IPLIN
 

જસ્ટિસ / વિદેશમાં પણ સુશાંતના નામે હવે એવું થવા લાગ્યું કે બહેન બોલી આ આખા વિશ્વની માંગ છે

Team VTV 07:32 PM, 08 Aug 20 | Updated: 07:37 PM, 08 Aug 20
Follow us
Even abroad, in Sushant's name, it now seems that Sister Boli is the demand of the whole world

સુશાંત સિંહ રાજપૂતની બહેન શ્વેતા સિંહ કીર્તિએ તાજેતરમાં જ તેના ઓફિશિયલ ઇન્સ્ટાગ્રામ એકાઉન્ટ મારફતે એક પોસ્ટ શેર કરી છે, જેના પરથી અંદાજ લગાવી શકાય છે કે સુશાંતને  દેશમાં જ નહીં વિદેશમાં પણ લોકો પ્રેમ કરે છે. આ તસવીરમાં દિવંગત એક્ટર માટે ન્યાયની માંગણી કરવામાં આવી છે. 

  • સુશાંત સિંહ રાજપૂતની બહેને ઇન્સ્ટાગ્રામ પર શેર કરી પોસ્ટ 
  • અમેરિકાના કેલિફોર્નિયામાં એક્ટર માટે ઉઠી ન્યાયની માંગણી 
  • ડિજિટલ બિલ બોર્ડ પર લખ્યું "justice for sushant singh Rajput"

સુશાંતસિંહ રાજપૂતના નિધન બાદથી જ તેના પરિવાર સહિત તેના ચાહકો શોકમાં ગરકાવ છે. તેઓ તેના કેસમાં ન્યાયની માંગ કરી રહ્યા છે. અભિનેતાની બહેન શ્વેતા સિંહ કીર્તિએ તાજેતરમાં સોશિયલ મીડિયા મારફતે એક પોસ્ટ શેર કરી હતી, જેના પરથી અંદાજ લગાવી શકાય છે કે સુશાંતને માત્ર દેશમાં જ નહીં પરંતુ વિદેશોમાં પણ જબ્બર લોકચાહના હાસિલ હતી. આથી જ હવે અમેરિકાના કેલિફોર્નિયામાં પણ તેના માટે ન્યાયની માંગણી કરવામાં આવી રહી છે.

ઇન્સ્ટાગ્રામ પર શેર કરી પોસ્ટ, કેપ્શનમાં લખ્યું,''આ એક વર્લ્ડવાઈડ મૂવમેન્ટ''

સુશાંત સિંહની બહેને અમેરિકાના કેલિફોર્નિયાનો એક વિડીયો શેર કર્યો હતો જેમાં એક ડિજિટલ બિલ બોર્ડ પર દિવંગત અભિનેતાને યાદ કરવામાં આવ્યો હતો. સુશાંતના ફોટા સાથે તેની જન્મ અને મૃત્યુના વર્ષને દર્શાવીને "justice for sushant singh Rajput" દર્શાવેલું હતું. આમ અમેરિકામાં પણ સુશાંત સિંહના ન્યાય માંગણી ઊઠી હતી. પોતાની પોસ્ટમાં શ્વેતાએ કેપ્શનમાં લખ્યું હતું કે , "આ એક શ્વેતાએ કેપ્શનમાં લખ્યું છે, "આ એક વર્લ્ડવાઈડ મૂવમેન્ટ  છે." 

શું છે મામલો?

નોંધનીય છે કે  સુશાંતે ગત 14 જૂને બાંદ્રામાં તેના ફ્લેટમાં ગળે ફાંસો ખાઇ આપઘાત કરી લીધો હતો. મુંબઈ પોલીસ આ મામલે તપાસ કરી રહી હતી, પરંતુ સુશાંતના પિતા કે.કે.સિંઘે પટણામાં કેસ નોંધાવ્યા બાદ બિહાર પોલીસે પણ આ મામલે તપાસ કરી હતી. સુશાંત સિંહના પિતા કે કે સિંહે પટનાના રાજીવ નગર પોલીસ સ્ટેશનમાં બૉલીવુડ અભિનેત્રી અને સુશાંત સિંહની તે સમયની કથિત ગર્લફ્રેન્ડ રિયા ચક્રવર્તી વિરુદ્ધ ફરિયાદ નોંધાવી હતી. જે બાદ મહારાષ્ટ્ર અને બિહાર પોલીસ વચ્ચે આ બાબતે વિવાદ થયો હતો. 

સીબીઆઇને સોંપાઈ તપાસ ને ઇડી કરી રહી છે પૂછ પરછ 

આ મામલે બિહાર વિધાનસભામાં ભાજપના ધારાસભ્ય દ્વારા સીબીઆઇ તપાસની માંગ કરવામાં આવી હતી. જેને લઈને બિહાર સરકારે કેન્દ્રને આ કેસમાં સીબીઆઇ તપાસની ભલામણ કરી હતી. જેને કેન્દ્રે સ્વીકારીને સુપ્રીમમાં સોગંદનામું પણ કરી નાખ્યું હતું.  હવે આ કેસ સીબીઆઈને સોંપવામાં આવ્યો છે. બીજી તરફ મની લોન્ડરિંગ કેસમાં એન્ફોર્સમેન્ટ ડિરેક્ટોરેટ (ઇડી) પણ રિયાની તપાસ કરી રહ્યું છે. જેને લઈને સમન જાહેર કરવામાં આવ્યા બાદ રિયા ચક્રવર્તી અને તેની મેનેજર શ્રુતિ મોદીની પણ પૂછ પરછ કરવામાં આવી હતી. 

Sushant Singh Rajput Shweta Singh kirti' Justice California કેલિફોર્નિયા સુશાંત સિંહ રાજપુત શ્વેતા સિંહ જસ્ટિસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ