મનોરજંન / ઘરમાં થઇ ગયા લૉકડાઉન, આ ઑનલાઇન પ્લેટફોર્મ પરથી ફ્રીમાં જુઓ ફિલ્મસ

કોરોના વાયરસને ફેલાતો રોકવા માટે લોકોને ઘરમાં રહેવાની સલાહ આપવામાં આવી રહી છે. સ્કૂલ અને કોલેજમાં રજાઓ જાહેર કરી દેવામાં આવી છે. ઘણી ઑફિસમાં વર્ક ફ્રોમ હોમ કરવાની પરવાનગી આપવામાં આવી છે, જોકે આ પગલાથી તમામ લોકો બૉર થઇ રહ્યા છે તો કોઇને કોઇ રીતે પોતાને ઘરમાં બિઝી રાખતા જોવા મળી રહ્યા છે. તો બીજી તરફ ટીવી સીરિયલ્સની શૂટિંગ બધં થયા પછી ઑનલાઇન સ્ટ્રીમિંગ પ્લેટફોર્મ જ એક જ ઑપ્શન છે જેનાથી લોકો વધારે એન્ટરટેઇન થાય.

કોરોનાવાઈરસ લોકડાઉનને કારણે સ્ટ્રીમિંગ વેબસાઈટ Eros Now એ યૂઝર્સ માટે બે મહિના સુધી મફત સબસ્ક્રિપ્શનની જાહેરાત કરી છે. Eros Now એ ઓફિશિયલ ટ્વિટર હેન્ડલ પર આ વાતની જાહેરાત કરી હતી.

Don't be like Vicky!
To make #quarantinetime with family easier, we're giving you a 2-month subscription entirely on us! Use code STAYSAFE and enjoy your favourite movies and shows. #Staysafe, and stay entertained with #ErosNow.#covid_19 #coronavirus pic.twitter.com/EHX7y1iJLW

— Eros Now (@ErosNow) March 18, 2020

Eros Now એ ‘મનમર્ઝિયા’ની એક ક્લિપ શૅર કરી હતી, જેમાં વિકી કૌશલ તથા તાપસી પન્નુ જોવા મળે છે. તાપસી પન્નુ એક્ટર વિકી કૌશલને ધમકાવતી હોય છે અને કહેતી હોય છે, જ્યારે તમારો પરિવાર તમને માસ્ક લાવવાનું કહે ત્યારે તમે ભૂલથી બ્યૂટી માસ્ક લઈને આવી જાઓ છો.

આ ક્લિપ શૅર કરીને કહ્યું હતું, ''વિકી જેવા ના બનશો. પરિવાર સાથે ક્વોરન્ટાઈન ટાઈમ સ્પેન્ડ કરો. અમે 2 મહિનાનું સબસ્ક્રિપ્શન આપીએ છીએ. સ્ટે સેફનો કોડ યુઝ કરો અને તમારી ફેવરિટ ફિલ્મ તથા શોને માણો.''

ઉલ્લેખનીય છે કે Eros Now પર ‘બાજીરાવ મસ્તાની’, ‘તનુ વેડ્સ મનુ રિટર્ન્સ’, ‘હેપી ફિર જાયેંગી’ સહિતની ફિલ્મ્સ છે. જૂની ફિલ્મની વાત કરવામાં આવે તો ‘ઓમકારા’, ‘પાર્ટનર’, ‘ક્રિશ’, ‘હમ દિલ દે ચૂકે સનમ’ જેવી મૂવી ઉપ્લબ્ધ છે.

નોંધનીય છે કે વિશ્વભરના ઘણાં દેશોએ લોકડાઉન કર્યું છે. જેને કારણે સ્ટૂડિયો વિવિધ પગલાં લઈ રહ્યાં છે. યુનિવર્સિલ પિક્ચર્સે હાલમાં જ કહ્યું હતું કે તેઓ હાલની તથા અપકમિંગ ફિલ્મ્સને ઓન ડિમાન્ડ ભાડે આપશે. 48 કલાકનું ભાડું 19.99 ડોલર (અંદાજે 1484 રૂ.) છે.