4 ફેબ્રુઆરીએ દર વર્ષે વર્લ્ડ કેન્સર ડે ઉજવવામાં આવે છે. કેન્સર શરીરમાં અસામાન્ય કોષોના ઝડપથી વધવાના કારણે થાય છે. આ અસામાન્ય કોષ શરીરના સામાન્ય પેશીઓને નષ્ટ કરી દે છે. કેન્સર એક એવી ખતરનાક બીમારી છે જે તમારા આખા શરીરમાં ફેલાઈ શકે છે.
4 ફેબ્રુઆરીએ હોય છે વર્લ્ડ કેન્સર ડે
શરીરમાં આ રીતે વધી જાય છે કેન્સર
આખા શરીરમાં ફેલાઈ શકે છે કેન્સર
દર વર્ષે 4 ફેબ્રુઆરીએ વર્લ્ડ કેન્સર ડે ઉજવવામાં આવે છે જેથી લોકોને આ ખતરનાક બીમારી વિશે જાગરૂત કરી શકાય. મોટાભાગે લોકોને કેન્સરની જાણ ત્યારે થાય છે જ્યારે તે ખૂબ વધારે વધી જાય છે. આ જીવલેણ બીમારી થવા પર શરીરના કોશો નષ્ટ થવા લાગે છે અને ધીરે ધીરે શરીરના અંગ કામ કરવાનું બંધ કરી દે છે. સમય રહેતા જો બીમારીની સારવાર ન કરવામાં આવે તો તેનાથી વ્યક્તિનું મોત પણ થઈ શકે છે.
વહેલા જાણ થાય તો સારવાર શક્ય
કેન્સરની જાણ જો શરૂઆતમાં થઈ જાય તો આ બીમારીથી છુટકારો મેળવી શકાય છે. પરંતુ આ એક એવી બીમારી છે જેના કારણે લક્ષણોની શરૂઆતમાં જાણકારી મળવી ખૂબ જ મુશ્કેલ છે. આમ તો કેન્સર ઘણા પ્રકારે થાય છે પરંતુ પેન્ક્રિયાટિક કેન્સરને ખૂબ જ ખતરનાક માનવામાં આવે છે.
ગળવામાં તકલીફ
કેન્સરના કારણે અમુક લોકોને સમય સમય પર ગળવામાં મુશ્કેલી થાય છે. જો ગળવામાં મુશ્કેલીની સાથે સાથે તમારૂ વજન પણ અચાનક ઓછુ થવા લાગે અથવા ઉલ્ટી થઈ રહી હોય તો તમને ડોક્ટરને મળવું જોઈએ. તે તમને ગળા અથવા પેટના કેન્સરની તપાસ કરાવી શકે છે. ગળાની તપાસ માટે તમારી બેરિયમ એક્સ-રે કરવી શકો છો.
પેશાબમાં મુશ્કેલી
ઘણા પુરૂષોમાં ઉંમર વધવાની સાથે પેશાબ સાથે જોડાયેલી સમસ્યાઓ થવા લાગે છે. તેમને રાત્રે વારંવાર બાથરૂમ જવાની જરૂર પડે છે. ઘમી વખતે પેશાબ કંટ્રોલ પણ નથી થઈ શકતી. પેશાબના સમયે બળતરા ક્યારેક ક્યારેક લોહી પણ આવવા લાગે છે.
પ્રોસ્ટેટ ગ્લેંડના વધવાના કારણે આ લક્ષણ જોવા મળે છે. આ પ્રોસ્ટેટ કેન્સર પણ હોઈ શકે છે. એવી કોઈ પણ સમસ્યા મહેસુસ થવા પર ડૉક્ટરનો તરત સંપર્ક કરો. તે તમારા લોહી અથવા પ્રોસ્ટેટની તપાસ કરી શકે છે.
સ્કિનમાં ફરેફાર
જો તમારી સ્કિન પર તલ કે મસ્સા છે તો તેના આકાર કે રંગમાં ફેરફાર આવી શકે છે. સ્કિન પર અમુક ઘબ્બા અચાનક જોવા મળી શકે છે. જો તમને કંઈ પણ એવું લાગે તો બેદરકારી ન કરો અને ડોક્ટરને મળો. આ સ્કિન કેન્સરના લક્ષણ હોઈ શકે છે. ડોક્ટર તમને બાયોપ્સી કરવાની સલાહ આપી શકે છે.
ટેસ્ટિક્લસમાં ફેરફાર
હેલ્થ એક્સપર્ટ્સના અનુસાર ટેસ્ટિકલમાં ગાંઠ, ભારે લાગવું અથવા કોઈ પણ ફેરફાર દેખાવવા પર મોડુ ન કરો. યોગ્ય સમય પર જાણકારી મળી જાય તો તેની સારવાર પણ કરી શકાય છે. તેની જાણકારી મેળવવા માટે ડોક્ટર તમારો બ્લડ ટેસ્ટ અને અલ્ટ્રાસાઉન્ડ કરાવી શકે છે.
છાતીમાં બળતરા
જો તમને મોટાભાગે છાતીમાં બળતર મહેસૂસ થતી હોય અને ડાયેટમાં ફેરફાર બાદ પણ આ બળતરા ઓછી નથી થતી તો તમને તેની ગંભીરતાથી નોંધ લેવી જોઈએ. છાતીમાં ખૂબ વધારે બળતરા પેટ અથવા ગળાના કેન્સ સાથે જોડાયેલી હોઈ શકે છે. તેના માટે સમય ખરાબ કર્યા વગર તમારે ડોક્ટરનો સંપર્ક કરવો જોઈએ.
મોંઢામાં ફેરફાર
જો તમે સ્મોકિંગ કરો છો અથવા તમાકૂ ખાવ છો તો તમારે માઉથ કેન્સર થવાની સંભાવના સૌથી વધારે છે. તેના કારણે તમને મોંઢાના કેન્સર અને હોઠ પર પર સફેદ, લાલ, ભૂરા અથવા પીળા રંગના ધબ્બા જોવા મળી શકે છે.
તમારા મોંઢામાં એક ધા પણ અનુભવ થઈ શકે છે જે અલ્સર જેવું દેખાતુ હોય. ડોક્ટર તમને ટેસ્ટ અને ટ્રીટમેન્ટની સલાહ આપી શકે છે.
ઝડપથી ઘટાડો વજન
કોઈ પ્રયત્ન કર્યા વગર જ તમારૂ વેટ લોસ ઝડપથી થઈ રહ્યું હોય તો આ સ્ટ્રેસ અથવા થાયરોઈડના કારણે થઈ શકે છે. આ સમસ્યા વગર પણ જો તમારૂ વજન ઝડપથી વધી રહ્યું છે તો આ પેન્ક્રિયાઝ, પેટ અથવા લંગ્સ કેન્સરના લક્ષણ હોઈ શકે છે. બ્લડ ટેસ્ટ દ્વારા તેની યોગ્ય જાણકારી મળી શકે છે.
છાતીમાં ફેરફાર
છાતીમાં કોઈ પ્રકારની ગાંઠ મહેસૂસ થાય પુરૂષોમાં બ્રેસ્ટ કેન્સરના લક્ષણ હોઈ શકે છે. સામાન્ય રીતે પુરૂષો બ્રેસ્ટ સાથે જોડાયેલા આ લક્ષણોને નજરઅંદાજ કરતા હોય છે. જેના કારણે તેની જાણકારી એડવાન્સ સ્ટેજ પર જઈને થાય છે.
થાક
ઘણા પ્રકારના કેન્સરમાં ખૂબ વધારે થાક મહેસૂસ થાય છે. સંપૂર્ણ આરામ બાદ પણ થાક દૂર નથી થતો. આ થાક ખૂબ વધારે કામ કર્યા બાદના થાકથી અલગ હોય છે. જો તમને પણ આ પ્રકારનો ખૂબ વધારે થાક લાગે છે અને તેના કારણે તમે પોતાનું રોજનું કામ પણ નથી કરી શકતા તો તમારે ડોક્ટરનો સંપર્ક કરવો જોઈએ.
વધારે ખાંસી આવવી
મોટાભાગે ખાંસી સામાન્ય રીતે કેન્સરનું લક્ષણ નથી અને આ 3-4 અઠવાડિયામાં પોતાની જાતે ઠીક થઈ જાય છે. જોકે જો તમારી ખાંસી 4 અઠવાડિયા બાદ પણ રહે છે અને તેની સાથે જ તમને શ્વાસ લેવામાં પણ મુશ્કેલી થાય છે તો આ લંગ કેન્સરનું લક્ષણ હોઈ શકે છે. માટે ડોક્ટર તમારૂ એક્સ-રે કરાવી શકે છે.