વિરોધ / ગુજરાતમાં આજે પણ અનેક જગ્યાએ બંધનું એલાન, કિશન ભરવાડ હત્યા મામલે જુઓ ક્યાં કેવો રોષ

• ધંધુકામાં હત્યા મામલે તારાપુર અને બોટાદમાં બંધનું એલાન
• હિન્દુ સંગઠનો દ્વારા સજ્જડ બંધનું એલાન આપાયું હતું 
• હત્યારાઓને કડક સજા આપવા હિન્દુ સંગઠનોની માંગ

તારાપુરમાં હિન્દુ સંગઠનનો દ્વારા બંધનું એલાન 

ધંધુકાના ચકચારી કિશન ભરવાડ હત્યા કેસમાં એક પછી એક ચોંકાવનારા ખુલાસા થઈ રહ્યાં છે. બીજી  કિશન ભરવાડ હત્યા કેસના પડઘા ગુજરાતમાં દુર દુર સુધી પડી રહ્યા છે.  જેની વચ્ચે આજે તારાપુરમાં હિન્દુ સંગઠનો દ્વરા બંધનું એલાન આપવામાં આવ્યું છે. જેના પગલે સવારથી જ તારાપુરના બજારો બંધ રહેવા પામ્યા હતાં. બીજી તરફ હિન્દુ સંગઠનનો દ્વારા હત્યારાઓને કડકમાં કડક સજા આપવા હિન્દુ સંગઠનોને માંગ કરી હતી.  
 
બરવાળામાં આરોપીઓને કડકમાં કડક સજા કરવાની માંગ ઉચ્ચારાઈ 

બીજી તરફ બોટાદના બરવાળામાં પણ ધંધુકાના કિશન ભરવાડ હત્યાના મામલે વિવિધ હિન્દુ સંગઠનો દ્વારા સજ્જડ બંધનું એલાન કરવામાં આવ્યું હતું. જેના પગલે વહેલી સવારથી જ શહેરના વેપારીઓ ધંધા-રોજગાર સ્વૈચ્છિક રીતે બંધ કરીને આ બંધને સમર્થન આપ્યું હતું. અને કિશન ભરવાડના આરોપીઓને કડકમાં કડક સજા કરવાની માંગ ઉચ્ચારી હતી.  

બનાસકાંઠાના ભાભર શહેરમાં હિન્દુ સંગઠનોએ બંધનું એલાન આપ્યું

ધંધુકા તેમજ રાધનપુરમાં હિન્દુ યુવક-યુવતીઓ પર હુમલાનો મામલો આજે બનાસકાંઠાના ભાભર શહેરમાં હિન્દુ સંગઠનોએ બંધનું એલાન આપ્યું છે. ભાભર શહેરના તમામ વેપારીઓએ બંધમાં જોઈડાઈ સમર્થન આપ્યું છે. અને આ બંધમાં વધુ લોકો જોડાવા માટે હિન્દુ સંગઠનોની લોકોને અપીલ કરી હતી