2 તડતિયાંશ કોરોના બીમારીથી થયા છે. મંગળવારે આવેલા એક રિપોર્ટમાં તેની જાણકારી અપાઈ હતી. 

 
યૂએસ સેન્ટર ફોર ડિસિઝ કંટ્રોલ એન્ડ પ્રિવેન્શનના રિપોર્ટમાં અનુમાન કરાયું છે કે ગયા વર્ષની સરખામણીએ 26 જાન્યુઆરી અને 3 ઓક્ટોબરની વચ્ચે 299028 લોકોના મોત થયા છે.