મિશન મંગળ / રશિયાને વધુ એક ઝટકોઃ યૂરોપિયન સ્પેસ એજન્સીએ મિશન મંગળને લઇને લીધો મોટો નિર્ણય

• યૂરોપિયન સ્પેસ એજન્સીએ 8433 કરોડ રૂપિયાના મિશનથી રશિયાને કર્યું બહાર
• રોવર ESAએ બનાવ્યું હતું, લોન્ચ થવાનું હતું રશિયન રોકેટથી
• આ મિશન માટે આગામી લોન્ચ વિન્ડો વર્ષ 2024 છે

હવે મંગળ મિશનમાં રશિયાના વૈજ્ઞાનિકો અને એન્જીનિયરોની કોઈ મદદ નહીં લેવામાં આવે. આ મિશન અંદાજિત 8433 કરોડ રૂપિયાનું છે. જેમાં યૂરોપિયન દેશોની સાથો સાથ રશિયા પણ સામેલ હતું. ESA અને રશિયન સ્પેસ એજન્સી એક્સોમાર્સ(ExoMars)મિશન સપ્ટેમ્બરમાં લોન્ચ કરવાના હતા.

ESAના ડાયરેક્ટર જનરલ જોસેફ એશબૈશરે કહ્યું કે, એક્સોમાર્સ એક રોવર છે, જેમાં મંગળ ગ્રહ પર મોકલીને ત્યાંના ઐતિહાસિક અને પ્રાચીન વાતાવરણની તપાસ થવાની હતી, જેથી જીવનની ઉત્પત્તિ અને પૂરાવાઓને શોધી શકાય. સાથે જ ભવિષ્યમાં જીવનની સંભાવનાઓ પર સ્ટડી કરી શકાય.

જોસેફે કહ્યું કે, હવે લોન્ચિંગમાં સમય લાગશે. કારણ કે હાલની સ્થિતિ યોગ્ય નથી. યૂરોપિયન દેશોએ આ મિશનને લઇને રશિયાને બહાર કરી દીધું છે. હવે આ રોવર લોન્ચિંગને લઇને ફરીથી યોજના બનાવવામાં આવશે. તેના હિસાબે તૈયારી થશે.

રોવર ESAએ બનાવ્યું હતું, લોન્ચ થવાનું હતું રશિયન રોકેટથી

એક્સોમાર્સનું નામ રોસૈલિંડ ફ્રૈંકલિન રાખવામાં આવ્યું છે. તેની એસેમ્બલી યુકેમાં થઇ રહી છે. જેને રશિયન રોકેટ પર લોન્ચ કરવાનું હતું. જેને જર્મની સ્પેસક્રાફ્ટમાં સેટ કરીને રોકેટમાં લગાવીને લોન્ચ કરવામાં આવત. આ નિર્ણયથી યૂરોપિયન સ્પેસ એજન્સીને મોટો ઝટકો લાગ્યો છે. પરંતુ રશિયાને વધુ નુકસાન થયું છે. હાલની સ્થિતિઓને જોતા આ મિશન માટે આગામી લોન્ચ વિન્ડો વર્ષ 2024 છે.