ટિપ્સ / નવી કારમાંથી પણ ગંદી વાસ આવે છે? તો અપનાવી લો આ ટિપ્સ, ચપટી વગાડતાં વાસ થઇ જશે દૂર

• તમારી કારમાંથી વાસ આવે છે?
• અઠવાડીયામાં 2 વાર કરો સફાઇ
• આ ટિપ્સ અપનાવવાથી કાર રહેશે ફાઇન

કેટલીક વાર તમારી પૂરતી સાફસફાઇ છતાં પણ વાસ આવે છે ત્યારે આ ટિપ્સ ફોલો કરવી જોઇએ. જેનાથી તમારી કાર નવા જેવી જ રહેશે. 

જો તમે રોજ કારથી મુસાફરી કરો છો તો તમારી કારની સફાઈ પણ ખાસ જરૂરી બને છે. કારમાં જરાય ગંદગી ન રહે તેનું ધ્યાન પણ તમારે જ રાખવું પડે છે. કારમાં ગંદગી થવાના કારણોમાં ચિપ્સ, કોલ્ડ્રિંક્સ, હાઈ ડ્રિંક્સ કે પછી તેના રેપર્સ કારમાં રાખી દેવા વગેરે હોય છે. જેનાથી તે બેડ સ્મેલ ફેલાવે છે. આ સમયે કારમાં પરફ્યુમ પણ તમારી મદદ કરી શકતું નથી. તેના માટે જરૂરી છે કારની સફાઈ રાખવું.

 
અઠવાડિયામાં 2 વાર કરો સફાઈ

અઠવાડિયામાં 2 વાર તમારી કારની કાર્પેટને સાફ કરો અને સાથે જ સીટ્સને પણ વેક્યૂમ કરો. તેનાથી જામેલી માટી નીકળી જાય છે. કારમાં બેસતા પહેલાં જૂતા કે ચંપલને સાફ કરીને બેસવાની આદત રાખો. તેનાથી ઇન્ફેક્શનની સાથે સ્મેલ પણ નહીં ફેલાય અને તમારી કાર સ્વચ્છ રહેશે. તમારે કોઈની સામે કારની સ્મેલને લઈને શરમ નહીં અનુભવવી પડે.
 
સ્પ્રે પરફ્યૂમનો કરો ઉપયોગ

કારમાં સારું પરફ્યૂમ રાખો અને તો પણ તમારી કારમાં સુગંધ નથી આવી રહી તો તેનું કારણ એ છે કે તમે તેનો યોગ્ય જગ્યાએ ઉપયોગ કરતા નથી.  સ્પ્રે વાળા પરફ્યૂમને ગાડીના ખૂણા પર યૂઝ કરશો તો તમેને તેનો વધારે લાભ મળશે અને સાથે તેની સુગંધ પણ મળશે.

કારમાં ક્યારેય ન કરો સ્મોકિંગ

ઓડોર્સનો ઉપયોગ એસી સિસ્ટમની તરફ કરવો જોઈએ કેમકે વધારે સ્મેલ અહીંથી આવે છે. વચ્ચે વચ્ચે અને સતત આમ કરવાથી બહારથી આવતી ગંદી સ્મેલને તમે દૂર કરી શકો છો. કારમાં બેસીને સ્મોકિંગ કરવાનું ટાળો કારણ કે તેનાથી આવતી સ્મેલ જલ્દીથી જતી નથી. 
 
આ કામ કરવું પણ છે જરૂરી

કારના કાચને ગ્લાસ ક્લીનરથી સાફ કરો તેનાથી તે એકદમ સ્વચ્છ દેખાશે. હવે દરેક વિંડોને ડાઉન કરો જેથી બહારની હવા કારમાં આવી શકે અને સાથે જ ગ્લાસ ક્લીનરની સ્મેલ તરત જ બહાર નીકળી જાય. ગ્લાસ ક્લીનરના ઉપયોગમાં સાવધાની રાખો કે તેનો ઉપયોગ વધારે પ્રમાણમાં ન કરો.