મહામારી / કોરોનામાં તૂટ્યાં રેકોર્ડ : ગુજરાત સહિત 5 રાજ્યોમાં પહેલી લહેર કરતા પણ વધુ કેસ

• દેશમાં કોરોના ફરી વકર્યો 
• દેશની સ્થિતિ  ભયજનક
• ગુજરાતના અમદાવાદમાં સૌથી વધારે કેસ 

​ 

છત્તીસગઢમાં 18 સપ્ટેમ્બર 2020ના સૌથી વધારે કેસ 3809 કેસ આવ્યા હતા. આ વર્ષે 7 એપ્રિલના રોજ 10310 કોરોનાના કેસ આવ્યા છે. ગયા વર્ષ કરતા 63 ટકા વધારે દર્દીઓની સંખ્યા વધી છે. આવામાં મહારાષ્ટ્રમાં 58 ટકા, ગુજરાતમાં 55 ટકા, મધ્ય પ્રદેશમાં 36 ટકા અને પંજાબમાં 5 ટકા દર્દીઓ વધ્યા છે. 

સમગ્ર દેશમાં જેટલા નવા કોરોનાના દર્દીઓ આવી રહ્યાં છે તેના 50 ટકા કેસ મહારાષ્ટ્રમાં છે. છત્તીસગઢમાં 50 ટકા કેસ રાયપુર અને દુર્ગમાંથી છે. ગુજરાતમાં 55 ટકા કેસ અમદાવાદ, સુરત અને વડાદરાથી આવી રહ્યાં છે. મધ્ય પ્રદેશમાં 42 ટકા કેસ માત્ર ભોપાલ અને ઇન્દોરમાં છે. 

દેશમાં હાલની કોરોના સ્થિતિ 
ભારતમાં એક દિવસમાં કોવિડ 19ના નવા 1,31,968 નવા કેસ સામે આવ્યા છે. દેશમાં ટોટલ કેસ 1,30,60,542 થઇ ગઇ છે. શુક્રવારે જાહેર કરેલ આંકડામાં 780 લોકોની મોત થયા બાદ 1,67, 642 થઇ ગઇ હતી. 18 ઓક્ટોબર બાદ આ સૌથી વધારે મામલા છે. 

આંકડા અનુસાર, દેશમાં સતત 30 દિવસથી નવા કેસની સંખ્યામાં વધારો થઇ રહ્યો છે. તે સાથે એક્ટિવ કેસની સંખ્યા વધીને 9,79,608થઇ ગઇ છે. જે કુલ મામલાનો 7.5 ટકા છએ. 12 ફેબ્રુઆરીના રોજ સૌથી ઓછી સંખ્યા 1,35,926 એક્ટિ દર્દીઓ હતા.