તમારા કામનું / રિટાયરમેન્ટ બાદ પણ મહીને મળશે 1 લાખનું પેન્શન, એ કઇ રીતે? સમજો આ રોકાણ ટિપ્સ

નિવૃત્તિ પછી રૂ. 1 લાખની માસિક આવક સુનિશ્ચિત કરવા માટે વ્યક્તિ એનપીએસમાં રોકાણ કરી શકે છે. આ માટે તમારે ખાસ પ્રકારની સ્ટેટ્રેજી પર કામ કરવું પડશે. આમાં તમને સૌથી મોટો ફાયદો કમ્પાઉન્ડિંગનો છે. તેનાથી આર્થિક સુરક્ષાની સાથે માનસિક શાંતિ પણ મળી શકે છે.

નિવૃત્ત થયા પછી આવક ચાલુ રહે તે માટે નાણાકીય આયોજન મહત્વનું છે. નેશનલ પેન્શન સિસ્ટમએ નિવૃત્તિ ભંડોળ એકત્ર કરવા માટેના સૌથી સુરક્ષિત વિકલ્પો પૈકી એક છે. તમારું લક્ષ્ય નિવૃત્તિ પછી 1 લાખ રૂપિયાની માસિક આવક હાંસલ કરવાનું છે, તો આ NPS રોકાણ દ્વારા શક્ય છે. અહીં અમે જણાવ્યું છે કે આ કરવાથી તમે તમારું લક્ષ્ય કેવી રીતે પ્રાપ્ત કરી શકો છો.

NPS નિવૃત્તિ વય દરમિયાન સ્થિર આવક સુનિશ્ચિત કરવા માટે રચાયેલ છે. જે નિવૃત્તિ સુધી પહોંચવા પર અને તે પછી નિયમિત માસિક આવક પર એકમ રકમ ઓફર કરે છે. આમાં ચક્રવૃદ્ધિ વળતરનો લાભ મળે છે. તેનો ફાયદો એ છે કે લાંબા રોકાણની અવધિ તમારી આવકમાં નોંધપાત્ર વધારો કરી શકે છે.

1 લાખનું પેન્શન કેવી રીતે મેળવશો?

1 લાખ રૂપિયાનું માસિક પેન્શન મેળવવા માટે તમારે આ વહેલા શરૂ કરવાનું વિચારવું જોઈએ. ઉદાહરણ તરીકે જો તમે 18 વર્ષની ઉંમરે NPSમાં દર મહિને રૂ. 3,475નું રોકાણ કરવાનું શરૂ કરો છો અને 47 વર્ષ સુધી ચાલુ રાખો છો, તો તમે 65 વર્ષની વયે નિવૃત્ત થાઓ ત્યાં સુધીમાં દર મહિને રૂ. 1,00,000 કરતાં વધુનું પેન્શન મેળવી શકો છો.

આ સિવાય તમે તમારા NPS ઇન્વેસ્ટમેન્ટ પોર્ટફોલિયોને કસ્ટમાઇઝ કરી શકો છો. તમારા ભંડોળના 60 ટકા ઇક્વિટીમાં અને 40 ટકા ડેટ ઇન્સ્ટ્રુમેન્ટમાં રોકાણ કરવાથી તમારા રોકાણમાં વિવિધતા આવી શકે છે. આમાંથી તમને લગભગ 10 ટકા રિટર્ન મળી શકે છે.

નિવૃત્તિ ભંડોળનું રોકાણ કેવી રીતે થાય છે?

તમે લાંબા ગાળાના રોકાણની યોજના બનાવી રહ્યા છો અને 30 વર્ષ પછી નિવૃત્ત થવા માંગો છો, તો તમારા NPS ખાતામાં દર મહિને 15,000 રૂપિયાનું યોગદાન આપવાથી તમને દર મહિને 1 લાખ રૂપિયાનું પેન્શન મેળવવામાં મદદ મળી શકે છે.

આ પણ વાંચોઃ આ મોટી બેન્કના ગ્રાહકો માટે ગુડ ન્યૂઝ, હપ્તાનો બોજ થશે ઓછો, વ્યાજદર બદલ્યો

એ નોંધવું અગત્યનું છે કે નિવૃત્તિ ભંડોળના 60 ટકા હિસ્સો એન્યુઇટી પ્લાનમાં રોકાણ કરવામાં આવે છે, જે વાર્ષિક 6 ટકા વળતર આપે છે. જે લોકો 20 વર્ષમાં નિવૃત્ત થવાનું વિચારી રહ્યા છે તેમને દર મહિને આશરે રૂ. 32,000નું યોગદાન આપવું પડશે. 12 ટકા વળતર દર માનીને ચાલીએ તો આ તમને ટૂંકા ગાળામાં સમાન રિટાયરમેંટ કોપર્સ બનાવવામાં મદદ મળશે.