મહામારી / 24 કલાકમાં આ દેશમાં 1.96 લાખ કોરોનાના નવા દર્દીઓનો રાફડો ફાટતા ખળભળાટ, સરકારની ચિંતા વધી

• યુરોપમાં સંક્રમણના કેસમાં વધારો 
• એક જ દિવસમાં  ૧,૯૬,૯૪૬ કેસ નોંધાયા
• દુનિયામાં કોરોના સંક્રમિતોની સંખ્યા ૪.૩૨ કરોડને પાર પહોંચી 

ફ્રાંસમાં અત્યાર સુધી ૩૪,૭૬૧ લોકો મૃત્યુ પામ્યાં છે. સંક્રમિતોની કુલ સંખ્યા ૧૧.૩૮ લાખ થઇ ગઇ છે. આ ઉપરાંત ઇટાલીમાં એક દિવસમાં ૨૧,૨૭૩, બ્રિટનમાં ૧૯,૭૯૦, બેલ્જિયમમાં ૧૭,૭૦૯, પોલેન્ડમાં ૧૧,૭૪૨, રશિયામાં ૧૬,૭૧૦, નેધરલેન્ડમાં ૧૦,૨૦૨, જર્મનીમાં ૮,૮૫૬ કેસ સામે આવ્યા છે. 

દુનિયામાં કોરોના સંક્રમિતોની સંખ્યા ૪.૩૨ કરોડને પાર પહોંચી 

દુનિયામાં કોરોના સંક્રમિતોની સંખ્યા ૪.૩૨ કરોડથી વધી ગઇ છે. ૩,૧૮,૨૭,૫૦૯ દર્દીઓ રિકવર થઇ ચુક્યા છે. અત્યાર સુધી ૧૧.૫૭ લાખથી વધુ લોકોના મૃત્યુ થયાં છે. મલેશિયાના કિંગ અલ સુલતાન અબ્દુલ્લાએ ઇમર્જન્સી લગાવવાનો પ્રસ્તાવ ફગાવી દીધો છે. વડા પ્રધાન મુહીદીન યાસિને ઇમર્જન્સી લગાવવાની વાત કહી હતી. 

મલેશિયામાં કોરોનાના કેસમાં થઇ રહ્યો છે વધારો 

જોકે કિંગ અલ સુલતાને કહ્યું કે હવે તેની જરૂર નથી. મલેશિયામાં કોરોનાના કેસ વધી રહ્યા છે. રવિવારે ૮૬૫ કેસ આવ્યા, તેમાંથી આઠનાં મોત થયાં છે. મલેશિયામાં અત્યાર સુધી કુલ ૨૬,૫૬૫ કેસ મળી ચુક્યા છે. ૨૨૯ લોકો મોતને ભેટ્યા છે. 

સ્પેનના વડા પ્રધાન ત્રીજી વખત ઇમર્જન્સી લગાવવાની જાહેરાત કરી
 
સ્પેનના વડા પ્રધાન પેડ્રો સાંચેજે ગઇ કાલે દેશમાં ત્રીજી વખત ઇમર્જન્સી લગાવવાની જાહેરાત કરી છે. અહીં નાઇટ કરફ્યુ લગાવાયો છે. દેશમાં અત્યાર સુધી બે વાર ઇમર્જન્સી લાગી ચૂકી છે. ફ્રાંસમાં કોઇ પણ સરકારી પ્રયાસ કારગત નીવડી રહ્યા નથી. સરકારે પહેલી વાર માન્યું કે નવ શહેરમાં લોકડાઉનનાં એવાં પરિણામો મળ્યાં નથી જેટલી આશા હતી. નવી રણનીતિ પર વિચાર ચાલી રહ્યો છે.