કામની વાત / PF ધારકો માટે સમાચાર, હવે સમસ્યા માટે ધક્કા નહીં ખાવા પડે, Whatsapp પર જ સોલ્વ થઈ જશે

• PF ખાતામાં તકલીફ છે તો વૉટ્સઍપથી થશે સોલ્વ
• EPFO લઇને આવ્યુ છે નવી સર્વિસ 
• EPFOની અધિકારીક વૅબસાઇટ પર જઇને નંબર જાણી શકશો

હવે તમારા પીએફને લગતી જાણકારી મેળવવા માટે પીએફ ઓફિસના ધક્કા ખાવાની જરૂર નહી પડે. તમારા ફોનથી જ એટલે કે વૉટ્સઍપથી જ તમારા દરેક સવાલના જવાબ મળી જશે. 

ક્યા નંબર પર કરશો ફરિયાદ 
EPFOના દરેક 138 ક્ષેત્રીય કાર્યાલયમાં વૉટ્સઍપ હેલ્પલાઇન સુવિધા શરૂ કરી દેવામાં આવી છે. કોણ પણ મેમ્બર વૉટ્સઍપ મેસેજ દ્વારા પોતાની ફરિયાદ કરી શકે છે. પોતાના ક્ષેત્રના વૉટ્સઍપ નંબર જાણવા માટે EPFOની અધિકારીક વૅબસાઇટ https://www.epfindia.gov.in પર વિઝીટ કરો અને નંબર જાણી લો. 

EPFOના કોલ સેન્ટરની પણ લઇ શકો મદદ 
EPFOની બીજી સુવિધાઓમાં EPFIGMS પોર્ટલ, CPGRAMS અને સોશ્યલ મિડીયા સિવાય 24 કલાલ કામ કરનારુ કોલ સેન્ટર પણ સામેલ છે. 

વચેટીયા લોકોથી આઝાદી 
EPFOનો પ્રયત્ન છે કે લોકો પોતાની મહેનતની કમાણી કાઢવા માટે વટેટીયા લોકોનો સંપર્ક ન કરે. જ્યારે પણ પીએફ ઉપાડવાની કે તેના સંબંધિત કોઇ કામની વાત આવે છે ત્યારે કોઇ વચેટીયો ફાયદો ઉઠાવી જાય છે. જેના કારણે સૌથી સરળ ઉપાય લઇને આવ્યા છે જેના લીધે સામાન્ય માણસ પણ સરળ રીતે પીએફ સંબંધિત મુશ્કેલીઓને સોલ્વ કરી શકે. 

સેલેરીમાંથી કપાય છે પીએફ 
કોઇ પણ કર્મચારીના મૂળ વેતનમાંથી 12 ટકા હિસ્સો પીએફમાં જાય છે. આટલો જ હિસ્સો કંપની તરફથી પણ આપવામાં આવે છે. વર્ષની રકમ જમા થાય તે બાદ સરકાર તેના પર વ્યાજ પણ આપે છે. નાણાકીય વર્ષ 2020-21 માટે વ્યાજદર 8.50 ટકા નક્કી કરવામાં આવ્યો છે.