વડોદરાની હિચકારી ઘટનાને બે મહિના જેટલો સમય વીતવા આવશે છતાં કોઈ નક્કર કાર્યવાહી નથી થઇ રહી. ઓએસીસ સંસ્થાના સંચાકલો પાસેથી પોલીસને કોઈ નક્કર માહિતી પ્રાપ્ત થઇ નથી
વડોદરાની યુવતીને ન્યાય ક્યારે ?
ક્યાં અટવાઈ છે સ્થાનિક પોલીસ
હત્યા કે આત્મહત્યાના આટા-પાટા
ગુજરાતના એકદમ ચકચારી એવા દુષ્કર્મ અને હત્યા કે આત્મહત્યાના આટા-પાટામાં અટવાયેલા વડોદરાના વેક્સીન ગ્રાઉન્ડમાં યુવતી સાથે થયેલા દુષ્કર્મની છે. ઘટનાને બે મહિના જેટલો સમય વીતવા આવશે છતાં કોઈ નક્કર કાર્યવાહી નથી થઇ રહી. ઓએસીસ સંસ્થાના સંચાકલો પાસેથી પોલીસને કોઈ નક્કર માહિતી પ્રાપ્ત થઇ નથી. તો રેંજ આઈજી સુભાષ ત્રિવેદી પણ આ મુદ્દે આવતી કાલે બેઠક કરશે. લોકો ઈચ્છી રહ્યા છે કે, પોલીસ કોઈ નક્કર કડી મેળવી આરોપીને બોધપાઠપ્રદ સજા કરાવે. પણ સૌથી મોટો સવાલ છે કે, પોલીસ ક્યાં ઉણી ઉતરી રહી છે ?
શુક્રવારે રેંજ IGની બેઠક
વડોદરા પ્રેરણા દુષ્કર્મ કેસ અને આત્મહત્યાના કેસમાં આરોપીઓ હજુ પણ આઝાદ ફરી રહ્યા છે. ઘટનાને પોણા બે મહિનાનો સમય વિતવા છતાં પણ આરોપીઓ હજુ પોલીસ પકડથી દૂર છે. SIT અને ક્રાઇમબ્રાન્ચ દ્વારા તપાસ કરવામાં આવી રહી છે. IG સુભાષ ત્રિવેદી પણ આ મામલે આવતીકાલે બેઠક કરશે. શંકાસ્પદો સાથે સંકળાયેલા લોકોની પુછપરછ ચાલી રહી છે. ઓએસીસના સંચાલકો પાસેથી કોઇ ખાસ વિગતો પોલીસને નથી મળી રહી. ક્રાઇમ બ્રાન્ચની પૂછપરચમાં ઓએસિસના સંચાલકો એક જ રટણ કરી રહ્યા છે. દુષ્કર્મની જાણ પીડિતાને તેમને ન કરી હોવાનું રટણ કરી રહ્યા છે. ક્રાઇમબ્રાન્ચે ઉલટ તપાસ પણ પૂર્ણ કરી છે. પ્રેરણા મામલે હાલ પોલીસ હવામાં ફીફા ખાંડી રહી છે.