માત્ર તમે કસરત કરી રહ્યા છો કે નહીં તેનાથી કોઈ ફરક પડતો નથી પણ તમે કસરત કેવી રીતે કરી રહ્યા છો તે પણ મહત્વનું છે.
વૃધ્ધોમાં જ નહીં પણ યુવાઓમાં પણ હાર્ટ ઍટેકનો ખતરો વધી રહ્યો છે
વધુ પડતી કસરત પણ તમારા શરીર અને હૃદય પર નકારાત્મક અસરો પડી શકે છે
ભારતમાં હ્રદયના દર્દીઓની સંખ્યા ઘણી વધુ છે. જો કે હાલની લાઈફસ્ટાઈલ મુજબ વૃધ્ધોમાં જ નહીં પણ યુવાઓમાં પણ આ બીમારી ફેલાતી જાય છે. ઘણી વખત એવું બને કે વ્યક્તિ ફિટ છે કે સ્વસ્થ અને તંદુરસ્ત છે પણ ખરેખરમાં એવું નથી હોતું.હાર્ટ એટેક પણ એક એવી બીમારી છે જે આજકાલ વ્યસ્ત જીવનશૈલી અને બિનઆરોગ્યપ્રદ ખોરાકની આદતોને કારણે ઝડપથી વધી રહી છે. સામાન્ય રીતે હ્રદયના રોગોને વધતા ઉંમરની સાથે થતી બીમારી સમજવામાં આવે છે, પરંતુ હવે એવુ રહ્યુ નથી. છેલ્લા કેટલાક વર્ષોમાં યુવાનો પણ આ ગંભીર રોગનો વધુને વધુ શિકાર બની રહ્યા છે.
હાલ જ જિમમાં વર્કઆઉટ દરમિયાન જ રાજૂ શ્રીવાસ્તવને હાર્ટ ઍટેક આવ્યો હતો જે બાદ તેમને હોસ્પિટલમાં દાખલ કરવામાં આવ્યા હતા. ગયા વર્ષે અભિનેતા સિદ્ધાર્થ શુક્લા, કન્નડ ફિલ્મોના લોકપ્રિય અભિનેતા પુનીત રાજકુમારનું પણ હાર્ટ એટેકના કારણે નિધન થયું હતું. થોડા સમય પહેલા સિંગર કેકે પણ આ બીમારીને કારણે આપણી વચ્ચે નથી રહ્યા.સ્વાસ્થ્ય નિષ્ણાતોના મતે હૃદયમાં લોહીનો પ્રવાહ અવરોધાય ત્યારે હાર્ટ એટેક આવે છે. આ પ્રકારનો અવરોધ સામાન્ય રીતે વાહિનીઓમાં ચરબી, કોલેસ્ટ્રોલ અને અન્ય પદાર્થોના સંચયને કારણે થાય છે. એટલા માટે લોકો જીમમાં કસરત કરવા માટે જાય છે પણ તમને જણાવી દઈએ કે ફક્ત જીમમાં કસરત કરવાથી હાર્ટ અટેકણો ખતરો ઓછો થતો નથી. એવામાં ઘણાં લોકો એવું વિચારે કે જો તેનાથી પણ હાર્ટ અટેકનો ખતરો ઓછો નથી તો અમે કેમ જીમમાં જઈને કસરત કરીએ..
તમને જણાવી દઈએ કે માત્ર તમે કસરત કરી રહ્યા છો કે નહીં તેનાથી કોઈ ફરક પડતો નથી પણ તમે કસરત કેવી રીતે કરી રહ્યા છો તે પણ મહત્વનું છે. આજકાલ લોકો અને ખાસ કરીને યંગસ્ટર ખૂબ જ જીમ ફ્રીક બની ગયા છે પણ આજકાલ ફ્રેક લોકો કેટલીક ભૂલોને કારણે તેઓ હૃદયની બીમારીઓનો શિકાર બનતા રહે છે. સામાન્ય કસરતથી તમે ફિટનેસ જાળવી શકો છો, પરંતુ જો તમે વધુ ભારે અને વધુ પડતી કસરત કરો છો તો તેની તમારા શરીર અને હૃદય પર નકારાત્મક અસરો પડી શકે છે.
વર્કઆઉટ કે કસરત કરતી વખતે આ વાતનું ધ્યાન રાખો
- ટ્રેડમિલ કે કોઈ બીજા કાર્ડિયો કસરતમાં એક સાથે 10 મિનીટથી વધુ કસરત ન કરો.
- દરેક કાર્ડિયો કસરત પછી 2-5 મિનીટણો બ્રેક લો જેથી હાર્ટને થોડો આરામ મળી શકે.
- ડોક્ટર કે ટ્રેનરની સલાહ લઈને એ મુજબ જ વર્કઆઉટણો સમય નક્કી કરો. જરૂરિયાતથી વધુ કસરત ન કરો.
- જો કસરત કરતી સમયે છાતી કે શરીરની ડાબી બાજુ દુખાવો અનુભવાય તો કસરત છોડી ડોક્ટરની સલાહ લો.