સંશોધન / Good News: હવેથી ભારતમાં નહીં ઘટે જોશીમઠ જેવી ઘટનાઓ! પહેલેથી જ આવી જશે અંદાજ, NASAની ઇસરોને અનોખી ભેટ

• જોશીમઠ જેવી ઘટનાઓ થતા પહેલા એલર્ટ કરી દેશે
• આ સેટેલાઈટને જીએસએલવી-એમકે2 રોકેટથી લોન્ચ કરાશે
• આશરે 10 હજાર કરોડ રૂપિયાનો ખર્ચ થયો

અમેરિકી અંતરીક્ષ એજન્સી નાસા (NASA)એ ભારતીય અંતરીક્ષ અનુસંધાન સંગઠન (ISRO)ને NISAR સેટેલાઈટ સોંપી દિધી છે. તેને રિસીવ કરવા માટે ઈસરોના પ્રમુખ એસ સોમનાથ પોતે જેટ પ્રોપલ્શન લેબોરેટરી ગયા હતા. હવે આ સેટેલાઈટને ભારત લાવવામાં આવશે. આ એ પ્રકારનું સેટેલાઈટ છે જે જોશીમઠ જેવી ઘટનાઓ થતા પહેલા એલર્ટ કરી દેશે. 

સેટેલાઇટ બનાવવામાં આશરે 10 હજાર કરોડ રૂપિયાનો ખર્ચ થયો છે. આ સેટેલાઈને જીએસએલવી-એમકે2 રોકેટથી લોન્ચ કરાશે. NISAR નો ફાયદો સમગ્ર વિશ્વને થવાનો છે. આ સેટેલાઈટ દુનિયાને કુદરતી આપદાઓથી બચાવશે. આ વિશ્વનો સૌથી મોંઘો અર્થ ઓબ્ઝરવેશન સેટેલાઈટ છે.

NISAR  સમગ્ર દુનિયા પર નજર રાખશે 
માત્ર કોઈ શહેરમાં બનતી ઘટનાઓ નહી પરંતુ NISAR  સમગ્ર દુનિયા પર નજર રાખશે. NISAR તોફાન, જ્વાળામુખી, ભૂકંપ, ગ્લેશિયર્સનું પીગળવું, દરિયાઈ તોફાન, જંગલમાં આગ, દરિયાના જળસ્તરમાં વધારો સહિતની ઘણી આપદાઓનું એલર્ટ આપશે. NISAR અવકાશમાં પૃથ્વીની આસપાસ જમા થતો કચરો અને અંતરીક્ષમાંથી પૃથ્વી તરફ આવતા ખતરાની સૂચના પણ આપતુ રહેશે. 

Today was all about NISAR!

It’s nearly time for the scientific heart of this @NASAEarth satellite to head to southern India ahead of its planned 2024 launch, so of course, we had to send it off in true JPL style. https://t.co/dNvZEP1pBa pic.twitter.com/cgkAqQk4iR

— NASA JPL (@NASAJPL) February 4, 2023

NISAR માં બે પ્રકારના બેન્ડ હશે
સેટેલાઈટ અને તેના પેલોડ્સની ઘણી વખત ટેસ્ટિંગ થઈ ચૂકી છે. આ ભારત અને અમેરિકાનું અત્યાર સુધીનું સૌથી મોટુ સંયુક્ત સાયન્સ મિશન છે. NISAR માં બે પ્રકારના બેન્ડ હશે એલ અને એસ. આ બંને પૃથ્વી પર વૃક્ષોની ઘટતી સંખ્યાઓ પર નજર રાખશે સાથે જ પ્રકાશની કમી અને વધુ અસરની પણ સ્ટડી કરશે. એસ બેન્ડ ટાન્સમીટરને ભારતે બનાવ્યું છે અને એલ બેન્ડ ટ્રાંસપોંડરને નાસાએ બનાવ્યું છે. તેને જીએસએલવી-એમકે2 રોકેટથી છોડવામાં આવશે. 

તેની રડાર એટલી શક્તિશાળી હશે કે તે 240 કિલોમીટર સુધીના ક્ષેત્રફળની એકદમ સાફ તસવીર લઈ શકશે. આ પૃથ્વીના એક સ્થળની તસવીર 12 દિવસ બાદ લેશે.કારણ કે તેને પૃથ્વી પર એક ચક્કર લગાવવા માટે 12 દિવસ લાગશે. આ દરમિયાન તે પૃથ્વીના અલગ-અલગ ભાગમાં રેપિડ સેમ્પલિંગ કરતા તસવીરો અને આંકડા વૈજ્ઞાનિકોને આપતુ રહેશે. આ મિશનની લાઈફ પાંચ વર્ષ માનવામાં આવે છે. આ દરમિયાન NISAR જ્વાળામુખી, ભૂકંપ, ભૂસ્ખલન, જંગલ, ખેતી, બરફનું વધવુ ઘટવુ વગેરે વિષયોનું સ્ટડી કરતું રહેશે. 

NISAR સેટેલાઈટમાં એક મોટુ મેન બસ હશે, જેમાં ઘણા ઉપકરણો લાગ્યા હશે. સાથે જ ઘણા ટ્રાંસપોડર્સ, ટેલીસ્કોપ અને રડાર સિસ્ટમ હશે. આ સિવાય તેમાથી એક આર્મ નિકળશે, જેના ઉપર એક સિલિન્ડર હશે. આ સિલિન્ડર લોન્ચ થવાના થોડા કલાકો બાદ ખુલશે તો તેમા ડિશ એન્ટીના જેવી એક મોટી છતરી નિકળશે. આ છતરી જ સિન્થેટિક અપર્ટર રડાર છે. જે ધરતી પર થનારી પ્રાકૃતિક આપદાઓનું ધ્યાન રાખશે.