કાર્યવાહી / 'પાવરફુલ' પુતિનને ફટકો, રશિયા 'આતંકને પ્રોત્સાહન આપનાર દેશ' જાહેર, યુરોપિયન સંસદનો નિર્ણય

• યુરોપિયન સંસદનો મોટો નિર્ણય
• રશિયાને રાજ્ય પ્રાયોજિત આતંકવાદી દેશ જાહેર કર્યો
• યુક્રેનમાં યુદ્ધ લડવાને કારણે રશિયા સામે કરાઈ કાર્યવાહી

યુરોપિયન સંસદે રશિયા સામે મોટી કાર્યવાહી કરતા તેને રાજ્ય પ્રાયોજિત આતંકવાદી દેશ જાહેર કર્યો છે અને યુક્રેન સામેના યુદ્ધ દરમિયાન તેના દળો પર અત્યાચારનો આરોપ લગાવ્યો હતો. 

રશિયાના આ કામોને આતંકી કૃત્યો ગણાવાયા 
યુરોપિયન યુનિયનની સંસદ દ્વારા મંજૂર કરવામાં આવેલા ઠરાવમાં જણાવાયું છે કે, "રશિયન ફેડરેશન દ્વારા યુક્રેનના લોકો સામે ઇરાદાપૂર્વકના હુમલાઓ અને અત્યાચારો, નાગરિક માળખાનો નાશ અને માનવાધિકારોના અન્ય ગંભીર ઉલ્લંઘન અને આંતરરાષ્ટ્રીય માનવતાવાદી કાયદા આતંકવાદી કૃત્યો સમાન છે. સંસદે કહ્યું હતું કે તે "રશિયાને આતંકવાદના પ્રાયોજક રાજ્ય તરીકે અને આતંકવાદના માધ્યમોનો ઉપયોગ કરતા દેશ તરીકે સ્વીકારે છએ. 

European parliament declares Russia 'state sponsor of terrorism', reports AFP

— ANI (@ANI) November 23, 2022

યુક્રેનના રાષ્ટ્રપતિ ઝેલેન્સ્કીએ સંસદના નિર્ણયને વધાવ્યો 
યુક્રેનના રાષ્ટ્રપતિ ઝેલેન્સ્કીએ યુરોપિયન સંસદના નિર્ણયને આવકાર્યો છે. તેમણે એક સોશિયલ મીડિયા પોસ્ટમાં જણાવ્યું હતું કે, "યુક્રેન અને સમગ્ર વિશ્વમાં આતંકવાદની લાંબા સમયથી ચાલી આવતી નીતિનો અંત લાવવા માટે રશિયાને તમામ સ્તરે અલગ પાડવું જોઈએ અને તેને જવાબદાર ઠેરવવું જોઈએ  

ફેબ્રુઆરીથી રશિયા યુક્રેનમાં યુદ્ધ લડી રહ્યું છે 
ઉલ્લેખનીય છે કે રશિયાના રાષ્ટ્રપતિ વ્લાદિમીર પુતિને ફેબ્રુઆરીમાં તેમના સૈનિકોને યુક્રેનમાં હુમલાનો આદેશ આપ્યો હતો. ત્યારથી યુરોપિયન યુનિયને રશિયાની મુખ્ય તેલ નિકાસ અને ટોચના અધિકારીઓને નિશાન બનાવતા આઠ રાઉન્ડના અભૂતપૂર્વ પ્રતિબંધો લાદ્યા હતા.