ઉત્તર ગુજરાત અને મધ્ય ગુજરાતના 14 જિલ્લામાં જોરશોરથી મતદાન થઈ રહ્યું છે એવામાં મતદાન સમયે બે જગ્યાઓ પર EVM મશીન ખોરવાતા મતદાનની પ્રક્રિયા અટકી છે.
આજે કુલ 833 ઉમેદવારોનું ભાવિ EVMમાં સીલ થશે
EVM મશીન ખોરવાતા મતદાનની પ્રક્રિયા અટકી
ગુજરાત વિધાનસભા ચૂંટણી 2022નો બીજો તબક્કો
આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો 26 હજાર 409 મતદાન મથકો પર મતદાન શરૂ થયું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.
EVM મશીન ખોરવાતા મતદાનની પ્રક્રિયા અટકી
ઉત્તર ગુજરાત અને મધ્ય ગુજરાતના 14 જિલ્લામાં જોરશોરથી મતદાન થઈ રહ્યું છે અને લોકો લાઇનમાં ઊભા રહીને પણ મતદાન પ્રક્રિયામાં ભાગ લઈ રહ્યા છે. 10 વાગ્યા સુધીમાં કુલ 13% જેટલું મતદાન થયું છે. એવામાં હાલ જણાવ મળ્યું છે કે ગુજરાતના બીજા તબક્કાની ચૂંટણીમાં મતદાન સમયે ગુજરાતની બે જગ્યાઓ પર EVM મશીન ખોરવાતા મતદાનની પ્રક્રિયા અટકી ગઈ છે. મળતી જાણકારી અનુસાર વડોદરાના પાદરામાં મતદાન મથક 101 પર EVM મશીન ખોટકાયુ છે. EVM મશીન ખોટવાતા મતદાન મથક 101 પર મતદારોની લાંબી લાઈનો લાગી છે.
આ સિવાય આજ સવારથી મહીસાગર જીલ્લાની 3 વિધાનસભામાં મતદાન શરૂ થયું હતું અને લોકોમાં મતદાન કરવાનો અનેરો ઉત્સાહ પણ દેખાઈ રહ્યો હતો. એવામાં જાણવા મળ્યું છે કે ખાનપુર ના બાકોર ગામે બુથ 3 EVM મશીન ખોરવાયું છે. જો કે જીલ્લા વહીવટી વિભાગ દ્વારા 2 વાર મશીન બદલવામાં આવ્યું છે એ છતાં પણ મતદાન શરૂ ન થતા મતદારોમાં ભારે રોષ જોવા મળ્યો હતો. હાલ બૂથ નંબર 3માં મતદાનના મહાપર્વની ઉજવણી માટે મતદારોની લાગી લાંબી કતાર લાગી છે.
ગુજરાત વિધાનસભા ચૂંટણી 2022નો બીજો તબક્કો
ગુજરાત વિધાનસભા ચૂંટણી 2022ના બીજા તબક્કા માટે 14 જિલ્લાની 93 બેઠકો પર મતદાન શરૂ થઈ ગયું છે. ભાજપ, કોંગ્રેસ અને આમ આદમી પાર્ટી માટે આ તબક્કો ઘણો મહત્વનો છે. 93 બેઠકો માટે 833 ઉમેદવારો મેદાનમાં છે. આ તબક્કામાં મધ્ય ગુજરાત અને ઉત્તર ગુજરાતની બેઠકોનો સમાવેશ થાય છે. અમદાવાદ અને વડોદરા સહિતના શહેરી વિસ્તારોમાં ભાજપનો લિટમસ ટેસ્ટ છે. બીજી તરફ ઉત્તર ગુજરાત કોંગ્રેસનો પરંપરાગત ગઢ અને ઓબીસી પ્રભુત્વ ધરાવતો વિસ્તાર છે.
61 રાજકીય પક્ષોના 833 ઉમેદવારો મેદાનમાં
બીજા તબક્કામાં 93 બેઠકો માટે 61 રાજકીય પક્ષોના 833 ઉમેદવારો મેદાનમાં છે. તેમાંથી 285 અપક્ષ ઉમેદવારો મેદાનમાં છે, જ્યારે ભાજપ અને આમ આદમી પાર્ટીએ તમામ 93 બેઠકો માટે પોતાના ઉમેદવારો ઉભા રાખ્યા છે. બીજા તબક્કામાં કોંગ્રેસ 90 બેઠકો પર ચૂંટણી લડી રહી છે, જ્યારે તેના સહયોગી NCPએ બે બેઠકો પર પોતાના ઉમેદવારો ઉભા રાખ્યા છે. જ્યારે BTP 12 અને BSP 44 સીટો પર ચૂંટણી લડી રહી છે.
ત્રણ પાર્ટીઓની ટક્કર થશે
બીજા તબક્કામાં 14 જિલ્લાઓમાં ચૂંટણી યોજાઈ રહી છે. મધ્ય ગુજરાતમાં અમદાવાદ, દાહોદ, ખેડા, આણંદ, પંચમહાલ, વડોદરા, જિલ્લા આવે છે જ્યારે ઉત્તર ગુજરાતમાં ગાંધીનગર, બનાસકાંઠા, સાબરકાંઠા, અરવલી, મહેસાણા, છોટા ઉદેપુર, અલવલ્લી અને પાટણ જિલ્લાની બેઠકો પર મતદાન થઈ રહ્યું છે. રાજ્ય-પરિવર્તનના સમીકરણમાં આ વખતે કોંગ્રેસ, ભાજપ આમ આદમી પાર્ટી માટે ખૂબ જ મહત્વપૂર્ણ છે.
આજે રાજ્યમાં બીજા તબક્કાનુ મતદાન
14 જિલ્લાની 93 બેઠક પર મતદાન
સવારે 8થી સાંજે 5 વાગ્યા સુધી મતદાન
93 બેઠકો પર કુલ 833 ઉમેદવાર મેદાનમાં
બીજા તબક્કામાં કુલ 64 પુરૂષ ઉમેદવાર મેદાનમાં
બીજા તબક્કામાં કુલ 69 મહિલા ઉમેદવાર મેદાનમાં
સૌથી ઓછા 3 ઉમેદવાર ઈડર બેઠક પર મેદાને
બીજા તબક્કામાં 61 રાજકીય પક્ષો મેદાનમાં
બીજા તબક્કામાં કુલ 2.51 કરોડ મતદારનો સમાવેશ
બીજા તબક્કામાં કુલ 1.29 લાખ પુરૂષ મતદારનો સમાવેશ
બીજા તબક્કામાં કુલ 1.22 લાખ મહિલા મતદારનો સમાવેશ
બીજા તબક્કામાં 18થી 19 વર્ષની વયમાં કુલ 5.96 લાખ મતદાર
બીજા તબક્કામાં 99 વર્ષથી વધુ વયના 5412 મતદાર
બીજા તબક્કામાં કુલ 660 NRI મતદાર
બીજા તબક્કામાં 14,975 મતદાન સ્થળો પર મતદાન
બીજા તબક્કામાં કુલ 26,409 મતદાન મથકો
બીજા તબક્કામાં કુલ 8,533 શહેરી વિસ્તારમાં મતદાન મથકો
બીજા તબક્કામાં કુલ 17,876 ગ્રામ્ય વિસ્તારમાં મતદાન મથકો
બીજા તબક્કામાં મોડલ મતદાન મથકની સંખ્યા 93
બીજા તબક્કામાં દિવ્યાંગ સંચાલિત મતદાન મથકની સંખ્યા 93
બીજા તબક્કામાં ઈકો ફ્રેન્ડલી મતદાન મથકની સંખ્યા 93
બીજા તબક્કામાં સખી મતદાન મથકની સંખ્યા 651
બીજા તબક્કામાં 14 યુવા સંચાલિત મતદાન મથક
બીજા તબક્કામાં 13,319 મતદાન મથક પરથી વેબકાસ્ટિંગ થશે
બીજા તબક્કામાં કુલ 37,432 બેલેટ યુનિટ ઉપયોગમાં લેવાશે
બીજા તબક્કામાં કુલ 36,157 કંટ્રોલ યુનિટ ઉપયોગમાં લેવાશે
બીજા તબક્કામાં કુલ 40,066 VVPAT ઉપયોગમાં લેવાશે
સૌથી વધુ 29 ઉમેદવાર બાપુનગર બેઠક પર મેદાને
પાટણમાં 16 ઉમેદવાર હોવાથી 2 બેલેટ યુનિટ વપરાશે
નરોડા બેઠક પર 17 ઉમેદવાર હોવાથી 2 બેલેટ યુનિટ વપરાશે
બાપુનગર બેઠક પર 29 ઉમેદવાર હોવાથી 2 બેલેટ યુનિટ વપરાશે
અમરાઈવાડી બેઠક પર 17 ઉમેદવાર હોવાથી 2 બેલેટ યુનિટ વપરાશે
બીજા તબક્કામાં કુલ 1,13,325 કર્મી ફરજ પર
બીજા તબક્કામાં કુલ 29,062 પ્રિસાઈડીંગ ઑફિસર્સ તૈનાત
બીજા તબક્કામાં કુલ 84,263 પોલિંગ સ્ટાફ તૈનાત