FRCની જાહેરાતને એક વર્ષ વિત્યું છતાં હજી 267 સ્કૂલોએ ફી નક્કી નથી કરી

સરકાર દ્વારા ગરીબ બાળકોને અભ્યાસ મળી રહે તે માટે FRCની જાહેરાત કરવામાં આવી હતી. જોકે સરકાર દ્વારા જાહેરાત કર્યાને એક વર્ષ વીતી ગયા બાદ પણ હજી સુધી ફી નિર્ધારણ કમિટી દ્વારા કામગીરી નથી કરવામાં આવતી તેવુ લાગી રહી છે.

મહત્વનુ છે કે એક વર્ષ પહેલા સરકાર દ્વારા FRCની જાહેરાત કરવામાં આવી હતી અને ફી નિર્ધારણ કમિટી સમક્ષ 24 મેના રોજ ખાનગી શાળાઓને દરખાસ્ત અને એફિડેવિટ કરવાનુ હતુ.

આ સમય દરમિયાન 430 જેટલી સ્કૂલોએ કમિટી સમક્ષ રજૂઆત કરી હતી. ત્યારબાદ બાકીની સ્કૂલોએ કાયદાને હાઈકોર્ટમાં પડકાર્યો હતો. આ મામલો સુપ્રીમ કોર્ટ સુધી પહોચ્યો હતો અને સુપ્રિમે તમામ સ્કૂલોને દરખાસ્ત કરવાનો આદેશ આપ્યો હતો. સુપ્રીમની ટકોર બાદ 88 જેટલી સકૂલોએ દરખાસ્ત રજૂ કરી હતી. ત્યારબાદ કુલ 518 સ્કૂલોએ ફી વધારા માટે દરખાસ્ત કરી હતી. 

જોકે સરકાર દ્વારા અત્યાર સુધીમાં માત્ર 251 સ્કૂલોની ફી નક્કી કરવામાં આવી છે. જ્યારે હજી પણ 267 જેટલી સ્કૂલોની ફી હજી પણ નક્કી કરવાની બાકી છે.

આ સ્કૂલોની ફી ક્યારે નક્કી થશે તેવા અનેક સવાલો ઉભા થઈ રહ્યા છે. સરકાર દ્વારા એક તરફ અભ્યાસ માટે જાહેરાતો કરવામાં આવે તો બીજી તરફ ધીમીગતીથી ચાલતી કામગીરીના કારણે સરકાર પર પણ અનેક સવાલ ઉઠ્યા છે. સરકાર દ્વારા માત્ર જાહેરાતો કરવામાં આવે છે પરંતુ કામ કરવામાં નથી આવતા તેવુ લાગી રહ્યુ છે.

ફી કમીટી બન્યાને એક વર્ષ વીતી ગયુ અને લાખો રુપિયાના પગારો ચુકવાયા બાદ પણ હજુ સુધી ફી નિર્ધારણ કમીટીની કામગીરી ગોકળ ગતીએ ચાલી રહી છે.

ફી નિર્ધારણ કમીટી દ્વારા અત્યાર સુધી માત્ર 251 સ્કૂલોને જ ફી ઓર્ડર ઈશ્યુ કરાયા છે અને હજુ 267  જેટલી સ્કૂલોના ફી ઓર્ડર ઈશ્યુ કરવાના બાકી છે.

ત્યારે સવાલ એ ઉઠે છે કે હજુ સુધી ફી નિર્ધારણ કમીટી ફી ઓર્ડર ઈશ્યુ કરવામાં કોની રાહ જોઈ રહી છે અને કેમ એટલી ધીમી ગતીએ ચાલતી કામગીરી અંગે સરકાર કોઈ FRCને કોઈ સવાલ નથી કરતી.