યૂરોપીય સંઘ (EU) એ મંગળારે જાણકારી આપતા જણાવ્યું કે તેઓ 14 દેશના પ્રવાસીઓ માટે પોતાની સરહદો ફી ખોલવાની તૈયારી કરી રહ્યા છે. પરંતુ અમેરિકામાં કોરોનાના વધતા કેસોને ધ્યાનમાં લઇને અમેરિકન નાગરિકોને ઓછામાં ઓછા બે અઠવાડિયા સુધી પ્રવેશની મંજૂરી મળશે નહીં. આ સાથે રશિયા, બ્રાઝિલ, અને ભારત જેવા મોટા દેશોના નાગરિકોના પ્રવેશ પર પણ રોક હજુ યથાવત્ રહેશે.
ઉલ્લેખનીય છે કે યૂરોપની અર્થવ્યવસ્થા કોરોના વાયરસના કારણે ઘણી પ્રભાવિત થઇ છે. યૂનાન, ઇટાલી અને સ્પેન જેવા દક્ષિણ યૂરોપીય સંઘના દેશ ધૂપ પસંદ કરનારા પ્રવાસીઓને આકર્ષિત કરવા તેમજ પ્રભાવિત પર્યટન ઉધ્યોગોમાં ફરી એકવાર પ્રાણ ફૂંકવાનો પ્રયત્ન કરી રહ્યું છે. એક અનુમાન મુજબ દર વર્ષે 1.5 કરોડથી વધારે અમેરિકાના નાગરિકો યૂરોપનો પ્રવાસ કરે છે. એક જાણકારી માટે યૂરોપીય સંઘમાં કુલ 27 સભ્ય દેશ છે.
પ્રાપ્ત મળતી વિગત અનુસા રજે દેશોના નાગરિકોને પ્રવેશની મંજૂરી આપવામાં આવી છે તેમા અલ્જિરીયા, ઓસ્ટ્રેલિયા, કેનેડા, જ્યોર્જિયા, જાપાન, મોંટેનેગ્રો, મોરક્કો, ન્યૂઝીલેંડ, રવાંડા, સર્બિયા, દક્ષિણ કોરિયા, થાઇલેંડ, ટયૂનીશિયા અને ઉરુગ્વે સામેલ છે.
યાદીને દર 14 દિવસે અપડેટ કરવામાં આવશે યૂરોપીય સંઘ અનુસાર આ યાદીને દર 14 દિવસે અપડેટ કરવામાં આવશે અને તેમાં નવા દેશોનો સમાવેશ કરવામાં આવી શકે છે અથવા કેટલાક દેશોને યાદીમાંથી હટાવી શકાય છે. આ તે વાત પર નિર્ભર રહેશે કે તે દેશમાં આ બિમારી પર નિયંત્રણ છે કે નહીં.
પાકિસ્તાન એરલાઇન્સના વિમાનના પ્રવેશ પર પ્રતિબંધ
યૂરોપીય સંઘની એર સેફટી એજન્સીએ 1 જૂલાઇથી પાકિસ્તાન ઇન્ટરનેશનલ એરલાઇન્સને 6 મહિના સુધી યૂરોપમાં પ્રતિબંધિત કરી દીધુ છે. આ નિર્ણય બાદ 1 જુલાઇથી આવનારા 6 મહિના સુધી એટલે કે ડિસેમ્બર 2020 સુધી PIA ના વિમાન યૂરોપમાં જઇ શકશે નહીં.