કોરોના વાયરસની બીજી લહેરની વચ્ચે ફ્રેન્ચ સરકારે સમગ્ર દેશમાં હેલ્થ ઇમરજન્સી લાગૂ કરી દીધી છે. હાલમાં ફ્રાંસ કોરોનાની નવી સંક્રમણ લહેરનો સામનો કરી રહ્યું છે. આ નિર્ણયના લીધે ફ્રાન્સમાં અધિકારીઓને વધુ પગલાં લવેયની સત્તા મળશે.
ફ્રાન્સે જાહેર કરી હેલ્થ ઇમરજન્સી
સમગ્ર દેશમાં લાગૂ કરાશે આ નવી સિસ્ટમ
આઠ મહાનગરોમાં કરાયું કરફયુનું એલાન
ફ્રાંસ ની સરકારે બુધવારે કોવિડ -19 ચેપની નવી વેવનો સામનો કરવા માટે હેલ્થ ઇમરજન્સીને ફરીથી લાગૂ કરી હતી. આ નિર્ણયથી યુરોપીય મહાસત્તા ફ્રાંસ ને આશા છે કે તે ખૂબ જ જલ્દી આ વેવને રોકી શકશે.
રાત્રિ કર્ફ્યૂ લાગૂ કરવામાં આવશે
સરકારના પગલાઓના ભાગ રૂપે, રાષ્ટ્રપતિ ઇમેન્યુઅલ મેક્રોને કોવિડ -19 દ્વારા સૌથી વધુ અસરગ્રસ્ત વિસ્તારો માટે રાત્રે 9 થી સવારના 6 વાગ્યા દરમિયાન કર્ફ્યુ લગાવવાની ઘોષણા કરી દીધી છે. ઇલે-ડી-ફ્રાન્સ અને ગ્રેનોબલ, લીલી, લ્યોન, ઇક્સ-માર્સેલી, સેન્ટ ઇટિએન અને ટુલૂઝ સહિત આઠ મહાનગરોમાં શનિવારથી શરૂ થતાં ચાર અઠવાડિયા લાંબા કર્ફ્યૂને લાગૂ કરવામાં આવશે.
રાષ્ટ્રપતિએ કહ્યું કે, લોકોને કર્ફ્યુના કલાકો દરમિયાન રેસ્ટોરન્ટ્સમાં જવા અથવા મિત્રોની મુલાકાત લેવાની મંજૂરી આપવામાં આવશે નહીં પરંતુ જાહેર પરિવહનની અવરજવર પર કોઈ પ્રતિબંધ રહેશે નહીં. ફ્રાંસનાં રાષ્ટ્રપતિએ એમ પણ કહ્યું હતું કે, કોઈપણ યોગ્ય કારણ વગર કર્ફ્યુમાં લોકો કોઈ અફવા ફેલાવતા હોવાનું માલૂમ પડશેતો તેને 122 ડોલરનો દંડ થશે.
સમય આવી ગયો છે કે કોરોના ઉપર બ્રેક લગાવવામાં આવે : ફ્રેંચ પ્રમુખ મેક્રો
રાષ્ટ્રપતિ મેક્રો એ આ અંગે જણાવ્યું હતું કે હાલમાં સમય આવી ગયો છે કે કોરોના વાયરસ ના ફેલાવા ઉપર બ્રેક લગાવવામાં આવે સાથે જ આપણે તે પણ જોવાનું છે કે હાલના નવા પ્રતિબંધો કોઈ લોકોને મોડી રાત્રે રેસ્ટોરન્ટ્સ કે ખાનગી ઘરોની મુલાકાત લેતા અટકાવે નહીં
ફ્રાંસની સરકારે અગાઉ આ વર્ષે માર્ચમાં જાહેર આરોગ્યની કટોકટીની સ્થિતિ જાહેર કરી હતી, તે પછી, અધિકારીઓએ તેમની વધારાની સત્તાઓનો ઉપયોગ કરીને લોકોને જરૂરી કામ સિવાય, ઘરેલું ખાવાનું ખરીદવા અથવા દૈનિક કસરતનો એક કલાક લેતા સિવાય ઘરે જ રહેવાનો આદેશ આપ્યો.
જુલાઈમાં ફ્રાન્સમાં કટોકટીની સ્થિતિને હટાવી લેવામાં આવી હતી, COVID-19 કેસની સંખ્યામાં ઘટાડો થયો હતો. પરંતુ ત્યારબાદ, આ રોગ પાછો વધી ગયો છે, વડા પ્રધાન જીન કેસ્ટેક્સે કહ્યું હતું કે ફ્રાન્સ હવે વાયરસની બીજી લહેરની વચ્ચે છે.