હોમ લોન ચૂકવ્યા પછી ઘરના ઓરિજિનલ ડોક્યુમેન્ટ્સ, નો ડ્યૂ સર્ટિફિકેટ સારી રીતે ચેક કરી પોતાની પાસે સુરક્ષિત જગ્યાએ મુકી દો તેથી તમને ભવિષ્યમાં કોઈ મુશ્કેલી ન પડે.
હોલ લોન ચુકવ્યા બાદ પણ આ વસ્તુઓનું રાખો ધ્યાન
ભવિષ્યમાં નહીં આવે કોઈ પણ મુશ્કેલીઓ
આ મહત્વની વાતો તમારા ખૂબ કામમાં આવશે
જો તમે નવું મકાન બનાવવા અથવા ખરીદવા માટે હોમ લોન લીધી છે. તો તેની EMI તમારા નાણાકીય સંચાલન પર મોટી અસર કરશે. તેથી જ દરેક વ્યક્તિ ઇચ્છે છે કે તેમની હોમ લોન શક્ય તેટલી વહેલી તકે સમાપ્ત થાય.
હોમ લોન પુરૂ થયા બાદ દર મહિને એક મોટી અમાઉન્ટ બેન્કને આપવાની જંજટમાંથી છુટકારો મળે છે અને તમારા આવનાર ભવિષ્યમાં તમારી પાસે એક મોટુ ધન બચાવી શકો છો અને આ વાતને લઈને તમે સંતુષ્ટ થઈ જાવ છો કે તમારૂ ઘર હવે ફક્ત તમારૂ થઈ ગયું છે અને હવે તેના પર કોઈ દેવાદારી બાકી નથી.
હોલ લોન બાદ પુરા કરો કેટલાક જરૂરી કામ
પરંતુ આ ખુશીની ક્ષણોની વચ્ચે તમારે કેટલીક બાબતોનું ધ્યાન રાખવું જોઈએ જેથી તમે આગળ આવનારી કોઈપણ મુશ્કેલીથી બચી શકો. હોમ લોન ચૂકવ્યા પછી, તમારે ભૂલ્યા વિના અમુક કામો જરૂર કરી લેવા જોઈએ.
પ્રોપર્ટીના ઓરિજનલ પેપર જરૂર કલેક્ટ કરો
જ્યારે પણ તમે તમારા નવા ઘર માટે હોમ લોન લો છો. ત્યારે તમારે ઘરના દસ્તાવેજો બેંકમાં જમા કરાવવા પડે છે. એટલે કે ઘર કોલેટરલાઇઝ્ડ અથવા ગીરવી રાખવામાં આવે છે. જ્યારે તમે લોનની ચુકવણી કરો છો, ત્યારે બેંકમાંથી ઘરના ઓરિજિનલ દસ્તાવેજો લેવાનું ભૂલશો નહીં. ચેક કરો કે કાગળ બરાબર છે અને દરેક પેજ હાજર છે કે નહીં.
નો-ડ્યુ સર્ટિફિકેટ લેવાનું ના ભૂલતા
આ સર્ટિફિકેટ એ વાતની ચકાસણી કરે છે કે હવે તમારી પર બેંક પ્રત્યેની કોઈ જવાબદાર નથી અને તમે લોનની સંપૂર્ણ ચુકવણી કરી દીધી છે. આ સાથે તેના પર એવું પણ લખવામાં આવે છે કે લોન આપનારની હવે તમારી મિલકત પર કોઈ દેવું નથી. આ દસ્તાવેજને પણ સારી રીતે તપાસો અને જુઓ કે તમારું નામ, સરનામું અને અન્ય મહત્વપૂર્ણ વિગતો યોગ્ય રીતે લખેલી છે કે નહીં.
પ્રોપર્ટી પર લીન જરૂર હટાવી લો
જ્યાં સુધી હોમ લોન ચૂકવવામાં ન આવે ત્યાં સુધી અન્ય કોઈની મિલકત પોતાની પાસે જાળવી રાખવાના અધિકારને લીન કહેવામાં આવે છે. ઘણા કરદાતાઓ મિલકત પર લીન વસૂલ કરે છે. તેથી, લોન ચૂકવ્યા પછી તેને તમારી મિલકતમાંથી હટાવી લેવાનું યાદ રાખો. એકવાર લીન દૂર થઈ જાય પછી તમે કોઈપણ મુશ્કેલી વિના તમારી મિલકત અન્ય કોઈને વેચી શકો છો.