સમગ્ર વિશ્વના કુલ જહાજો પૈકીનો 40% હિસ્સો ધરાવતા EU દ્વારા અલંગ સહિતના શિપબ્રેકિંગ માટે વલણ કુણું પડવાના એંધાણ દેખાઇ રહ્યાં છે.
અલંગ સહિતના શિપબ્રેકિંગ માટે EUનું વલણ કુણું પડવાના એંધાણ
સમગ્ર વિશ્વના જહાજોનો 40 ટકા હિસ્સો EU પાસે છે
અગાઉ EU દ્વારા અલંગની કરાઇ હતી બાદબાકી
સમગ્ર વિશ્વના કુલ જહાજો પૈકીનો 40% હિસ્સો ધરાવતા યુરોપીયન યુનિયન (EU) ના દેશોના જહાજો ભાંગવા માટે ગણ્યા ગાંઠ્યા 48 યુનિટને જ માન્યતા હોવાથી EUના સમયગાળો વટાવી રહેલા જહાજોનો જથ્થો વધતો જાય છે. એવામાં અલંગ સહિતના શિપબ્રેકિંગ માટે EUનું વલણ કુણું પડવાના એંધાણ દેખાઇ રહ્યાં છે. કારણ કે તમને જણાવી દઇએ કે, યુરોપિયન યુનિયન (EU) લિસ્ટ ઓફ શિપ રિસાયક્લિંગ સુવિધાઓની અગાઉ પ્રકાશિત થયેલી 9મી આવૃત્તિમાં યુરોપિયન કમિશને ત્રણ નવા યાર્ડ ઉમેર્યા હતાં. પરંતુ EU દ્વારા અલંગની બાદબાકી
કરાઇ હતી.
સમગ્ર વિશ્વના જહાજોનો 40 ટકા હિસ્સો EU પાસે છે
તમને જણાવી દઇએ કે, સમગ્ર વિશ્વના જહાજોનો 40 ટકા હિસ્સો EU પાસે છે. EUના ફ્લેગ વાળા જહાજો ઇન્ટરનેશનલ કેશ બાયરો દ્વારા ખરીદી લેવામાં આવે છે. જહાજોના દસ્તાવેજોમાં ફેરફાર કરી દક્ષિણ એશિયાના દેશોમાં ભાંગવા માટે તેને વેચી મારવામાં આવે છે. EU સંલગ્ન દેશોના જહાજ માલિકો અલંગ સહિતના યાર્ડોને માન્યતા આપવા દબાણ કરી રહ્યાં છે. EUની રિસાયકલિંગ સુવિધા દર્શાવવામાં અલંગ નિષ્ફળ રહેતા તેની બાદબાકી થઇ હતી. EU રિસાયકલિંગ સુવિધાની પોલિસી પ્રમાણે જ શિપબ્રેકીંગ યાર્ડોને માન્યતા આપે છે.
EU દ્વારા ભલે દક્ષિણ એશિયાના 3 દેશો ભારત, બાંગ્લાદેશ અને પાકિસ્તાનને માન્યતા આપવામાં નથી આવી પરંતુ તેઓના જહાજો અહીં એક અથવા તો અન્ય રીતે ભંગાવા માટે આવતા જ રહે છે. જો કે તેનો સીધો આર્થિક ફાયદો જહાજના માલિક અથવા તો અંતિમ ખરીદનારને મળતો નથી. આ વલણનો સામનો કરીને સિંગાપોર સ્થિત સી સેન્ટીનેલ્સે દક્ષિણ એશિયન અને અન્ય યાર્ડ્સ પર સંખ્યાબંધ સફળ ટકાઉ જહાજ રિસાયકલિંગ પ્રોજેક્ટ્સની દેખરેખની જવાબદારી લીધી છે જેમાં નિયમોના દસ્તાવેજી પાલનમાં જોખમી કચરાના સુરક્ષિત નિકાલની ખાતરી કરવામાં આવી છે.
EUના સભ્ય બનવા માટે પૂર્વે અલંગના પ્લોટધારકોએ અરજી કરી હતી
વધુમાં તમને જણાવી દઇએ કે, શિપ કટિંગ માટે વિશ્વમાં બીજા નંબરનું ગણાતું અલંગ શિપયાર્ડ આધુનિકરણના માર્ગે સતત આગળ વધી રહ્યું છે. એશિયામાં એચકેસીના નિયમ મુજબ સૌથી વધુ પ્લોટ કાર્યરત હોય તેવું અલંગ એક માત્ર યાર્ડ છે. ત્યારે થોડાંક દિવસો અગાઉ વિશ્વભરના જહાજો અલંગમાં આવે છે તે માટે EUના સભ્ય બનવા માટે પૂર્વે અલંગના પ્લોટધારકોએ અરજી કરી હતી. પરંતુ યુરોપિયન યુનિયને આ તમામ અરજીને મંજૂરીની મહોર ન મારી અલંગની બાદબાકી કરી હતી.