મહામારી / દુનિયા માથેથી ટળી મોટી આપદા, યુરોપમાં કોરોના મહામારીનો આવ્યો અંત, WHOની મોટી જાહેરાત

• કોરોનાના અંતેને લઈ વિશ્વ આરોગ્ય સંગઠનની મોટી જાહેરાત
• યુરોપ ડિરેક્ટર હંસ ક્લૂઝે કહ્યું, યુરોપમાં કોરોના કેસ ઘટ્યા
• મહામારીનો અંત આવી શકે છે 

દુનિયા જે સમાચારની રાહ જોતી હતી તે હવે આવ્યાં છે. દુનિયામાંથી ધીરે ધીરે કોરોના વાયરસ વિદાય થઈ રહ્યો છે. વિશ્વ આરોગ્ય સંગઠને પણ કોરોના મહામારી પૂરી થઈ હોવા અંગેને એક મોટું નિવેદન આપ્યું છે. વિશ્વ આરોગ્ય સંગઠનના યુરોપ ડિરેક્ટર હંસ કલૂઝે કહ્યું કે કોરોનાના ઓમિક્રોન વેરિયન્ટ યુરોપીય દેશોમાં મહામારીના એક નવા તબક્કામાં સ્થળાતંરિત થઈ ગયો છે અને આ સમાપ્ત થઈ શકે છે. તેમણે કહ્યું કે એક રીતે યુરોપ મહામારીના અંત તરફ આગળ વધી રહ્યો છે. 

કોરોના પાછો આવશે પણ જરુરી નથી કે તે મહામારી હોય- WHO 
યુરોપ ડિરેક્ટર હંસ કલૂઝે કહ્યું કે એક વાર ઓમિક્રોનનો હાલનો વધારો યુરોપમાં ઓછો થઈ જાય છે ત્યાર બાદ થોડા અઠવાડિયામાં વૈશ્વિક પ્રતિરક્ષા પ્રણાલી વિકસીત થઈ જશે. અમારુ અનુમાન છે કે કોરોના ખતમ થતા પહેલા વર્ષના અંત સુધીમાં ફરી એક વાર વાપસ આવી શકે છે પરંતુ જરુરી નથી કે તે મહામારી જ હોય. 

અમેરિકામાં કોરોના કેસ ઘટ્યા, મહામારીના અંતનો શુભ શંકેત-એન્થની ફોસી
અમેરિકાના ટોચના મહામારી નિષ્ણાંત એન્થની ફોસીએ પણ જણાવ્યું કે અમેરિકાના કેટલાક રાજ્યોમાં કોરોનાના કેસમાં ઝડપથી ઘટાડો આવી રહ્યો છે જે ઘણો સારો સંકેત છે. 

ભારતમાં 15 ફેબ્રુઆરી સુધી કોરોના કેસ ઘટી જશે- સરકારની જાહેરાત 
હાલમાં ભારતમાં કોરોનાના કેસ વધી રહ્યાં છે પરંતુ હવે ભારત સરકારે સ્પસ્ટ જણાવ્યું છે કે 15 ફેબ્રુઆરી સુધી દેશમાંથી કોરોના ખતમ થઈ જશે. સરકારના સૂત્રોએ એવી માહિતી આપી કે ભારતમાંથી ધીરે ધીરે કોરોના ઘટી રહ્યો છે.  સૂત્રોએ કહ્યું કે 15 ફેબ્રુઆરી સુધીમાં દેશમાં કોરોના કેસ ઘટી જશે. કેટલાક રાજ્યો અને મહાનગરોમાં કોરોના કેસ ઘટવાનું શરુ થયું છે. તેમણે કહ્યું કે દેશમાં વેક્સિનેશનને કારણે ત્રીજી લહેરની અસરમા ઘટાડો આવ્યો છે. કેન્દ્રીય આરોગ્ય મંત્રાલયે તમામ રાજ્યો અને કેન્દ્ર શાસિત પ્રદેશો સાથે સંકલન કરી રહ્યું છે. હાલમાં 74 ટકા વયસ્ક લોકોમાં વેક્સિનેશનનું કામ પુરુ થયું છે.